Buchi Babu : 'RC16' పై అదిరిపోయే అప్డేట్ ఇచ్చిన బుచ్చిబాబు!

Buchi Babu Latest Update About RC16 Movie : పాన్ ఇండియా స్టార్ రామ్ చరణ్ (Ram Charan), ఉప్పెన ఫేమ్ బుచ్చిబాబు దర్శకత్వంలో తెరకెక్కుతున్న లేటెస్ట్ చిత్రం RC16. మైత్రీ మూవీస్ ఎంతో ప్రతిష్టాత్మకంగా నిర్మిస్తున్న ఈ చిత్రం మార్చి 20న ఘనంగా ప్రారంభమైంది. బాలీవుడ్ బ్యూటీ జాన్వీ కపూర్ (Janhvi Kapoor) కథానాయికగా నటిస్తున్నారు. కన్నడ స్టార్ శివరాజ్ కుమార్ ఈ చిత్రంలో కీలక పాత్ర పోషించనున్నారు. ఆస్కార్ విజేత ఏ.ఆర్‌.రెహ‌మాన్ సంగీతాన్ని అందిస్తున్నారు.

ప్రస్తుతం ప్రీ ప్రొడక్షన్‌ పనుల్లో బిజీగా ఉన్న ఈ చిత్రంపై దర్శకుడు తాజాగా ఓ అప్‌డేట్‌ ఇచ్చారు. హీరో విజయ్‌ సేతుపతి (Vijay Sethupathi) నటించిన ‘మహారాజ’ హిట్‌ టాక్‌ను సొంతం చేసుకున్న నేపథ్యంలో దర్శకుడు బుచ్చిబాబు ఆ చిత్రబృందాన్ని ఇంటర్వ్యూ చేశారు. ఈసందర్భంగా ‘RC16’ గురించి విజయ్‌ మాట్లాడుతూ సినిమా స్టోరీ ఎంతో బాగుందని బుచ్చిబాబును ప్రశంసించారు.

Also Read : ‘కల్కి’ నుంచి సీనియర్ నటి శోభన ఫస్ట్ లుక్ రిలీజ్.. ప్రభాస్ సినిమాతో రీ ఎంట్రీ..!

‘నాకు ఈ స్టోరీ మొత్తం తెలుసు. విడుదలకు ముందే చెబుతున్నాను ఇది సూపర్‌ హిట్‌ అవుతుంది. కథను అద్భుతంగా రాశారు’ అని అన్నారు. అలాగే దీని షూటింగ్ ఆగస్టులో ప్రారంభించనున్నట్లు డైరెక్టర్ బుచ్చిబాబు (Buchi Babu) తెలిపాడు. ఈ అప్డేట్ తో మెగా ఫ్యాన్స్ ఫుల్ ఖుషీ అవుతున్నారు.