తెలంగాణకు చెందిన అఘోరీ రెండు తెలుగు రాష్ట్రాల్లో సంచలనంగా మారింది. సికింద్రాబాద్ ముత్యాలమ్మ ఆలయం పై దాడి జరిగిన సమయంలో ఆ ఆలయాన్ని సందర్శంచి నగ్నంగా పూజలు చేయడంతో వార్తల్లోకెక్కారు. అప్పటి నుంచి తరచూ ఇంటర్వ్యూలో ఇచ్చి మరింత పాపులర్ అయ్యారు. అయితే ఆ ఆలయాన్ని ధ్వంసం చేసిన వారిని పట్టుకుని కఠిన చర్యలు చేపట్టాలని డిమాండ్ చేసింది.

Also Read : ట్రంప్ గెలిచారు, నేను అమెరికా నుంచి వెళ్లిపోతా..మస్క్ కుమార్తె ప్రకటన

అంతేకాకుండా తాను సనాతన ధర్మ పరిరక్షణ కోసం పాటుపడుతున్నట్లు తెలిపారు. ఇందులో భాగంగానే తాను ఆత్మార్పణం చేసుకుంటానని తెలిపింది. ఆత్మార్పణంలో తాను చనిపోతే శివుని వద్దకు వెళ్లిపోతానని, లేకుంటే సనాతన ధర్మాన్ని మరింత ముందుకు తీసుకెళ్తానని పేర్కొంది. ఈ మేరకు దీపావళి సందర్భంగా అక్టోబర్ 31న ఆత్మార్పణం చేసుకుంటానని ప్రకటించింది. 

దీంతో అలెర్ట్ అయిన పోలీసులు ముందస్తుగా అఘోరిని అరెస్టు చేశారు. ఆపై అఘోరి సొంత గ్రామమైన కుషన్ పల్లిలోని తన ఇంట్లో రెండు రోజులు నిర్భందించారు. ఆ తర్వాత మహారాష్ర సరిహద్దులో విడిచిపెట్టేశారు. దీనిపై ఆగ్రహించిన అఘోరీ మళ్లీ తెలంగాణకు రానని తెలిపింది. 

Also Read :  సీఎం రేవంత్ సంచలనం.. యాదాద్రి పేరు మార్పు!

ఆంధ్రప్రదేశ్ లో ప్రత్యక్షం

అనంతరం పక్క రాష్ట్రమైన ఆంధ్రప్రదేశ్ లో ప్రత్యక్షమైంది. ఏపీలో అడుగుపెట్టడంతోనే వివాదం మొదలైంది. టోల్ గేట్ వద్ద గొడవకు దిగింది. తనను ఎవరో టచ్ చేశారని.. సీసీ టీవీ ఫుటేజ్ చూపించమని రచ్చ రచ్చ చేసింది. పోలీసులు చేరుకుని వివాదాన్ని సర్దుమనిగించారు. ఇటీవలే శ్రీకాళహస్తి ఆలయాన్ని సందర్శించగా.. పోలీసులు ఆలయంలోపలకి అనుమతించలేదు.

దీంతో అక్కడే ఆత్మర్పణం చేసుకుంటానని ఒంటిపై పెట్రోల్ పోసుకుంది. తర్వాత దానిని నివారించిన పోలీసులు అదుపులోకి తీసుకున్నారు. ఆపై ఎర్రటి వస్తాలతో ఆలయ దర్శనం చేసుకుంది. అక్కడ నుంచి బయల్దేరిన అఘోరి కారుకు యాక్సిడెంట్ అయింది. ఈ కారు యాక్సిడెంట్ కు పోలీసులే కారణం అంటూ అఘోరి తెలిపింది. కారుకు లైట్లు లేవని చెప్పినా వినలేదని.. తనను హైవేపై వదిలేశారని పేర్కొంది.

Also Read: కన్నీళ్లు పెట్టుకున్న ఎమ్మెల్యే కౌశిక్ రెడ్డి!

కర్నూల్ లో ప్రత్యక్షం

ఇక శ్రీకాళహస్తిలో హల్చల్ చేసిన అఘోరి ఇప్పుడు కర్నూల్ లో ప్రత్యక్షమైంది. కారులో యాగంటికి వెళ్తున్న క్రమంలో కారు మొరాయించింది. దీంతో అలంపూర్ వద్ద కారును వదిలేసి కాలినడక సాగించారు. ఇందులో భాగంగానే పాణ్యం మండలం బలపనూరు వద్ద నేషనల్ హైవేపై అఘోరి కనిపించారు. అయితే తాను పాదయాత్రగానే వెళ్తానని.. పోలీసులు ఏర్పాటు చేసిన వాహనాలు ఎక్కనంటూ అఘోరి మొండికేసినట్లు తెలుస్తోంది. అంతేకాకుండా రోడ్డు పక్కనే అఘోరి బైఠాయించింది. 

Also Read: చాగంటికి చంద్రబాబు సర్కార్ కీలక పదవి.. మరో 58 మందికి కూడా..!

రోడ్డుపై పడుకుని నిరసన

రోడ్డుపై పడుకుని నిరసన చేసింది. ఎవరైనా బలవంతం చేస్తే ఆత్మార్పణం చేసుకుంటానని బెదిరిస్తున్నట్లు తెలుస్తోంది. దీంతో విషయం తెలుసుకున్న భక్తులు, స్థానికులు ఆమెను దర్శించుకునేందుకు పెద్ద ఎత్తున అక్కడికి చేరుకుంటున్నారు. పోలీసులు సైతం ఆమెకు ప్రత్యేక బందోబస్తు ఏర్పాటు చేశారు. అఘోరీని సురక్షిత ప్రదేశానికి తరలించాలని పాణ్యం పోలీస్ సిబ్బంది, జాతీయ రహదారి సిబ్బంది చూస్తున్నట్లు తెలుస్తోంది. ఇందులో భాగంగానే అఘోరి రోడ్డు ప్రక్కన బైఠాయించింది. ప్రస్తుతం అందుకు సంబంధించిన వీడియోలు నెట్టింట వైరల్ అవుతున్నాయి.