సస్పెండ్ చేయిస్తా.. మంత్రి నిమ్మలకు లోకేష్ సీరియస్ వార్నింగ్.. వీడియో వైరల్!

తీవ్ర జ్వరంతో అసెంబ్లీకి వచ్చిన మంత్రి నిమ్మల రామానాయుడికి నారా లోకేష్ వార్నింగ్ ఇచ్చారు. ఇలాగే సభకు వస్తే సభ నుండి సస్పెండ్ చేసి పంపిస్తాం అంటూ నవ్వుతూ చెప్పారు. రెస్ట్ తీసుకోకోకుంటే.. యాపిల్ వాచ్ కొనిచ్చి మీ హెల్త్ ను మానిటర్ చేస్తానంటూ వ్యాఖ్యానించారు.

author-image
By Nikhil in ఆంధ్రప్రదేశ్ పశ్చిమ గోదావరి
New Update
Minister Nimmala Rama Naidu Nara Lokesh

Minister Nimmala Rama Naidu Nara Lokesh

ఈ రోజు అమరావతిలోని ఏపీ అసెంబ్లీ లాబీలో ఆసక్తికర పరిణామం చోటు చేసుకుంది. అనారోగ్యంతో అసెంబ్లీకి వచ్చిన నిమ్మల రామానాయుడితో లోకేష్ మాట్లాడిన వీడియో వైరల్ అవుతోంది. అసెంబ్లీ లాబీలో మంత్రి నారా లోకేష్ కు మంత్రి నిమ్మల రామానాయుడు ఎదురు పడ్డారు. దీంతో రామానాయుడు ఆరోగ్యంపై మంత్రి నారా లోకేశ్ ఆరా తీశారు. అన్నా  ఆరోగ్యం జాగ్రత్త అంటూ సూచించారు. కొంచెం రెస్టు తీసుకోండి అంటూ జాగ్రత్తలు చెప్పారు. మీరు ఇలాగే సభకు వస్తే సభ నుండి సస్పెండ్ చేసి పంపిస్తాం అంటూ నవ్వుతూ చెప్పారు. మీకు నిత్యం కళ్లెదుట పోలవరం.. తనకేమో పాఠశాలల అభివృద్ధి కనిపిస్తుంటుందన్నారు. మీరు రెస్ట్ తీసుకోకోకుంటే.. మీకు యాపిల్ వాచ్ కొనిచ్చి మీ స్లీపింగ్ టైంను వాచ్ ద్వారా మానిటరింగ్ చేయాల్సి వస్తుందంటూ వ్యాఖ్యానించారు. 
ఇది కూడా చదవండి: TG Politics: కాంగ్రెస్ కు గుడ్ బై.. సిట్టింగ్ ఎమ్మెల్యే బూతుల వర్షం.. వీడియో వైరల్!

అసెంబ్లీలోనూ చర్చ..

అసెంబ్లీలోనూ రామానాయుడు ఆరోగ్యంపై సరదా చర్చ జరిగింది. ''డాక్టర్ రామానాయుడు గారు.. మీరు పని రాక్షసుడు.. ప్రజా సేవతో పాటు మీ ఆరోగ్యం కూడా చూసుకోండి.. జ్వరం తగ్గేవరకు అసెంబ్లీకి రావద్దు.. ఇది నా రూలింగ్'' అంటూ స్పీకర్ స్థానంలో ఉన్న డిప్యూటీ స్పీకర్ రఘురామకృష్ణంరాజు వ్యాఖ్యానించారు.  జ్వరంతో ఉండి కూడా అసెంబ్లీ సమావేశాలకు నిమ్మల హాజరు అవుతుండడంతో వద్దని మంత్రి లోకేష్, విష్ణుకుమార్ రాజు వారించారు. చేతికి క్యానులాతోనే నేడు అసెంబ్లీ మంత్రి రామానాయుడు హాజరయ్యారు. గోరుగల్లు రిజర్వాయర్ పై సమాధానం ఇచ్చి నిమ్మల తన సీట్లో కూర్చున్న  సందర్భంలో ఈ ఆసక్తికర చర్చ చోటు చేసుకుంది.
ఇది కూడా చదవండి: MLC ఎన్నికల ఫలితాలపై సీఎం రేవంత్ రెడ్డి ఆగ్రహం.. ‘అప్పటి కల్లా సెట్ అవ్వాలి’

స్పీకర్ స్థానంలో ఉన్న రఘురాం కృష్ణంరాజు మంత్రి నిమ్మల తామరాకు మీద నీటిబొట్టులా సమాధానం చెప్పారని సరదాగా వ్యాఖ్యానించారు. దీనిపై మంత్రి లోకేష్ వెంటనే స్పందించి.. 'అన్నకు బాగోలేదు.. అయినా అసెంబ్లీకి వచ్చేస్తున్నారు.. చెప్పినా వినడం లేదు.. మీరైనా రూలింగ్ ఇవ్వండి అధ్యక్షా' అంటూ వ్యాఖ్యానించారు. జ్వరం అని నాకు  తెలియదు.. రామానాయుడు నాకు చాలా కాలంగా తెలుసు మా ఊరు పక్కవాడే. పట్టుదల మనిషి. జ్వరం తగ్గేవరకు  అసెంబ్లీకి రా వద్దని  రూలింగ్ ఇచ్చి తీరాల్సిందే అధ్యక్షా అంటూ బీజేపీ పక్ష నేత విష్ణుకుమార్ రాజు వ్యాఖ్యానించడంతో సభలో నవ్వులు పూశాయి. 

#telugu-news #latest-telugu-news #nimmala ramanaidu #ap minister nara lokesh #telugu breaking news
Advertisment
సంబంధిత కథనాలు
Advertisment
Advertisment
తదుపరి కథనాన్ని చదవండి

BIG BREAKING: పేదలకు సీఎం చంద్రబాబు శుభవార్త!

పేదలకు ఏపీ సీఎం చంద్రబాబు మరో శుభవార్త చెప్పారు. ప్రతి నియోజకవర్గంలో 100 నుంచి 300 పడకల మల్టీ స్పెషాలిటీ ఆస్పత్రులు స్థాపించేలా కార్యాచరణ ప్రారంభించాలని అధికారులను ఆదేశించారు.అవసరాన్నిబట్టి పీహెచ్‌సీ, సీహెచ్‌సీలో వర్చువల్ వైద్యసేవలు అందించనున్నారు. 

author-image
By srinivas in ఆంధ్రప్రదేశ్ విజయవాడ
New Update
CM Chandrababu: విభజన వల్ల ఏపీకి భారీ నష్టం జరిగింది.. దానిపై ఇంకా క్లారిటీ లేదు!

BIG BREAKING: పేదలకు ఏపీ సీఎం చంద్రబాబు మరో శుభవార్త చెప్పారు. ప్రతి నియోజకవర్గంలో 100 నుంచి 300 పడకల మల్టీ స్పెషాలిటీ ఆస్పత్రులు స్థాపించేలా కార్యాచరణ ప్రారంభించాలని అధికారులను ఆదేశించారు.అవసరాని బట్టి పీహెచ్‌సీ, సీహెచ్‌సీలో వర్చువల్ వైద్యసేవలు అందించనున్నారు. \

మల్టీ స్పెషాలిటీ హాస్పటల్స్..

ఈ మేరకు శుక్రవారం సచివాలయంలో ఆరోగ్య శాఖపై సీఎం చంద్రబాబు సమీక్ష నిర్వహించారు. ఈ సందర్భంగా 175 నియోజకవర్గాల్లో 100 పడకలకుపైగా సామర్ధ్యం ఉన్న ఆస్పత్రులు ఇప్పటికే 70 ఉండగా మరో 105 నియోజకవర్గాల్లో మల్టీ స్పెషాలిటీ హాస్పటల్స్ నిర్మాణం కోసం చర్యలు తీసుకోవాలని తెలిపారు. పీపీపీ పద్ధతిలో ఆస్పత్రులు నిర్మించి, నిర్వహించేలా ఆలోచన చేయాలన్నారు. ఇందుకోసం ముందుకొచ్చే సంస్థలకు పరిశ్రమల తరహాలోనే సబ్సిడీలు ఇచ్చే విధానం రూపొందించాలని అధికారులకు సూచించారు. రాష్ట్రంలో వైద్యసేవల్ని మరింత విస్తృత పరచాలని, అమరావతిలో మెగా గ్లోబల్ మెడిసిటీ ప్రాజెక్టు ఏర్పాటు చేసేందుకు చర్యలు తీసుకోవాలన్నారు. 

Also Read: నువ్వేం చేయలేవు.. నీ అయ్య తరం కాదు.. కిషన్ రెడ్డిపై భగ్గుమన్న రాజాసింగ్!

ఇక ప్రపంచ దేశాలన్నీ వైద్యం కోసం అమరావతి వచ్చేలా అంతర్జాతీయ స్థాయిలో తీర్చిదిద్దాలన్నారు. విద్య-వైద్య రంగాలు తమ ప్రాధామ్యాలుగా చెప్పిన ఆయన.. గేట్స్ ఫౌండేషన్ సహకారంతో రాష్ట్రంలో అత్యుత్తమ వైద్య సేవలు అందించాలని అధికారులకు ఆదేశించారు. పీహెచ్‌సీ, సీహెచ్‌సీ స్థాయిలో వైద్యులు అందుబాటులో లేని సమయంలో రోగులకు వర్చువల్ విధానంలో ప్రాథమిక సేవలు అందేలా చూడాలన్నారు. అన్యారోగ్యం బారిన పడిన తర్వాత వైద్యసేవలు అందించే పరిస్థితి నుంచి.. ముందు జాగ్రత్తగా ప్రతి ఒక్కరూ ఆరోగ్యాన్ని సంరక్షించుకునేలా అవగాహన కల్పించాలని చెప్పారు. రూ.32.5 కోట్లతో 25 డ్రగ్ డీఎడిక్షన్ సెంటర్లను సేవలు పెంచడంతోపాటు కొత్తగా మరో 13 డ్రగ్ డీఎడిక్షన్ సెంటర్లను ఏర్పాటు చేయాలని సూచించారు.

Also Read: వైద్యుల నిర్లక్ష్యం, ధన దాహం.. గర్బిణి మృతి

ఏజెన్సీ ఏరియాలోని పీహెచ్‌సీల్లో వైద్య ఖాళీల భర్తీ, విజయనగరంలో కొత్తగా 8 డయాలసిస్ సెంటర్ల ఏర్పాటుపై సమీక్షించారు. ఎన్టీఆర్, విజయనగరం, బాపట్ల జిల్లాల్లో డయాలసిస్ మెషిన్లు పెంచడం, కొవ్వూరు-నిడదవోలు సీహెచ్‌సీలను అప్‌గ్రేడ్ చేయడం తదితర అంశాలపైన మార్గదర్శకాలు జారీ చేశారు. కుప్పం డిజిటల్ నెర్వ్ సెంటర్ (DiNC) పురోగతి గురించి ఆరాతీశారు. డిజిటల్ ప్లాట్‌ఫామ్‌ను ఉపయోగించి ఆరోగ్య సంరక్షణ అందించడానికి డిజిటల్ నెర్వ్ సెంటర్‌ దోహదపడుతుందని, దేశంలోనే అత్యధికంగా 4.47 కోట్ల (88 శాతం) మందికి రాష్ట్రంలో అభా కార్డులు జారీ అయ్యాయని తెలిపారు. 

cm-chandrababu | hospitals | telugu-news | today telugu news

#today telugu news #telugu-news #ap #hospitals #cm-chandrababu
Advertisment
Advertisment
Advertisment