Ram Charan : 'RC 16' కోసం భారీ సెట్.. షూటింగ్ అంతా అందులోనే!

Latest Update From RC 16 Movie : గ్లోబల్ స్టార్ (Global Star) రామ్ చరణ్ (Ram Charan), ఉప్పెన ఫేమ్ బుచ్చిబాబు దర్శకత్వంలో తెరకెక్కుతున్న లేటెస్ట్ చిత్రం RC16. మైత్రీ మూవీస్ ఎంతో ప్రతిష్టాత్మకంగా నిర్మిస్తున్న ఈ చిత్రం రీసెంట్ గానే హైదరాబాద్ (Hyderabad) లో పూజా కార్యక్రమాలతో ఘనంగా ప్రారంభమైంది.

బాలీవుడ్ బ్యూటీ జాన్వీ కపూర్ (Janhvi Kapoor) కథానాయికగా నటిస్తున్నారు. కన్నడ స్టార్ శివరాజ్ కుమార్ ఈ చిత్రంలో కీలక పాత్ర పోషించనున్నారు. ఆస్కార్ విన్నర్ ఏఆర్‌ రెహమాన్‌ మ్యూజిక్‌ అందిస్తున్నారు. త్వరలోనే రెగ్యులర్ షూటింగ్ మొదలుకానున్న ఈ సినిమాకి సంబంధించి ఓ ఆసక్తికర అప్డేట్ ఫిలిం సర్కిల్స్ లో హల్చల్ చేస్తోంది.

Also Read : ‘పుష్ప 2’ షూటింగ్ కి బ్రేక్.. సొంత ఊరికి వెళ్లిన సుకుమార్, ఎందుకో తెలుసా?

భారీ విలేజ్ సెట్..

లేటెస్ట్ ఫిలిం నగర్ టాక్ ప్రకారం.. RC 16 మూవీ కోసం ఓ భారీ విలేజ్ సెట్ వేస్తున్నారట. అంతేకాదు సినిమాలో 60 శాతం షూటింగ్ అంతా ఈ సెట్‌లోనే జరుగనుందట. ఈ సెట్ కోసం మైత్రీ మూవీ మేకర్స్ భారీ మొత్తంలో ఖర్చు పెడుతున్నట్టు సమాచారం. సినిమాలోని మెయిన్ పార్ట్ అంతా ఇదే సెట్ లో జరగనుండటంతో.. దీని కోసం నిర్మాతలు కోట్లల్లో ఖర్చు చేస్తున్నట్లు తెలిసింది.

కాగా ఆర్ట్ డైరెక్టర్ అవినాష్ కొల్లా ఈ సెట్ ని డిజైన్ చేస్తున్నారు. స్పోర్ట్స్ బ్యాక్ డ్రాప్ లో తెరకెక్కనున్న ఈ సినిమాలో రాంచరణ్‌ ఉత్తరాంధ్ర యాసలో మాట్లాడనున్నట్లు తెలుస్తోంది. ప్రస్తుతం గగేమ్ ఛేంజర్ షూటింగ్ తో బిజీగా ఉన్న చరణ్.. ఈ షూటింగ్ పూర్తయిన వెంటనే RC 16 షూట్ లో జాయిన్ కానున్నాడు.