World Tribal Day: ఏపీలో ఘనంగా ప్రపంచ ఆదివాసి దినోత్సవ వేడుకలు!

World Tribal Day: ప్రపంచ ఆదివాసి దినోత్సవ వేడుకలు విశ్వవ్యాప్తంగా ఘనంగా జరుగుతున్నాయి. ఇందులో భాగంగానే ఏపీలోని తూర్పుగోదావరి జిల్లా రాజమహేంద్రవరంలో (Rajamahendravaram) ప్రభుత్వ అధికారుల ఆద్వర్యంలో వేడుకలు నిర్వహించారు. ఈ మేరకు జిల్లా కలెక్టర్ ప్రశాంతి (Collector P Prasanthi).. ఆదివాసీలందరికీ శుభాకాంక్షలు చెబుతూ, ఆదివాసులకు మద్దతుగా ఆర్ట్స్ కాలేజ్ నుండి కంబాల చెరువు వరకు ర్యాలీ చేపట్టారు.

ఎమ్మెల్యే భక్తులు బలరామకృష్ణ, జిల్లా ఎస్పీ కిషోర్ ప్రభుత్వ ఆదేశాల మేరకు ఆదివాసీల కోసం కార్యక్రమాలు చేపట్టారు. ఆదివాసుల కోసం సేవలందించిన వారందరిని ఈ సందర్భంగా కలెక్టర్ ప్రశాంతి సత్కరించారు. ఆదివాసి ఇనిస్టిట్యూషన్ లో చదువుతున్న పిల్లలకు అన్ని రంగాల్లో ప్రాధాన్యత ఇస్తామని, పలు అభివృద్ధి కార్యక్రమాలను త్వరలోనే చేపడతామని కలెక్టర్ ప్రశాంతి తెలిపారు.