Social Media: సెలబ్రిటీలను బ్లాక్ చేయండి.. సోషల్ మీడియాలో హోరెత్తున్న ప్రచారం.. ఎందుకంటే.. 

Social Media: ఎంకి పెళ్లి సుబ్బి చావుకు రావడం అంటే ఇదే. అక్కడెక్కడో గాజాలోని రఫా నగరంపై ఇజ్రాయెల్ దాడులు జరుగుతుంటే.. ఇక్కడ  బాలీవుడ్ - హాలీవుడ్ ప్రముఖులు స్పందించలేదంటూ వారికి  వ్యతిరేకంగా సోషల్ మీడియాలో ప్రచారం జరుగుతోంది. ఈ జాబితాలో క్రికెటర్ విరాట్ కోహ్లీ, బాలీవుడ్ స్టార్ షారుక్ ఖాన్, అలియా భట్ నుండి టేలర్ స్విఫ్ట్, కిమ్ కర్దాషియాన్ వరకు పేర్లు ఉన్నాయి. ఈ ప్రచారం కింద, సోషల్ మీడియాలో ఈ వ్యక్తులను అన్‌ఫాలో చేయాలని, బ్లాక్ చేయాలని, బహిష్కరించాలని విజ్ఞప్తి చేస్తున్నారు. ఈ ప్రచారానికి '#Blockout2024' అని పేరు పెట్టారు. ఈ పేరుతో సోషల్ మీడియాలో ప్రత్యేక పేజీ కూడా నడుస్తోంది. ఇజ్రాయెల్ రాఫా నగరంపై దాడి చేసినప్పుడు ఈ ఉద్యమం తీవ్రమైంది.

Social Media: నిజానికి గత 7 నెలలుగా గాజాపై ఇజ్రాయెల్ జరుపుతున్న దాడులపై ఈ సెలబ్రిటీలు ఒక్కసారి కూడా నిరసన వ్యక్తం చేయలేదు. ఒకవైపు రఫాలో మరణించిన వారి బాధాకరమైన చిత్రాలు ప్రపంచానికి వెల్లడవుతుండగా, మరోవైపు న్యూయార్క్‌లో జరిగిన మెట్ గాలా చిత్రాలు సోషల్ మీడియాలో వైరల్ అవుతున్నాయి.

ప్రచార నినాదం - ఆజాద్ పాలస్తీనా, ఆజాద్ సూడాన్
Social Media: విమర్శలకు గురి అవుతున్న వారిలో భారతదేశానికి చెందిన బాలీవుడ్ తారలు ప్రియాంక చోప్రా, అలియా భట్, విరాట్ కోహ్లీ పేర్లు ఉన్నాయి. హాలీవుడ్ స్టార్స్, కేటీ పెర్రీ, కైలీ జెన్నర్, సెలీనా గోమెజ్, బెయోన్స్, జెండయా పేర్లు కూడా ఈ జాబితాలో చేరాయి. ఇన్‌స్టాగ్రామ్, ఎక్స్ - ఫేస్‌బుక్ వంటి సోషల్ మీడియా ప్లాట్‌ఫారమ్‌లలో పోస్ట్ చేయడం ద్వారా, ప్రజలు ఈ సెలబ్రిటీలను అన్‌ఫాలో చేయాలని - బ్లాక్ చేయాలని డిమాండ్ చేస్తున్నారు. ఈ సందర్భంగా ఫ్రీ పాలస్తీనా, ఫ్రీ సూడాన్, ఫ్రీ కాంగో నినాదాలు కూడా చేస్తున్నారు.

Also Read: పిఠాపురం వర్మ.. కష్టానికి గుర్తింపు దక్కుతుందా? ఫలితాల పవన్ ఏమి చేస్తారు? 

Social Media: ఇజ్రాయెల్ పాలస్తీనియన్లను ఊచకోత కోస్తోందంటూ పోస్టులు పెట్టారు. ఇలాంటి సమయంలో ప్రపంచ వ్యాప్తంగా ఉన్న సెలబ్రిటీలు సిగ్గు లేకుండా మౌనంగా ఉంటారు. సోషల్ మీడియాలో అసత్యాలు, ప్రచారం చేస్తున్నారు. సోషల్ మీడియా సెలబ్రిటీలు, ఇన్‌ఫ్లుయెన్సర్‌లు తమ ఫాలోయర్లు, ప్రజల ద్వారా లక్షలు, కోట్ల రూపాయలు సంపాదిస్తున్నారని ప్రచారంలో ఉంది. అటువంటి పరిస్థితిలో, ఈ వ్యక్తుల ప్రజాదరణను తగ్గించే శక్తి కూడా ప్రజలకు ఉంది. ఈ వ్యక్తులకు మన అవసరం కంటే ఎక్కువ అవసరం.

'సెలబ్రిటీలు డబ్బు గురించి మాత్రమే పట్టించుకుంటారు, వారిని బ్లాక్ చేయాలి'
Social Media: సెలబ్రిటీలు సోషల్ మీడియా ద్వారా లాభాలు పొందడం మానేసినప్పుడు, వారు మన మాట వింటారని ప్రచారం చేస్తున్నారు. అలాంటి వారు అన్నిటికంటే లాభానికే ఎక్కువ ప్రాధాన్యత ఇస్తారు. ఈ సెలబ్రిటీలను బహిష్కరిస్తున్నప్పుడు ట్యాగ్ చేయకూడదని, లేకుంటే వారి పాపులారిటీ మరింత పెరుగుతుందని కూడా ప్రచారంలో ఉంది. సోషల్ మీడియా వినియోగదారులు తమ ఎకౌంట్స్ ద్వారా మంచి కారణం కోసం తమ స్వరాన్ని పెంచాలి. ఇంత మందిపై ప్రభావం చూపుతున్నప్పటికీ మారణహోమానికి వ్యతిరేకంగా గళం విప్పని సెలబ్రిటీలు అవసరం లేదు. ఈ ప్రముఖులను పూజించడం మానేయాలి. అంటూ సోషల్ మీడియాలో ప్రచారం జోరుగా సాగుతోంది.