నిజాం కూడా నీలాగా చేయలేదు.. అమోయ్ కుమార్ పై హైకోర్టు సంచలన వ్యాఖ్యలు

వివాదాస్పద ఐఏఎస్ అధికారి అమోయ్ కుమార్ పై తెలంగాణ హైకోర్టు సంచలన వ్యాఖ్యలు చేసింది. నిజాం రాజు కూడా ఆయనలా భూములు కట్టబెట్టలేదని సీరియస్ కామెంట్స్ చేసింది. భూదాన్‌ భూముల పరిరక్షణలో విఫలమయ్యారని గత బోర్డుతో సహా అధికారులపై న్యాయస్థానం ఆగ్రహం వ్యక్తం చేసింది.

author-image
By Bhavana in తెలంగాణ హైదరాబాద్
New Update
Telangana High Court: ఆ విషయంలో పోలీసులు తీరు మార్చుకోవాలి: హైకోర్టు

Telangana:

భూదాన్‌ భూములంటూ ఆర్డీవో ఇచ్చిన ఉత్తర్వులను అప్పిలేట్‌ ట్రైబ్యునల్‌ అథారిటీ హోదాలో ధ్రువీకరించిన వ్యక్తే...రంగారెడ్డి జిల్లా కలెక్టర్‌గా ఉన్నప్పుడు వారసత్వ ధ్రువీకరణ ప్రతం జారీ చేయడం పై హైకోర్టు ఆశ్చర్యం వ్యక్తం చేసింది. రంగారెడ్డి జిల్లా గత కలెక్టర్‌ ఇప్పటికే పలు కేసులు  ఎదుర్కొంటున్నట్లు పత్రికల్లో కథనాలు చూశామని...నిజాం కూడా భూములను అలా కట్టబెట్టలేదని వ్యాఖ్యానించింది. 

Also Read: Bangladesh: రాజ్యాంగంలో ‘సెక్యులర్’, ‘సోషలిస్ట్’ పదాలు తొలగించండి...!

ఆనాడు భూములను దివానీ, సర్ఫేకాజ్‌ , పట్టాలు అనే మూడు రకాలుగా గుర్తించిన నిజాంను అభినందించాలని పేర్కొంది. అధికారులపై ఆరోపణలు ఉన్నప్పుడు వారు కోర్టుకు సమాధానం చెప్పాల్సిందేనంటూ సుప్రీం కోర్టు రాజ్యాంగ ధర్మాసనం సయ్యద్‌ యాకూబ్‌ కేసులో స్పష్టం చేసిందని హైకోర్టు తెలిపింది.

Also Read:  AP Rains: అల్పపీడనం ప్రభావం.. ఏపీలో ఈ జిల్లాల్లో భారీ వర్షాలు!

భూదాన్‌ భూముల రక్షణకు అధికారులు చర్యలు తీసుకోకపోవడం పై అసంతృప్తి వ్యక్తం చేసింది. పేదల కోసం రామచంద్రా రెడ్డి 300 ఎకరాలను ఇవ్వగా..గతంలో ఉన్న భూదాన్‌ బోర్డుతో సహా అధికారులు అమ్ముకుని తినేశారని వ్యాఖ్యానించింది. తెలంగాణలో పేదలకు భూములను ఇచ్చిన ఎందరో గొప్పవాళ్లు ఉన్నారని, మాజీ ప్రధాని పీవీ నరసింహారావు..అగ్రికల్చరల్‌ సీలింగ్‌ చట్టం అమల్లోకి వచ్చినప్పుడు 500 ఎకరాలు ఇచ్చేశారన్నారు.

Also Read: AP: విశాఖలో రెచ్చిపోయిన ప్రేమోన్మాది..జమ్మూ నుంచి వచ్చి మరి యువతిని..!

భూదాన్‌ భూముల రక్షణలో గత బోర్డుతో సహా అధికారులు విఫలమయ్యారంది. ప్రస్తుత కేసులో 10 ఎకరాల భూమి భూదాన్‌ బోర్డుకు చెందినదని ధ్రువీకరించాక...వారసత్వ ధ్రువీకరణ పత్రం ఎలా జారీ చేస్తారో కౌంటర్‌ దాఖలు చేయాలంటూ రెవెన్యూ శాఖ ముఖ్య కార్యదర్శి , భూదాన్‌ యజ్ఙబోర్డు , వ్యక్తిగత హోదాలో గత కలెక్టర్‌ డి. అమోయ్‌ కుమార్‌ , అప్పటి డీఆర్‌ వో ఆర్పీ జ్యోతితో పాటు మరో ఇద్దరు ప్రైవేట్‌ వ్యక్తులకు నోటీసులు జారీ చేసింది.

Also Read: SA:గనిలో చిక్కుకున్న 4 వేల మంది చిన్నారులు..సాయం చేయనంటున్న ప్రభుత్వం!

రంగారెడ్డి జిల్లా మహేశ్వరం మండలం నాగారం గ్రామం సర్వే నం. 182 లో10.92 ఎకరాలకు సంబంధించి ఖాదర్‌ ఉన్నీసా బేగంకు వారసత్వ ధ్రువీకరణ పత్రం జారీ చేయడాన్ని సవాల్‌ చేస్తూ నవాబ్‌ ఫరూక్‌ అలీఖాన్‌ హైకోర్టులో పిటిషన్‌ దాఖలు చేశారు. దీని పై జస్టిస్‌ సీవీ భాస్కర్‌ రెడ్డి విచారణ చేపట్టారు. పిటిషనర్‌ తరపు న్యాయవాది వాదనలు వినిపిస్తూ గతంలో ఈ భూములను భూదాన్‌ భూములుగా ఆర్డీవో ఆదేశాలివ్వగా, స్పెషల్‌ ట్రైబ్యునల్‌ సమర్థించిందన్నారు.

అందుకు విరుద్దంగా ట్రైబ్యునల్‌ కు నేతృత్వం వహించిన అధికారి కలెక్టర్‌ హోదాలో ఖాదర్‌ హున్సీసా బేగం ఇచ్చిన దరఖాస్తును ఆమోదించి పట్టాదారు పాస్‌ బుక్‌ జారీ చేశారన్నారు. అంతే గాకుండా భూదాన్‌ భూములకు సంబంధించి యథాతథస్థితి కొనసాగించాలంటూ హైకోర్టు మధ్యంతర ఉత్తర్వులు జారీ చేసినా పట్టించుకోలేదన్నారు.

వాదనలను విన్న న్యాయమూర్తి...భూదాన్‌ భూములకు సంబంధించి వివాదం పెండింగ్‌ లో ఉన్నప్పటికీ ఆలోచించకుండా పట్టాపాస్‌ బుక్‌ జారీ చేశారన్నారు. ఈ భూముల పై యథాతథస్థితిని కొనసాగించాలని మధ్యంతర ఉత్తర్వులు జారీ చేశారు. ఈ వివాదానికి సంబంధించి పూర్తి వివరాలతో కౌంటర్లు దాఖలు చేయాలని ఆదేశిస్తూ ప్రతివాదులకు నోటీసులు జారీ చేస్తూ విచారణను 28 కి వాయిదా వేశారు.  

 

#cbi #telangana-high-court #amoy kumar #Rangareddy Collector
Advertisment
సంబంధిత కథనాలు
Advertisment
Advertisment
తదుపరి కథనాన్ని చదవండి

Telangana: మరో 48 గంటలు భారీ వర్షాలు.. వాతావరణ శాఖ అలర్ట్..  !

అకాల వర్షాల వల్ల హైదరాబాద్ నగరంలో ఉత్పన్నమైన పరిస్థితులను ఎదుర్కొనడానికి అప్రమత్తంగా ఉండాలని ముఖ్యమంత్రి ఎ.రేవంత్ రెడ్డి అధికారులను ఆదేశించారు. పోలీసులు క్షేత్రస్థాయిలో ఉండి ట్రాఫిక్ సమస్యను ఎక్కడికక్కడ పరిష్కరించాలని చెప్పారు.

author-image
By Bhavana in తెలంగాణ ఆదిలాబాద్
New Update
Heavy rains in Hyderabad

Heavy rains in Hyderabad

అకాల వర్షాల వల్ల హైదరాబాద్ నగరంలో ఉత్పన్నమైన పరిస్థితులను ఎదుర్కొనడానికి అప్రమత్తంగా ఉండాలని ముఖ్యమంత్రి ఎ.రేవంత్ రెడ్డి అధికారులను ఆదేశించారు. భారీ వర్షంతో నగరంలోని పలు లోతట్టు ప్రాంతాలు జలమయం కావడం, ఈదురుగాలుల కారణంగా తలెత్తిన పరిస్థితుల్లో ప్రజలు ఇబ్బందులు పడకుండా తక్షణ సహాయక చర్యల కోసం అన్ని శాఖల అధికారులు అప్రమత్తంగా ఉండాలని చెప్పారు. నగరంలో పరిస్థితిని ఎప్పటికప్పుడు సమీక్షించాలని రాష్ట్ర ప్రభుత్వ ప్రధాన కార్యదర్శి శాంతి కుమారిని ఆదేశించారు. లోతట్టు ప్రాంతాల్లో ప్రజలు ఇబ్బంది పడకుండా తగిన జాగ్రత్తలు తీసుకోవాలని సూచించారు.

Also Read: Moon: చంద్రుడిపై నిర్మాణాలు.. బ్యాక్టీరియాతో ఇటుకల తయారీ!

రోడ్లపై నీరు నిలిచిన ప్రదేశాల్లో వెంటనే తగిన చర్యలు తీసుకోవాలని, ట్రాఫిక్ సమస్య తలెత్తకుండా, విద్యుత్ అంతరాయాలు లేకుండా జీహెచ్ఎంసీ, పోలీసు, హైడ్రా విభాగాలు సమన్వయంతో పనిచేయాలని ఆదేశించారు. విద్యుత్ సరఫరా నిలిచిపోయిన ప్రాంతాల్లో వెంటనే సమస్యను పరిష్కరించి సరఫరాను పునరుద్ధరించాలని చెప్పారు. జలమయమైన కాలనీల్లో ప్రజలకు అవసరమైన సహాయక చర్యలు చేపట్టాలని అన్నారు. 

Also Read: Tamilnadu: చెన్నైలో త్వరలో కార్ల్‌మార్క్స్‌ విగ్రహం.. సీఎం స్టాలిన్ కీలక ప్రకటన

పోలీసులు క్షేత్రస్థాయిలో ఉండి ట్రాఫిక్ సమస్యను ఎక్కడికక్కడ పరిష్కరించాలని చెప్పారు. పలు జిల్లాల్లో కూడా వర్షాలు, ఈదురుగాలులు, వడగండ్లు పడుతున్నందున జిల్లా కలెక్టర్లు, పోలీసు యంత్రాంగం, ఇతర అన్ని శాఖల అధికారులు అప్రమత్తంగా ఉండాలని ఆదేశించారు.అత్యధిక వర్షపాతం నమోదైన టాప్ 100 ప్రాంతాల్లో 90 వరకు హైదరాబాద్‌లోనే ఉన్నాయి. అత్యధికంగా యాదాద్రి భువనగిరి జిల్లా నారాయణపూర్‌‌‌‌లో 9.8 సెం.మీ. వర్షపాతం నమోదు అయినట్లు అధికారులు తెలిపారు. ఆ తర్వాత హైదరాబాద్‌‌లోని హిమాయత్‌‌నగర్‌‌‌‌లో 9.6, డబీర్‌‌‌‌పురాలో 9.45, సరూర్‌‌‌‌నగర్‌‌‌‌లో 9.35, నాంపల్లిలో 9.43, ముషీరాబాద్‌‌లో 9.43 సెం.మీ వర్షపాతం నమోదయింది.

ఇదిలా ఉండగా.. నేడు హైదరాబాద్‌‌లో మోస్తరు నుంచి భారీ వర్షాలు పడే అవకాశం ఉందని, రాష్ట్రవ్యాప్తంగా 40 నుంచి 50  కి.మీ. వేగంతో ఈదురుగాలులు వీస్తాయని పేర్కొంది. రాష్ట్ర వ్యాప్తంగా మరో రెండ్రోజుల పాటు భారీ వర్షాలు కురుస్తాయని వాతావరణ శాఖ తెలిపింది. యాదాద్రి, రంగారెడ్డి, జనగామ, మహబూబ్‌‌నగర్, నాగర్‌‌‌‌కర్నూల్, వనపర్తి, నారాయణపేట, జోగులాంబ గద్వాల, భూపాలపల్లి, భద్రాద్రి, ములుగు, ఖమ్మం, సంగారెడ్డి, మెదక్, కామారెడ్డి, హైదరాబాద్, మేడ్చల్, వికారాబాద్,  దిలాబాద్, కుమ్రంభీమ్ ఆసిఫాబాద్, నిర్మల్, నిజామా బాద్, నల్గొండ, సూర్యాపేట, వరంగల్, హనుమకొండ, సిద్దిపేట జిల్లాలో భారీ వర్షం ఉంటుందని హైదరాబాద్ వాతావరణ శాఖ వెల్లడించింది. ఆయా జిల్లాలకు ఎల్లో అలర్ట్ కూడా జారీ చేసింది.

Also Read: Emergency landing: టర్కీలో విమానం ఎమర్జెన్సీ ల్యాండింగ్.. 200మంది భారతీయులు 16 గంటలుగా

Also Read: viral News: పోషించలేనప్పుడు పెళ్లెందుకు చేసుకుంటున్నారు..!

nalgonda | adilabad | yadadri | rains | weather | TG weather1 | TG Weather Updates | rain-alert | heavy rain alert in telugu states | latest-news | telugu-news | latest-telugu-news | latest telugu news updates

#latest telugu news updates #latest-telugu-news #telugu-news #latest-news #heavy rain alert in telugu states #rain-alert #TG Weather Updates #TG weather1 #telangana #weather #rains #yadadri #adilabad #nalgonda #hyderabad
Advertisment
Advertisment
Advertisment