Train: నాలుగు గంటల్లోనే శంషాబాద్ నుంచి విశాఖ..సెమీ హైస్పీడ్ ట్రైన్

Semi High Speed Train: 

ఆంధ్రా, తెలంగాణల్లో ప్రధాన నగరాలైన హైదరాబాద్, విశాఖల మధ్య ప్రయాణ సమయాన్ని తగ్గించే రైల్వే ప్రాజెక్ట్ ప్రణాళిక కీలక దశకు చేరుకుంది. ఇందులో భాగంగా శంషాబాద్–వైజాగ్‌ల మధ్య సెమీ హైస్పీడ్‌ రైల్‌ కారిడార్‌ ఎలైన్‌మెంట్‌ ఖరారైంది. సూర్యాపేట, విజయవాడ మీదుగా ఈ ట్రైన్ నడవనుంది. ఇందులో భాగంగా విశాఖ నుంచి విజయవాడ, సూర్యాపేటల మీదుగా కర్నూలుకు మరో కారిడార్‌ నిర్మించనున్నారు. ఇది విశాఖ నుంచి మొదలై.. సూర్యాపేట, నల్గొండ, కల్వకుర్తి, నాగర్‌కర్నూల్‌ మీదుగా కర్నూలు చేరుతుంది. ఈ ప్రణాళికను నవంబరులో రైల్వేబోర్డుకు సమర్పించనున్నట్లు సమాచారం.

ఇది కనుక నిజం అయి పట్టాలెక్కితే తెలుగు రాష్ట్రాల్లో ఇదే మొట్టమొదటి సెమీ హైస్పీడ్ ట్రైన్ అవుతుంది. ఇందులో శంషాబాద్, రాజమండ్రిని కూడా కలపడం మరో విశేషం. ఈ సెమీ హై స్పీడ్ కారిడార్ లో రైళ్లు గంటకు 220 కి.మీ వేగంతో ప్రయాణించగలవు. ఈ ప్రాజెక్టు పూర్తయితే.. హైదరాబాద్‌ ఎయిర్‌పోర్టు నుంచి విశాఖపట్నానికి నాలుగు గంటల్లోపే చేరుకోవచ్చు. ప్రస్తుతం ఈ రెండు నగరాల మధ్య రైలు ప్రయాణానికి 12 గంటల సమయం పడుతోంది. వందేభారత్‌ 8.30 గంటల్లో చేరుకుంటోంది. 

Also Read:  Israel: ఇరాన్ మీద ఇజ్రాయెల్ దాడి..1981 నాటి ఆపరేషన్ ఒపేరాతో పోలిక