ఈ రోజుల్లో ప్రసవం కోసం గవర్నమెంట్ ఆసుపత్రికి వెళ్లే వాళ్ల సంఖ్య చాలా తక్కువ. ప్రభుత్వాలు స్కీమ్ లు తీసుకొచ్చి ప్రొత్సహించి ప్రభుత్వ ఆసుపత్రులపై భరోసా కల్పించేలా ప్రయత్నాలు చేస్తున్నప్పటికీ ప్రైవేటుతో పోలిస్తే అక్కడికి వెళ్తున్న వారి సంఖ్య చాలా తక్కువగానే ఉంటుంది. పేద ప్రజలకు ప్రభుత్వ ఆసుపత్రుల్లో అందించే వైద్య సేవలపై మరింత నమ్మకాన్ని కలిగించేలా పెద్దపల్లి జిల్లా కలెక్టర్  శ్రీహర్ష తీసుకున్న నిర్ణయానికి నిజంగా హ్యాట్సాఫ్ చెప్పాలి.  

Also Read :   Pahalgam attack: వినయ్ నర్వాల్ కుటుంబానికి హర్యానా ప్రభుత్వం భారీగా పరిహారం!

Also read :  Andhra Pradesh: వారికి రూ.8 లక్షలు.. సీఎం చంద్రబాబు అదిరిపోయే గుడ్ న్యూస్

ప్రభుత్వ ఆసుపత్రిలో కలెక్టర్ కోయ శ్రీహర్ష భార్య ప్రసవం

గోదావరిఖని ప్రభుత్వ జనరల్ ఆసుపత్రి(జీజీహెచ్)లో పండంటి మగబిడ్డకు జన్మనిచ్చిన పెద్దపల్లి కలెక్టర్ కోయ శ్రీహర్ష భార్య విజయ

తన భార్య గర్భం దాల్చినప్పటి నుంచి ప్రభుత్వ ఆసుపత్రిలోనే చికిత్స చేయించిన కలెక్టర్ కోయ శ్రీహర్ష pic.twitter.com/Zom2bwbXWj

— Telugu Scribe (@TeluguScribe) April 27, 2025

నిజంగా అందరికీ ఆదర్శం

ఆయన సతీమణి గోదావరిఖనిలోని ప్రభుత్వ ఆసుపత్రిలో చేర్పించి డెలివరీ చేయించడం నిజంగా అందరికీ ఆదర్శం. ఆయన భార్య విజయ నిన్న గోదావరిఖనిలోని ప్రభుత్వ జనరల్ ఆస్పత్రి (జీజీహెచ్)లో ప్రసవించారు. రాత్రి పురిటినొప్పులు రావడంతో వైద్యులు వెంటనే  ఆపరేషన్ చేయగా ఆమె పండంటి మగబిడ్డకు జన్మనిచ్చారు. తల్లి, బిడ్డ ఇద్దరూ ఆరోగ్యంగా ఉన్నారని వైద్యులు తెలిపారు. తన భార్య గర్భం దాల్చినప్పటి నుంచి కలెక్టర్ ప్రభుత్వ ఆస్పత్రిలోనే చికిత్స చేయించారు. దీంతో ఈ దంపతులపై నెటిజన్లు సోషల్ మీడియాలో ప్రశంసలు కురిపిస్తున్నారు. ఇప్పుడీ వార్త నెట్టింట వైరల్ గా మారింది. 

కోయ శ్రీ హర్ష ఇండియన్ అడ్మినిస్ట్రేటివ్ సర్వీస్ (IAS) అధికారి, 2017 UPSC సివిల్ సర్వీసెస్ పరీక్షలో ఆల్ ఇండియా 6 ర్యాంక్ సాధించారు.  ఆయన NIT జంషెడ్‌పూర్ నుండి ప్రొడక్షన్ అండ్ ఇండస్ట్రియల్ ఇంజనీరింగ్‌లో B.Tech పట్టా పొందారు. 

Also Read : Chhattisgarh : స్టూడెంట్స్తో బలవంతంగా నమాజ్ .. ఏడుగురు టీచర్లపై కేసు!

Also read :  Subham Trailer పెళ్ళాల సీరియల్ పిచ్చికి బలైన మొగుళ్ళు.. సామ్ స్పెషల్ ఎంట్రీ అదుర్స్! ట్రైలర్ చూశారా

peddapalli | Peddapalli Govt Hospital | collector sri Harsha | delivery | telangana