/rtv/media/media_files/2026/05/20/telangana-tourism-2026-05-20-14-52-09.jpg)
Telangana Tourism
Follow Us
TG JOBS: తెలంగాణలో ప్రభుత్వ ఉద్యోగాల కోసం ఎదురుచూస్తున్న నిరుద్యోగ యువతకు రాష్ట్ర ప్రభుత్వం అదిరిపోయే శుభవార్త చెప్పింది. రాష్ట్రంలోని పురావస్తు, చారిత్రక, వారసత్వ పర్యాటక ప్రదేశాల సందర్శనకు వచ్చే పర్యాటకులకు మార్గదర్శకం చేసేందుకు 'టూరిస్ట్ గైడ్ ప్రోగ్రామ్ - 2026' కింద దరఖాస్తులను ఆహ్వానిస్తోంది.రాష్ట్ర ప్రభుత్వ వారసత్వ, పర్యాటక శాఖలు సంయుక్తంగా నిర్వహిస్తున్న ఈ ప్రోగ్రామ్ ద్వారా తెలంగాణలోని మొత్తం 33 జిల్లాల నుండి అర్హులైన అభ్యర్థులను ఎంపిక చేయనున్నారు. పర్యాటక రంగంపై మక్కువ ఉండి, చక్కని కమ్యూనికేషన్ నైపుణ్యాలు ఉన్నవారికి ఇదొక సువర్ణావకాశం.
అర్హత ప్రమాణాలు
ఈ నోటిఫికేషన్కు దరఖాస్తు చేసుకోవాలనుకునే అభ్యర్థులు క్రింది అర్హతలను కలిగి ఉండాలి.
విద్యార్హత: ఏదైనా గుర్తింపు పొందిన యూనివర్సిటీ నుండి డిగ్రీ (పట్టభద్రులు) పూర్తి చేసి ఉండాలి.
ఆసక్తులు: పురావస్తు శాస్త్రం (Archaeology), చరిత్ర (History), సంస్కృతి, కళలు, ఆర్కిటెక్చర్. పర్యాటక రంగాలపై అవగాహన లేదా ప్రత్యేక ఆసక్తి ఉండాలి.
నైపుణ్యాలు: పర్యాటకులతో మాట్లాడగలిగే మంచి కమ్యూనికేషన్ స్కిల్స్ (భాషా నైపుణ్యాలు) కలిగి ఉండటం అవసరం.
దరఖాస్తు చేసుకునే విధానం (స్టెప్ బై స్టెప్)
ఈ పోస్టుల కొరకు అభ్యర్థులు ఆన్లైన్లో గూగుల్ డాక్స్ ఫామ్ (Google Docs Form) ద్వారా మాత్రమే దరఖాస్తు చేసుకోవాల్సి ఉంటుంది. అప్లికేషన్ ప్రాసెస్ సజావుగా పూర్తి చేయడానికి క్రింది పద్ధతిని అనుసరించండి.
1.లింక్ ఓపెన్ చేయడం: ముందుగా అధికారిక గూగుల్ ఫామ్ లింక్పై క్లిక్ చేయాలి. ఫామ్ ఓపెన్ అయిన తర్వాత మీ ఫోన్ లేదా డెస్క్టాప్లో సైన్-ఇన్ అయి ఉన్న ఈమెయిల్ ఐడీని ధృవీకరిస్తూ పక్కనే ఉన్న చెక్ బాక్స్పై క్లిక్ చేయాలి.
2.వ్యక్తిగత వివరాల నమోదు: మీరు ఏ జిల్లా నుండి దరఖాస్తు చేస్తున్నారో ఆ జిల్లాను ఎంచుకోవాలి. ఆ తర్వాత మీ పూర్తి పేరు, పుట్టిన తేదీ (DOB), మరియు జెండర్ (లింగం) వివరాలను తప్పుల్లేకుండా ఎంటర్ చేయాలి.
3.కమ్యూనికేషన్ & అడ్రస్ వివరాలు:ప్రభుత్వం నుండి అప్డేట్స్ పొందడానికి మీ వాట్సాప్ నంబర్, ఈమెయిల్ ఐడీలను నమోదు చేయాలి. మీ ప్రస్తుత నివాస చిరునామాను టైప్ చేసి, దానికి రుజువుగా ఆధార్ కార్డు వంటి ఐడీ ప్రూఫ్ను అప్లోడ్ చేయాల్సి ఉంటుంది.
4.విద్యార్హతలు & నైపుణ్యాలు: మీ విద్యార్హత (డిగ్రీ), చదివిన స్ట్రీమ్/స్పెషలైజేషన్, కాలేజీ/యూనివర్సిటీ పేరు.ఉత్తీర్ణత సాధించిన సంవత్సరాన్ని ఎంచుకోవాలి. ఆపై మీకు తెలిసిన భాషలను సెలక్ట్ చేసుకుని, మీ కమ్యూనికేషన్ స్కిల్స్కు 1 నుండి 5 రేటింగ్లో సెల్ఫ్ రేటింగ్ ఇచ్చుకోవాలి.
5.అనుభవం & సర్టిఫికేట్ల అప్లోడ్: పర్యాటక రంగంలో ముందేమైనా అనుభవం ఉంటే 'Yes' అని, లేకపోతే 'No' అని పెట్టాలి (అనుభవం ఉంటే ఆ వివరాలు రాయాలి). అలాగే, మీరు ఈ ప్రోగ్రామ్లో ఎందుకు చేరాలనుకుంటున్నారో క్లుప్తంగా వివరించాలి. చివరగా మీ పాస్పోర్ట్ సైజ్ ఫోటో, డిగ్రీ సర్టిఫికేట్ను స్కాన్ చేసి అప్లోడ్ చేయాలి.
6.సబ్మిషన్: అప్లోడ్ చేసిన వివరాలన్నీ సరిగ్గా ఉన్నాయో లేదో ఒకటికి రెండుసార్లు చెక్ చేసుకోండి. అంతా సక్రమంగా ఉందని నిర్ధారించుకున్నాక, కింద ఉన్న డిస్క్లైమర్ (Disclaimer) చెక్ బాక్స్ను టిక్ చేసి 'Submit' బటన్ నొక్కాలి.
ముఖ్య గమనిక: అభ్యర్థులు తమ దరఖాస్తును సమర్పించే ముందు సర్టిఫికేట్లు, ఐడీ ప్రూఫ్ల స్కాన్ కాపీలను సిద్ధంగా ఉంచుకోవడం మంచిది. కమ్యూనికేషన్ స్కిల్స్, స్థానిక చరిత్రపై అవగాహన ఉన్న అభ్యర్థులకు ఈ ఎంపికలో ప్రాధాన్యత లభించే అవకాశం ఉంది.
