కంగారూలతో భారత్ తలపడుతున్న ప్రపంచకప్ ఫైనల్ మ్యాచ్ ను బీసీసీఐ ప్రతిష్ఠాత్మకంగా నిర్వహించబోతున్నది. ఆటపాటలతో ప్రేక్షకులను ఉర్రూతలూగించేందుకు సర్వం సిద్ధం చేసింది. లేజర్ షోతో అభిమానులను మంత్రముగ్ధులను చేయబోతున్నది. వైమానిక దళ విన్యాసాలు ప్రదర్శనలో హైలైట్ కాబోతున్నాయి.
ప్రపంచక్రికెట్లో అత్యుత్తమ సమరానికి కౌంట్డౌన్ మొదలైంది. రేపు(నవంబర్ 19) అహ్మదాబాద్లోని మోదీ స్టేడియంలో భారత్, ఆస్ట్రేలియా తలపడనుండగా.. భారత్ తుది జట్టులో మార్పు చేసే అవకాశం కనిపిస్తోంది. సిరాజ్ స్థానంలో అశ్విన్ లేదా శార్దూల్ జట్టులోకి వస్తారన్న ప్రచారం జరుగుతోంది.
ఢిల్లీలో ఆదివారం డ్రై డేను నిర్వహించనున్నారు. ఛట్పూజ సందర్భంగా ఆ రోజున మద్యం అమ్మకాలను నిషేధిస్తూ ఈ నిర్ణయం తీసుకున్నట్లు అక్కడి సర్కార్ ప్రకటించింది. ఛట్పూజతో పాటు ఆరోజు జాతీయ పండుగలు కూడా ఉన్న నేపథ్యంలో ఈ నిర్ణయం తీసుకున్నామని తెలిపింది.
ప్రపంచ కప్ ఫైనల్ మ్యాచ్ వీక్షించేందుకు ఆంధ్ర క్రికెట్ అసోసియేషన్ పెద్ద స్క్రీన్లు ఏర్పాటు చేసింది. ఏసీఏ ఆధ్వర్యంలో రాష్ట్రంలోని 13 ఉమ్మడి జిల్లాల్లో ఈ స్క్రీన్లు ఏర్పాటు చేయగా.. అందరికీ ఉచిత ప్రవేశం ఇస్తున్నట్లు ఏసీఏ కార్యదర్శి శ్రీ ఎస్.ఆర్.గోపినాథ్రెడ్డి చెప్పారు.
ఆదివారం భారత్, ఆస్ట్రేలియా జట్ల మధ్య వరల్డ్ కప్ ఫైనల్ మ్యాచ్ జరగనున్న వేళ.. ఖలిస్థానీ ఉగ్రవాది గురుపత్వంత్ సింగ్ పన్ను బెదిరింపులకు పాల్పడ్డాడు. వరల్డ్ కప్ ఫైనల్ మ్యాచ్ను నిలిపివేయాలంటూ హెచ్చరిస్తూ ఓ వీడియోను విడుదల చేశాడు.
గుజరాత్-గాంధీనగర్లోని అదాలజ్ స్టెప్వెల్లో వరల్డ్కప్ ఫైనలిస్టులు రోహిత్శర్మ, ప్యాట్ కమ్మిన్స్ ఫొటోషూట్లో పాల్గొన్నారు. ప్రతిష్టాత్మకమైన ఐసీసీ ట్రోఫీతో వీరిద్దరూ పోజులిచ్చారు.
దేశాల ఎల్లలు దాటి అభిమానులను సొంతం చేసుకున్న వాజ్మా ఆయూబీ వరల్డ్ కప్ ఫైనల్లో సెంటరాఫ్ ఎట్రాక్షన్ కాబోతోంది. తుది సమరంలో భారత్ కే మద్దతిస్తున్నట్లు ప్రకటించిన ఈ ఆఫ్ఘాన్ సోషల్ మీడియా క్వీన్ అభిమానుల హృదయాలను కొల్లగొట్టింది.
ఇండియా, ఆస్ట్రేలియా మధ్య ఫైనల్ ఫైట్ లక్షా 30వేల మంది అభిమానుల సమక్షంలో జరగనుంది. చుట్టూ అంత మంది భారత్కు సపోర్ట్ చేస్తున్నా.. తామే గెలుస్తాం అంటున్నాడు ఆసీస్ కెప్టెన్ కమ్మిన్స్. లక్షల మందిని సైలెంట్గా ఉండేలా చేయడం కంటే సంతృప్తికరమైనది మరొకటి ఉండదని చెబుతున్నాడు.
వరల్డ్కప్లో దుమ్మురేపుతున్న స్టార్ పేసర్ షమీకి యూపీ సీఎం యోగి అదిరిపోయే కానుక ఇవ్వనున్నారు. షమీ సొంతూరు సాహస్పూర్ అలీనగర్లో ఓ స్టేడియాన్ని నిర్మించనున్నారు . రూ.5 కోట్లతో నిర్మించనున్న స్టేడియంకు శంకుస్థాపన చేసేందుకు అధికారులు షమీ తల్లిదండ్రులను సంప్రదించే అవకాశం ఉంది.
/rtv/media/post_attachments/wp-content/uploads/2023/11/World-Cup-jpg.webp)
/rtv/media/post_attachments/wp-content/uploads/2023/11/FotoJet-3-3-jpg.webp)
/rtv/media/post_attachments/wp-content/uploads/2023/11/india-vs-australia-1-jpg.webp)
/rtv/media/post_attachments/wp-content/uploads/2023/11/Wine-1-jpg.webp)
/rtv/media/post_attachments/wp-content/uploads/2023/11/cricket-1-1-jpg.webp)
/rtv/media/post_attachments/wp-content/uploads/2023/11/Pannu-jpg.webp)
/rtv/media/post_attachments/wp-content/uploads/2023/11/icc-world-cup-jpg.webp)
/rtv/media/post_attachments/wp-content/uploads/2023/11/FotoJet-1-1-jpg.webp)
/rtv/media/post_attachments/wp-content/uploads/2023/11/india-vs-australia-jpg.webp)
/rtv/media/post_attachments/wp-content/uploads/2023/11/shami-1-1-jpg.webp)
