Vaccine for Dengue: డెంగీకి సింగిల్ డోస్ టీకా.. త్వరలోనే.. 

Vaccine for Dengue: డెంగీ.. దాదాపుగా ఈ పేరు తెలియని వారు ఉండరు. డెంగీ జ్వరంగా పిలుచుకునే ఈ వ్యాధి దోమల కారణంగా సంక్రమిస్తుంది. ఈడెన్ అల్బోపిక్టస్ దోమ ఈ వ్యాధిని వ్యాప్తి చేస్తుంది. ఈ వ్యాధి సోకినా వారు అధిక జ్వరం, వొళ్ళు నొప్పులు, చర్మం ఎర్రబడటం వంటి లక్షణాలతో తీవ్ర అనారోగ్యం బారిన పడతారు. డెంగీకి ఇప్పటివరకూ లక్షణాలను బట్టి చికిత్స చేస్తూ వస్తున్నారు. ప్రత్యేకంగా ఈ వ్యాధి నివారణ కోసం మందులు లేవు. ఇప్పుడు డెంగీ వ్యాధికి సింగిల్ డోస్ వ్యాక్సిన్ (Vaccine for Dengue) కనిపెట్టారు. దీనిపై పరిశోధనలు చివరి దశకు వచ్చేశాయి. ఈ వ్యాక్సిన్ కి సంబంధించిన వివరాలు తెలుసుకునే ముందు.. డెంగీ వ్యాధి.. దానికి కారణాలు.. ఎంతమంది ఈ వ్యాధి బారిన పడి ఇబ్బందులు పడ్డారు వంటి వివరాలు తెలుసుకుందాం. 

డెంగీ నిర్లక్ష్యం చేస్తే ప్రాణాంతక వ్యాధి.. 
ప్రపంచ ఆరోగ్య సంస్థ (WHO) చెబుతున్నదాని ప్రకారం డెంగీఅనేది ప్రాణాంతక వ్యాధి. మొదటి దశలో సరైన చికిత్స పొందకపోతే, తరువాతి దశల్లో ఇది ప్రాణాలను తీసేస్తుంది. పైన చెప్పుకున్న లక్షణాలతో పాటు, శ్లేష్మ పొర, హెమటోమాలు, కడుపు నొప్పి, వాంతులు, నిర్జలీకరణం, విశ్రాంతి లేకపోవడం, మైకము, అధిక అలసట, మగత వంటి లక్షణాలు కూడా డెంగీ లో కనిస్తాయి. డెంగీ వ్యాధి సోకిన వారిలో రక్తం గడ్డకడిండి. చిక్కగా మఱిప్తుంది. దీని తీవ్ర  పరిణామాలలో తీవ్రమైన రక్తస్రావం,  రక్తపోటులో ఆకస్మిక తగ్గుదల ఉండవచ్చు, ఇవి డెంగీ జ్వరంతో సంబంధం ఉన్న షాక్‌కు కారణమవుతాయి.  ఇది మరణానికి ప్రధాన కారణంగా నిలుస్తుంది. 

Also Read: ఈ ఫుడ్‌ తింటే బీపీ, కొలెస్ట్రాల్ అన్నీ పోతాయి.. హార్వర్డ్ రిపోర్ట్!

బ్రెజిల్ లో ఎక్కువ.. 
WHO ప్రకారం, 2024లో డెంగీ జ్వరం కారణంగా బ్రెజిల్ మిలియన్ కంటే ఎక్కువ అనుమానిత కేసులు- డజన్ల కొద్దీ మరణాలను నమోదు చేసింది. 2023లో ఇదే కాలంతో పోలిస్తే ఇది చాలా గణనీయమైన పెరుగుదల.

మన తెలుగు రాష్ట్రాల్లో.. 
ఆరోగ్య మంత్రిత్వ శాఖ రిపోర్టుల ప్రకారం గత ఆరేళ్లలో (2018 నుంచి సెప్టెంబర్  2023 వరకూ) ఏపీలో 25,299 మంది డెంగీ బారిన పడ్డారు. అలాగే తెలంగాణలో 41,341 మందికి డెంగీ సోకింది. ఇక దేశవ్యాప్తంగా చూసుకుంటే కనుక, 8,23,786 మంది డెంగీతో బాధ పడ్డారు. వీరిలో దాదాపు 1500 మంది వరకూ మరణించారు. ఇవి ప్రభుత్వ నోటీసులొకి వచ్చిన లెక్కలు. అనధికారికంగా ఈ లెక్కలు ఎక్కువ ఉండవచ్చు. 

డెంగీ-నాలుగు వైరస్ లు..
డెంగీను తీసుకువచ్చే వైరస్ లు నాలుగున్నాయి. అవి.. DENV-1, DENV-2, DENV-3 అలాగే DENV-4. ఈ నాలుగు కూడా ఒకదాని తరువాత ఒకటి సంక్రమించే అవకాశం ఉంది. మొదటి వైరస్ ఇన్ఫెక్షన్‌లో అత్యంత తీవ్రమైన లక్షణాలను అభివృద్ధి చేసే అవకాశం తక్కువగా ఉంటుంది.  అయితే రెండవ - మూడవ వాటిలో తీవ్రమైన లక్షణాలు పెరిగుతాయి. మరీ ముఖ్యంగా ఇతర అనారోగ్యాలు ఉన్నవారిలోఇది చాలా ఎక్కువ ఉంటుంది. ఒక డెంగీ వైరస్ రకానికి వ్యతిరేకంగా శరీరం ఉత్పత్తి చేసే ప్రతిరోధకాలు అంటే యాంటీ బాడీస్,  రెండవ డెంగీ వైరస్ ప్రవేశాన్ని సులభతరం చేయడం వల్ల ఇది కనిపిస్తుంది. అందువల్ల ఇది పూర్తిగా న్యూట్రలైజ్ కాదు. దీనిమరింత సులభంగా కణాలలోకి ప్రవేశించి, మరింత త్వరగా గుణించడం కనిపిస్తుంది. ఈ యంత్రాంగాన్ని "యాంటీబాడీ-ఆధారిత మెరుగుదల" అంటారు. 

వ్యాక్సిన్ లేదా?
డెంగీ వ్యాధికి సంబంధించి 2022 సంవత్సరం నుంచి అమెరికాలో ఒక వ్యాక్సిన్(Vaccine for Dengue) అందుబాటులోకి వచ్చింది. దానిపేరు డెంగ్ వ్యాక్సియా (Dengvaxia)అయితే, దీనిని 9 నుంచి 16 సంవత్సరాల మధ్య వయసు పిల్లలకు మాత్రమే ఇవ్వవచ్చు. అంతేకాకుండా, ఒకసారి డెంగీ వచ్చిన వారికి మాత్రమే ఈ వ్యాక్సిన్  ఇవ్వాల్సి ఉంటుంది. డెంగీవ్యాధి ఒక్కసారి కూడా సోకని వారికి ఈ వ్యాక్సిన్ ఇస్తే కనుక  వారిలో డెంగీవ్యాధి తీవ్రంగా వచ్చే అవకాశం ఉంటుంది. అందుకే ఒకసారి డెంగీ వచ్చి తగ్గిన.. 9 నుంచి 16 సంవత్సరాల మధ్య వయసు పిల్లలకు మాత్రమే ఈ వ్యాక్సిన్ రికమెండ్ చేస్తారు. 

సింగిల్ డోస్ టీకా
అన్ని వయసుల వారికీ సరిపడే విధంగా అలాగే తప్పనిసరిగా ఈ నాలుగు వైరస్‌లకు వ్యతిరేకంగా అధిక సామర్థ్యాన్ని కలిగినదైన డెంగీ వ్యాక్సిన్(Vaccine for Dengue) ఉండాలి. అలాగే సురక్షితంగా కూడా ఉండాలి. అలా అయితేనే చివరికి వైరస్ వ్యాప్తిని అరికట్టడంలో సహాయపడగలదు. మరో మాటలో చెప్పాలంటే, ఇది ఒకే సమయంలో కనీసం మూడు - నాలుగు డెంగీ వైరస్‌లకు వ్యతిరేకంగా రక్షణను ప్రేరేపించాలి. అంటే ఒకే వ్యాక్సిన్ నాలుగు రకాల వ్యాక్సిన్ లుగా పనిచేయగలగాలి. ఇలా వచ్చిన వ్యాక్సిన్ గేమ్ ఛేంజర్‌గా నిలుస్తుంది. ఇదిగో సరిగ్గా ఇలాంటి సింగిల్ డోస్ టీకానే ఇప్పుడు అభివృద్ధి చేశారు. ఇటీవల ది న్యూ ఇంగ్లాండ్ జర్నల్ ఆఫ్ మెడిసిన్‌లో వ్యాక్సిన్ అభ్యర్థికి సంబంధించిన ప్రాథమిక దశ 3 ఫలితాలను ప్రచురించారు.  ఈ ఫలితాల ప్రకారం ఇది రెండు నుండి 60 సంవత్సరాల వరకు చాలా సాగే వయస్సు పరిధిలో మంచి రక్షణను అందిస్తుంది. 

ఎప్పటికి అందుబాటులోకి రావచ్చు..
ఈ వ్యాక్సిన్(Vaccine for Dengue) డెంగీ వైరస్ ద్వారా ఇప్పటికే సోకిన లేదా సోకిన వారికి వచ్చే ఇబ్బందులను నివారించే పరిస్థితి కూడా కలిగి ఉంది. 18 నుండి 59 సంవత్సరాల వయస్సు గల పెద్దలలో 90%, ఏడు నుండి 17 సంవత్సరాల వయస్సు గల వారిలో 77.8% అలాగే  రెండు నుండి ఆరు సంవత్సరాల వయస్సు గల పిల్లలలో 80.1% వరకు అన్ని వయస్సుల వారిలోనూ ఈ వ్యాక్సిన్ ద్వారా రక్షణ దొరుకుతున్నట్టు గమనించారు.  16 పరిశోధనా కేంద్రాలలో కేవలం 17,000 కంటే ఎక్కువ మంది వాలంటీర్లతో రెండు సంవత్సరాలలో ఇమ్యునైజేషన్ ప్రభావం పై విశ్లేషణ జరిగింది. ఇప్పుడు అధ్యయనం చివరి దశలో ఉంది. జూన్ 2024లో పూర్తవుతుంది.  బ్రెజిల్ నేషనల్ హెల్త్ సర్వైలెన్స్ ఏజెన్సీ (అన్వీసా)లో 2024 ద్వితీయార్ధం నాటికి రిజిస్ట్రేషన్ కోసం దరఖాస్తు చేయడానికి పూర్తి  అధ్యయన సమాచారంతో పేపర్స్ రెడీ చేయడం తరువాతి దశ. వీటి ఎప్రూవల్ పొందిన తరువాత వ్యాక్సిన్ అందుబాటులోకి వస్తుంది. ఈ సంవత్సరం చివరిలోపు గానే డెంగీ సింగిల్ డోస్ వ్యాక్సిన్(Vaccine for Dengue) మార్కెట్లోకి రావచ్చని అంటున్నారు. వాతావరణ మార్పుల కారణంగా ప్రపంచవ్యాప్తంగా డెంగీ విజృంభిస్తున్న తరుణంలో, అంటువ్యాధులు-మరణాలను నివారించడానికి కొత్త సింగిల్ డోస్ వ్యాక్సిన్ రాక డెంగీపై పోరాటంలో కీలకమైన ఆయుధం కావచ్చని నిపుణులు భావిస్తున్నారు. .