September Rules: ఆధార్ అప్ డేట్ నుంచి క్రెడిట్ కార్డుల వరకు ఈనెలలో మారుతున్నవి ఇవే!

September Rules:  సెప్టెంబర్ నెల మొదలైంది. ఈ నెలలో, సామాన్య ప్రజల జేబులకు సంబంధించి చాలా ముఖ్యమైన మార్పులు జరగబోతున్నాయి. వాటిలో కొన్ని ఇప్పటికే సెప్టెంబర్ 1 నుండి ప్రారంభమయ్యాయి. ఈ ముఖ్యమైన మార్పులు ఉచిత ఆధార్ అప్‌డేట్ నుండి క్రెడిట్ కార్డ్‌లు, ప్రత్యేక ఫిక్స్‌డ్ డిపాజిట్లు అలాగే  రూపే కార్డ్‌ల వరకు ఉంటాయి. మరోవైపు గ్యాస్ సిలిండర్ల ధరలు సెప్టెంబర్ 1 నుంచి అమల్లోకి వచ్చాయి. మొత్తం సెప్టెంబర్ నెలలో మీ జేబుకు సంబంధించి ఎలాంటి ముఖ్యమైన మార్పులు జరగబోతున్నాయో ఇప్పుడు తెల్సుకుందాం.ఇవన్నీ మన వ్యక్తిగత ఫైనాన్స్‌పై ప్రభావం చూపిస్తాయి. 

ఉచిత ఆధార్ అప్ డేట్.. 

September Rules:  యూనిక్ ఐడెంటిఫికేషన్ అథారిటీ ఆఫ్ ఇండియా (UIDAI) ఉచిత ఆధార్ అప్‌డేట్‌ను జూన్ 14 నుండి సెప్టెంబర్ 14, 2024 వరకు మూడు నెలల పాటు పొడిగించింది. UIDAI వెబ్‌సైట్ ప్రకారం, ఖచ్చితమైన జనాభా సమాచారాన్ని అందించడానికి గుర్తింపు రుజువు అలాగే   చిరునామా సర్టిఫికేట్‌ను అప్‌లోడ్ చేయడం అవసరం. సెప్టెంబర్ 14 వరకు సామాన్య ప్రజలు ఈ అప్ డేట్  ఉచితంగా చేసుకోవచ్చు. ఆ తరువాత దీనీకోసం ఛార్జీలు వసూలు చేస్తారు. 

IDFC ఫస్ట్ బ్యాంక్ క్రెడిట్ కార్డ్

September Rules:  IDFC ఫస్ట్ బ్యాంక్ క్రెడిట్ కార్డ్ చెల్లింపు నిబంధనలతో సహా కనీస మొత్తం బకాయి (MAD),  చెల్లింపు గడువు తేదీ కూడా మార్చారు. IDFC ఫస్ట్ బ్యాంక్ వెబ్‌సైట్‌లో పేర్కొన్నట్లుగా, ఈ మార్పులు సెప్టెంబర్ 2024 నుండి అమలులోకి వస్తాయి.

HDFC బ్యాంక్ క్రెడిట్ కార్డ్ లాయల్టీ ప్రోగ్రామ్ రూల్స్

September Rules:  HDFC బ్యాంక్ నిర్దిష్ట క్రెడిట్ కార్డ్‌లపై క్రెడిట్ కార్డ్ లాయల్టీ ప్రోగ్రామ్‌లో మార్పులు చేసింది. కొత్త నిబంధనలు సెప్టెంబర్ 1, 2024 నుండి అమలులోకి వచ్చాయి. సంబంధిత కస్టమర్‌లకు బ్యాంక్ అప్‌డేట్‌తో కూడిన ఇమెయిల్‌ను పంపింది.

IDBI బ్యాంక్ ప్రత్యేక FD గడువు

September Rules:  IDBI బ్యాంక్ ఉత్సవ్ FD చెల్లుబాటు తేదీని వాయిదా వేసింది. ఈ ప్రత్యేక FD 300 రోజులు, 375 రోజులు, 444 రోజులు. దీనికి మరో 700 రోజుల పదవీకాలం కూడా యాడ్ చేశారు.  300 రోజుల్లో మెచ్యూర్ అయ్యే ఉత్సవ్ ఎఫ్‌డిపై సాధారణ పౌరులు 7.05 శాతం రాబడిని పొందుతున్నారు. అదే సమయంలో, సీనియర్ సిటిజన్లు 7.55 శాతం రాబడిని పొందుతారు. 375 రోజుల్లో మెచ్యూర్ అయ్యే ఉత్సవ్ ఎఫ్‌డిపై సాధారణ పౌరులు 7.15 శాతం, సీనియర్ సిటిజన్‌లు 7.65 శాతం రాబడిని పొందుతున్నారు. ఇంతకుముందు ఈ ప్రత్యేక FD కోసం గడువు జూన్ 30. దీనిని సెప్టెంబర్ 30 వరకు పొడిగించారు. 

ఇండియన్ బ్యాంక్ ప్రత్యేక FD గడువు

September Rules:  ఇండియన్ బ్యాంక్ - ఇండ్ సూపర్ 300 డేస్ స్పెషల్ ఎఫ్‌డిలో, సాధారణ ప్రజలకు 7.05 శాతం, సీనియర్ సిటిజన్‌లకు 7.55 శాతం మరియు సూపర్ సీనియర్ సిటిజన్‌లకు 7.80 శాతం రాబడి లభిస్తుంది. ఈ FD గడువు సెప్టెంబర్ 30, 2024 వరకు పొడిగించారు. ఇంతకు ముందు ఈ తేదీ జూన్ 30, 2024.

పంజాబ్ - సింధ్ బ్యాంక్ ప్రత్యేక FD గడువు

పంజాబ్ అండ్ సింధ్ బ్యాంక్ 222 రోజుల ప్రత్యేక FDపై 6.30 శాతం అధిక రాబడిని ఇస్తుంది. 333 రోజుల కాలవ్యవధితో ప్రత్యేక FDపై బ్యాంక్ 7.15 శాతం రాబడిని ఇస్తోంది. పంజాబ్ - సింధ్‌ల పరిమిత కాల ప్రత్యేక FDకి గడువు సెప్టెంబర్ 30, 2024.

SBI అమృత్ కలష్

September Rules:  SBI కస్టమర్లు 30 సెప్టెంబర్ 2024 వరకు అమృత్ కలాష్‌లో పెట్టుబడి పెట్టవచ్చు. బ్యాంక్ వెబ్‌సైట్ ప్రకారం, ఈ 400 రోజుల ప్రత్యేక FD (అమృత్ కలాష్) 7.10 శాతం రాబడిని ఇస్తోంది, ఇది జూలై 14 నుండి వర్తిస్తుంది. సీనియర్ సిటిజన్లు 7.60 శాతం రాబడిని పొందుతున్నారు. ఈ పథకం 12-ఏప్రిల్-2023న ప్రారంభింకాహారు. ఈ పథకం 30 సెప్టెంబర్ 2024 వరకు చెల్లుబాటులో ఉంటుంది.

SBI WeCare

September Rules:  ఈ పథకం సెప్టెంబర్ 30, 2024 వరకు పొడిగించారు. కొత్త డిపాజిట్లు - మెచ్యూర్ డిపాజిట్ల పునరుద్ధరణ కోసం ఈ పథకం అందుబాటులో ఉంది. SBI వెబ్‌సైట్ ప్రకారం, కార్డ్ రేటుపై ప్రజలకు 0.50 శాతం (ప్రస్తుతం ఉన్న ప్రీమియం 50 bps కంటే) అదనపు ప్రీమియం లభిస్తుంది.

రూపే కార్డ్ రివార్డ్ పాయింట్లు

రూపే క్రెడిట్ కార్డ్‌లను జారీ చేసే అన్ని బ్యాంకులకు నేషనల్ పేమెంట్స్ కార్పొరేషన్ ఆఫ్ ఇండియా (NPCI) ఆదేశాల ప్రకారం, RuPay క్రెడిట్ కార్డ్, UPI లావాదేవీల ఛార్జీలను రివార్డ్ పాయింట్లు లేదా ఇతర నిర్దిష్ట ప్రయోజనాల నుండి తీసివేయకూడదు. NPCI ఈ సూచన సెప్టెంబర్ 1, 2024 నుండి అమలులోకి వచ్చింది.

క్రెడిట్ కార్డ్ నిబంధనలలో మార్పులు

September Rules:  భారతీయ రిజర్వ్ బ్యాంక్ (RBI) ఇతర నెట్‌వర్క్‌లను ఉపయోగించకుండా నిరోధించే కార్డ్ నెట్‌వర్క్‌లతో ప్రత్యేక ఒప్పందాలపై సంతకం చేయకుండా బ్యాంకులతో సహా అన్ని కార్డ్ జారీదారులను ఆదేశించింది. నిర్దిష్ట కార్డ్ నెట్‌వర్క్- జారీచేసే ఒప్పందాలు వినియోగదారు ఎంపిక స్వేచ్ఛకు విరుద్ధంగా ఉన్నాయని ఇటీవలి సమీక్షలో నిర్ధారించారు. అందుకు అనుగుణంగా ఆర్బీఐ ఈ చర్యలు తీసుకుంటోంది. ఇది సెప్టెంబర్ 6, 2024 నుండి అమలులోకి వస్తుంది.