SDT18 : డిఫెరెంట్ టైటిల్ తో వస్తున్న సుప్రీమ్ హీరో.. సాయి తేజ్ కొత్త సినిమా పేరు అదేనా!

Sai Dharam Tej 'SDT18' Movie Title : సుప్రీమ్ హీరో సాయి తేజ్ గత ఏడాది 'విరూపాక్ష' సినిమాతో భారీ కం బ్యాక్ అందుకున్న విషయం తెలిసిందే. సస్పెన్స్ అండ్ హార్రర్ థ్రిల్లర్ గా తెరకెక్కిన ఈ సినిమా గత ఏడాది బాక్సాఫీస్ దగ్గర అత్యధిక కలెక్షన్స్ అందుకున్న సినిమాల్లో ఒకటిగా నిలిచింది. ఈ మూవీ తర్వాత మావయ్య పవన్ కళ్యాణ్ తో 'బ్రో' సినిమాలో నటించాడు.

ఇక రీసెంట్ గానే 'SDT18' పేరుతో తన కొత్త ప్రాజెక్ట్ ను అనౌన్స్ చేశాడు. ఈ విషయాన్ని తెలియజేస్తూ మేకర్స్ పోస్టర్ రిలీజ్ చేశారు. హనుమాన్ సినిమాతో భారీ హిట్ అందుకున్న ప్రైమ్‌షో ఎంటర్‌టైన్‌మెంట్స్ బ్యానర్ ఈ సినిమాను నిర్మిస్తున్నారు. ఇక తాజా ఈ సినిమాకు సంబంధించి ఆసక్తికర అప్డేట్ నెట్టింట చక్కర్లు కొడుతుంది.

Also Read : ముంబై లో ‘కల్కి’ క్రేజ్ మాములుగా లేదుగా.. ఒక్క టికెట్ అన్ని వేలా?

డిఫరెంట్ టైటిల్...

ప్రస్తుతం 'SDT18' అనే వర్కింగ్ టైటిల్ తో షూటింగ్ జరుపుకుంటున్న ఈ సినిమాకు ‘సంబ‌రాల ఏటి గట్టు' అనే టైటిల్ పెట్టాల‌ని మేక‌ర్స్ భావిస్తున్నట్లు స‌మాచారం. 1947 హిస్ట‌రీ బ్యాక్‌డ్రాప్‌లో ఈ సినిమా రానుండ‌గా.. ఇలాంటి టైటిల్ అయితేనే మూవీకి సరిగ్గా సూట్ అవుతుందని చిత్ర‌బృందం అనుకున్న‌ట్లు ఫిలిం సర్కిల్స్ లో టాక్ వినిపిస్తుంది.

ఈ మూవీలో సాయి తేజ్ ఒక యోధుడి పాత్ర‌లో న‌టించ‌బోతున్న‌ట్లు స‌మాచారం. త్వరలోనే టైటిల్ అండ్ ఫస్ట్ లుక్ ను మేకర్స్ రివీల్ చేయనున్నట్లు తెలుస్తోంది. కాగా ఈ చిత్రాన్ని భారీ బడ్జెట్ తో తెలుగు, తమిళ, హిందీ, కన్నడ, మలయాళ భాషల్లో పాన్‌ ఇండియా లెవెల్లో రిలీజ్ చేయనున్నారు.