Russia : మోదీకి శుభాకాంక్షలు తెలిపిన రష్యా అధ్యక్షుడు!

PM Modi : వరుసగా భారత ప్రధానిగా మూడోసారి పీఠం ఎక్కబోతున్న నరేంద్ర మోదీ (Narendra Modi) కి ప్రపంచ దేశాల నేతల నుంచి శుభాకాంక్షలు అందుతున్నాయి.. తాజాగా, రష్యా అధ్యక్షుడు వ్లాదిమిర్ పుతిన్ (Vladimir Putin) మోదీకి ఫోన్‌ చేసి శుభాభినందనలు తెలిపారు. ఈ సందర్భంగా పుతిన్ కు కృతజ్ఞతలు తెలుపుతూ మోదీ ట్వీట్ చేశారు.

"రష్యా అధ్యక్షుడు పుతిన్ ఫోన్ చేసి హార్దిక శుభాకాంక్షలు తెలియజేశారు. అంతేకాకుండా, భారతదేశ ప్రజలు రికార్డు స్థాయిలో సార్వత్రిక ఎన్నికల్లో (General Elections) పాలుపంచుకోవడం పట్ల ప్రశంసల వర్షం కురిపించారు. ఎన్డీయే విజయాన్ని అభినందించారు. భారత్-రష్యా బంధాన్ని మరింత బలోపేతం చేసే దిశగా ప్రత్యేక, వ్యూహాత్మక భాగస్వామ్యాన్ని మరింత ముందుకు తీసుకెళ్లడంపై ఇరుదేశాల నిబద్ధతను ఉద్ఘాటించాం" అని మోదీ తన ట్వీట్ లో పేర్కొన్నారు.

Also read: మా విలువైన భాగస్వాములను కలిశామన్న మోదీ!