Renu Desai: వీళ్లకు ఎన్నిసార్లు చెప్పినా సరిపోదు: రేణూ దేశాయ్

Renu Desai: మాస్ మహారాజా రవితేజ(Mass Maharaja Ravi Teja) ప్రధానపాత్రలో వస్తున్న సినిమా టైగర్ నాగేశ్వరరావు(Tiger Nageswara Rao). ఈ మూవీలో 70వ దశకంలో ఆంధ్రప్రదేశ్ ప్రముఖ సంఘసంస్కర్తగా పేరుగాంచిన హేమలతా లవణం పాత్రను రేణూ దేశాయ్(Renu Desai) పోషించారు. ఈ మూవీలో తనకు అవకాశం ఇవ్వడం పట్ల సోషల్ మీడియాలో రేణూ దేశాయ్ హర్షం వ్యక్తం చేశారు. నన్ను నమ్మి టైగర్ నాగేశ్వరరావు చిత్రంలో హేమలతా లవణం గారి క్యారెక్టర్ ఇచ్చినందుకు దర్శకుడు వంశీకృష్ణ, నిర్మాత అభిషేక్ అగర్వాల్ భయ్యాకు ఎన్నిసార్లు కృతజ్ఞతలు చెప్పినా సరిపోదంటూ పోస్ట్ చేశారు.

టైగర్ నాగేశ్వరరావు చిత్రం విడుదలకు ముస్తాబవుతోంది. దసరా సీజన్ కు ప్రేక్షకుల ముందుకు వస్తున్న ఈ చిత్రంలో రేణూ దేశాయ్ కూడా నటించారు. స్టూవర్ట్ పురంకు చెందిన పేరుమోసిన గజదొంగ టైగర్ నాగేశ్వరరావు జీవితకథ ఆధారంగా ఈ చిత్రం తెరకెక్కించారు. ఈ సినిమాతో రవితేజ పాన్ ఇండియన్ స్టార్ గా మారబోతున్నారు.  ఈ మూవీలో  హేమలత లవణం అనే స్ఫూర్తిదాయకమైన పాత్రలో కనిపించబోతోంది రేణు దేశాయ్. ఓ పసిబిడ్డని పట్టుకున్నట్లు కనిపిస్తున్న ఫస్ట్ లుక్ పోస్టర్ చాలా ఆసక్తికరంగా వుంది. ఈ పోస్టర్ సినిమాపై మరిన్ని అంచనాలను పెంచింది. పవర్ స్టార్ పవన్ కళ్యాణ్ మాజీ భార్య సినీనటి రేణు దేశాయ్ టైగర్ నాగేశ్వరరావు మూవీతో మళ్లీ తన సినీ కెరీర్ ను స్టార్ చేశారు. నిత్య  ఏదో ఒక విషయం ద్వారా వార్తల్లో నిలుస్తూ ఉంటారు.

Also Read: షారుక్ ఖాన్ కు ఏమైంది..మహారాష్ట్ర సర్కార్ హై అలర్ట్..!!