Pushpa 2 : 'పుష్ప 2' కపుల్ సాంగ్.. ట్రెండింగ్ లోకి మరో కొత్త ఐకానిక్ స్టెప్.. మీరూ ట్రై చేయండి!

Pushpa 2 The Couple Song : ఐకాన్ స్టార్ అల్లు అర్జున్ , నేషనల్ క్రష్ రష్మిక మందన్న జంటగా సుకుమార్ దర్శకత్వంలో తెరకెక్కుతున్న 'పుష్ప 2' నుంచి బుధవారం సెకెండ్ సింగిల్ 'సూసేకి అగ్గిరవ్వ మాదిరే ఉంటాడే నా సామి’ రిలీజ్ చేసారు. ఈ సాంగ్ ని మేకింగ్ రూపంలో సరికొత్తగా రిలీజ్ చేశారు. ఈ కపుల్ సాంగ్ కు శ్రీవల్లి, పుష్పరాజ్ కలిసి స్టెప్పులేశారు.

వీళ్ళతో పాటూ సెట్ లో ఉన్న వారంతా చిందులేయడం విశేషం. గణేష్ ఆచార్య కొరియోగ్రఫీ చేసిన ఈ సాంగ్ లో ఓ ఐకానికి స్టెప్ ఉంది. ఈ ఐకానికి స్టెప్ ని డైరెక్టర్ సుకుమార్ సైతం సెట్స్ లో అందరితో కలిసి వేశారు. ప్రస్తుతం ఈ పాట సోషల్ మీడియాలో ఫుల్ ట్రెండ్ అవుతోంది. రాబోయే రోజుల్లో ఈ ఐకానిక్ స్టెప్ ఫుల్ ఫేమస్ అయ్యేలా కనిపిస్తుంది.

Also Read : ఏంటి బాలయ్య ఇది.. ఇలా అయితే ఎలా? వైరల్ అవుతున్న వీడియోలు!

రీసెంట్ గా వచ్చిన 'పుష్ప పుష్ప' సాంగ్లో షూ స్టెప్ ఎలా ట్రెండ్ అయ్యిందో.. ఈ కపుల్ సాంగ్ లో ఉన్న ఐకానిక్ స్టెప్ అంతకు మించి ట్రెండ్ అవ్వడం గ్యారెంటీగా కనిపిస్తుంది. ముందు ముందు ఈ సాంగ్ ఇన్ స్టాగ్రామ్ రీల్స్ లో మారుమోగిపోనుంది. కాగా ఈ పాటను పాపులర్ సింగర్ శ్రేయాఘోషల్ పాడింది. తెలుగు, తమిళం, కన్నడ, మలయాళం, హిందీ, బెంగాలీ అన్ని భాషల్లోనూ శ్రేయో ఘోషల్‌ పాడటం విశేషం. చంద్రబోస్ లిరిక్స్ అందించిన ఈ సినిమా ఆగస్టు 15 న థియేటర్స్ లో గ్రాండ్ గా రిలీజ్ కానుంది.