Princess Diana: ప్రపంచంలోనే అత్యంత ఖరీదైన పెళ్లిగా ముఖేష్ అంబానీ కూతురు ఇషా అంబానీ-ఆనంద్ పిరమల్ గా ప్రచారంలో ఉంది. అంతేకాదు పెళ్లిలో చాలా ఖరీదైన రూ. 4.1 కోట్ల దుస్తులు ధరించిన వధువుగా ఇషా అంబాని పేరు చెప్పుకుంటారు. కానీ నిజానికి ఇది కేవలం భారతదేశంలో మాత్రమే కాస్ట్ లీ మ్యారేజ్. వరల్డ్ రిచెస్ట్ మ్యారేజ్ గా ఇప్పటివరకూ ప్రిన్సెస్ డయానా- ప్రిన్స్ చార్లెస్‌ల వివాహం చరిత్రలో నిలిచిపోయింది. ఇషా అంబానీ -ఆనంద్ పిరమల్ పెళ్లికి రూ. 400 కోట్లు ఖర్చు కాగా.. యువరాణి డయానా వెడ్డింగ్‌కు రూ. 914 కోట్లు ఖర్చు చేశారు. డయానా ధరించిన దుస్తుల ఖరీదు రూ.96 లక్షలుండగా ఇషా అంబానీ డ్రెస్ ధర రూ.83 లక్షలు.

అలాగే డయానా-చార్లెస్‌ల వివాహం బ్రిటీష్ రాయల్ ఫ్యామిలీ చరిత్రలో అత్యధికంగా వీక్షణలు పొందిన ఈవెంట్‌లలో ఒకటిగా నిలిచిపోయింది. మొత్తం 28.4 మిలియన్లకు పైగా ప్రజలు ఈ వేడుకను తిలకించారు. ఇక యువరాణి డయానా వివాహ దుస్తులు కూడా అన్ని జనరేషన్ లలో ఇప్పటివరకూ అత్యంత ప్రసిద్ధమైనదిగా పరిగణించబడుతున్నాయి. ఈ జంట వారి నిశ్చితార్థం, వివాహానికి కలిసి మొత్తం 3 వేలకు పైగా బహుమతులు పొందారు.

ఇందులో ఖరీదైన వజ్రాలు, బంగారు ఆభరణాలు, అరుదైన గడియారాలు, విలాసవంతమైన పాత్రలున్నాయి. వేడుకలో 250 మంది సంగీతకారులు ప్రత్యక్ష సంగీతాన్ని ప్రదర్శించారు. 1400 మంది ముఖ్య అతిథులు హాజరయ్యారు. కానీ అట్టహాసంగా జరిగిన పెళ్లి మూడునాళ్ల ముచ్చటగానే మిగిలింది. చార్లెస్, డయానాలు కొంతకాలానికి విడాకులు తీసుకున్నారు. చివరికి యువరాణి డయానా కారు ప్రమాదంలో మరణించారు.