Pawan Kalyans Bro and Baby Movies OTT Release: ఆగస్ట్ నెలాఖరులో థియేటర్లను  మించిన వినోదం ఓటీటీలోకి వస్తోంది. పవన్ కల్యాణ్ (Pawan kalyan), సాయిధరమ్ తేజ్ (Sai Dharam Tej) నటించిన బ్రో సినిమా, అటు సూపర్ హిట్ బేబి సినిమా ఓటీటీలోకి వస్తున్నాయి.

బేబీ సందడి 

జూలై 14న థియేటర్లలోకొచ్చింది బేబి సినిమా. ఆనంద్ దేవరకొండ (Anand Deverakonda), వైష్ణవి చైతన్య (Vaishnavi Chaitanya) హీరోహీరోయిన్లుగా నటించిన సినిమా ఇది. విరాజ్ అశ్విన్ సెకెండ్ హీరోగా నటించాడు. థియేటర్లలో ఈ సినిమా సూపర్ హిట్టయింది. చిన్న సినిమాగా వచ్చి ఏకంగా 95 కోట్ల రూపాయల గ్రాస్ రాబట్టింది. ఇప్పుడీ సినిమా ఆహా యాప్ (Aha APP) లో స్ట్రీమింగ్ కు సిద్ధమైంది. ముందుగా ఈ సినిమాను గోల్డ్ సబ్ స్క్రైబర్ల కోసం స్ట్రీమింగ్ లో అందుబాటులోకి తీసుకొచ్చారు. శక్రవారం నుంచి మిగతా సబ్ స్క్రైబర్లు అందరికీ ఈ సినిమా అందుబాటులోకి వస్తుంది.

నెట్ ఫ్లిక్స్ లో బ్రో-ది అవతార్

పవన్ కళ్యాణ్, సాయి ధరమ్ తేజ్ నటించిన బ్రో-ది అవతార్ జూలై 28 న థియేటర్లలో విడుదలైంది. ఇప్పుడీ సినిమా కూడా ఓటీటీలోకి వస్తోంది. ఈ సినిమా రైట్స్ ను 38 కోట్ల రూపాయలకు దక్కించుకున్న నెట్ ఫ్లిక్స్ (Netflix) సంస్థ, రేపట్నుంచి స్ట్రీమింగ్ కు పెడుతోంది. గురువారం అర్థరాత్రి నుంచే ఈ సినిమా అందుబాటులోకి వస్తోంది.

బ్రో సినిమాకి ఫ్యామిలీ ఆడియన్స్ నుండి యావరేజ్ టాక్ వచ్చింది, కానీ పవన్ కళ్యాణ్ లాంటి స్టార్ హీరోకి ఈ సినిమా సరిపోదని చాలా మంది భావించారు. మరోవైపు సాయితేజ్ సీన్ లో ఉన్నప్పటికీ బ్రో మూవీ ఆకట్టుకోలేకపోయింది. త్రివిక్రమ్ స్వయంగా ఈ సినిమాకు కథ-స్క్రీన్ ప్లే అందించాడు. సముద్రఖని దర్శకత్వం వహించాడు.

థియేటర్లలో బేబి సినిమా హిట్టవ్వగా, బ్రో సినిమా ఫ్లాప్ అయింది. ఇప్పుడు ఈ రెండు సినిమాలు ఒకేసారి ఓటీటీలోకి వస్తున్నాయి. వీటిలో ఏ సినిమా క్లిక్ అవుతుందో చూడాలి. మొత్తం మీద  ఆగస్టు నెలాఖరు ఓటీటీ కి మంచి వినోదాన్ని అందించనుంది.

Also Read: యూఎస్ఏలో సినిమా ప్రీ-రిలీజ్ సేల్స్‌ అదుర్స్