Salaar Bike : కేజీఎఫ్ దర్శకుడు ప్రశాంత్ నీల్ దర్శకత్వంలో ప్రభాస్ నటించిన భారీ యాక్షన్ చిత్రం సలార్. ఈ చిత్రం భారీ అంచనాల మధ్య డిసెంబర్ 22, 2023న విడుదలైంది. ఈ సినిమా ప్రపంచ వ్యాప్తంగా 650 కోట్లకు పైగా వసూలు చేసింది. నైజాంలో సలార్ రికార్డు సృష్టించింది. సాలార్ నైజాంలో 100 కోట్ల కలెక్షన్స్ వావ్ అనిపించింది. ప్రస్తుతం ఓటీటీలో ప్రసారం అవుతున్న ఈ చిత్రం ఇప్పుడు ప్రపంచ టెలివిజన్ ప్రీమియర్‌గా టీవీ ప్రేక్షకులను అలరించడానికి సిద్ధంగా ఉంది. ఈ చిత్రం 21 ఏప్రిల్ 2024న ప్రముఖ టీవీ ఛానెల్ స్టార్ మాలో సాయంత్రం 5:30 గంటలకు ప్రసారం అవుతుంది. దీనికి సంబంధించి నోటిఫికేషన్ విడుదలైంది. అయితే ఈ సందర్భంగా స్టార్ మా టీమ్ బంపర్ ఆఫర్ ప్రకటించింది.సాలార్ సినిమాలో ప్రభాస్ వాడిన ఐకానిక్ బైక్ గెలిచే ఛాన్స్ ఉందంటూ ప్రకటన వెలువడింది. ప్రసార సమయంలో కొన్ని ప్రశ్నలు అడుగుతారు. సరైన సమాధానమిచ్చిన వారు ఈ బైక్‌ను గెలుచుకునే అవకాశం ఉందని టీమ్ తెలిపింది. మరి ఈ కస్టమ్ మేడ్ బైక్ ఎవరి సొంతం అవుతుందో చూడాలి.

సలార్ పార్ట్ 2 రాబోతున్న సంగతి తెలిసిందే. ఈ సీక్వెల్‌పై అంచనాలు మరో స్థాయిలో ఉన్నాయి. ఈ సినిమా ఎప్పుడు మొదలవుతుందా అని అభిమానులు ఎదురుచూస్తున్నారు. అయితే ఈ సినిమా ఇప్పట్లో స్టార్ట్ కావడం లేదని, ఇంకాస్త టైమ్ పడుతుందని ఆ మధ్య వార్తలు జోరుగా వినిపించాయి. అయితే తాజాగా సమాచారం ప్రకారం సాలార్ 2 మే మొదటి వారంలో షూటింగ్ షురూ కానుంది. వచ్చే ఏడాది 2025లోనే విడుదల కానుంది. త్వరలోనే దీనికి సంబంధించిన అధికారిక ప్రకటన వెలువడనుంది.

కాగా ప్రభాస్ మరో పాన్ ఇండియా మూవీ రాజా సాబ్ లో నటిస్తున్నాడు. ఈ మూవీకి మారుతి దర్శకత్వం వహించారు. హారర్ కామెడీ జానర్‌లో వస్తున్నట్లు సమాచారం. ఇప్పటికే ఈ సినిమా 80శాతం షూటింగ్ పూర్తయినట్లు తెలుస్తోంది. ఈ సినిమాలో ఎక్కువ భాగం ఓ ఇంట్లో జరుగుతుందని.. ఆ ఇంటి సెట్‌కే దాదాపు 6 కోట్లు ఖర్చు చేశారట. హర్రర్  కామెడీ నేపథ్యంలో వస్తున్న ఈ సినిమాలో ప్రభాస్ చాలా కొత్తగా కనిపించనున్నాడు. ప్రభాస్ కల్కి సినిమా చేస్తున్నాడు. ఈ సినిమా హిందీ డిజిటల్ రైట్స్ మాత్రమే రూ. 175 కోట్లకు అమ్ముడుపోయినట్లు సమాచారం. నెట్‌ఫ్లిక్స్ హిందీ హక్కులను సొంతం చేసుకుంది. మరోవైపు దక్షిణాది భాషలకు సంబంధించిన డిజిటల్ హక్కులను అమెజాన్ ప్రైమ్ వీడియో 150 కోట్ల రూపాయలకు సొంతం చేసుకున్నట్లు సమాచారం.

ఈ సినిమాలో ఎన్టీఆర్, నాని కూడా నటిస్తున్నారు. ఈ చిత్రంలో విజయ్ దేవరకొండ అతిధి పాత్రలో నటిస్తున్నట్లు ఇప్పటికే వార్తలు వచ్చాయి. ఈ సినిమా ప్రీ క్లైమాక్స్ సన్నివేశాల్లో జూనియర్ ఎన్టీఆర్ పరశురాముడిగా, నాని కృపాచార్యగా కనిపిస్తారని ప్రచారం జరుగుతోంది. రూ.500 కోట్లకు పైగా బడ్జెట్ తో అత్యంత ప్రతిష్టాత్మకంగా ఈ చిత్రాన్ని రూపొందిస్తున్నాడు అశ్వినీదత్.

ఇది కూడా చదవండి: ఓటీటీలోకి టిల్లన్న ఎంట్రీ..స్ట్రీమింగ్ ఎక్కడంటే?