Union Budget on EPFO: యువతకు గుడ్ న్యూస్.. ఈపీఎఫ్‌వో ప్రయోజనాలపై అతి పెద్ద ప్రకటన 

ఆర్థిక మంత్రి నిర్మలా సీతారామన్ ఉపాధిపై బడ్జెట్ ప్రసంగంలో పెద్ద ప్రకటన చేశారు. ఉపాధి కల్పించే సంస్థలకు ప్రభుత్వ సహకారం అందిస్తామని ప్రభుత్వం తెలిపింది. 10 లక్షల మంది యువతకు ఈపీఎఫ్‌వో ప్రయోజనాలను అందిస్తామని ఆర్థిక మంత్రి ప్రకటించారు. దీంతో ఉద్యోగులకు ఆర్థిక సాయం అందనుంది. అంతే కాదు ఏ కంపెనీ అయినా యువతకు ఉపాధి కల్పిస్తే తొలి జీతం ప్రభుత్వమే చెల్లిస్తుందని కూడా ప్రభుత్వం ప్రకటించింది. ప్రభుత్వం తీసుకున్న ఈ చర్య లక్షలాది కొత్త ఉద్యోగాలను సృష్టిస్తుంది.

డబ్బు నేరుగా EPFO ​​ఖాతాలోకి వస్తుంది
మొదటి ఉద్యోగంలో రూ. 15,000 ప్రభుత్వం నేరుగా ఈపీఎఫ్ఓ ఖాతాలో జమ చేస్తుందని ప్రభుత్వం తెలిపింది. ఇది మాత్రమే కాదు, ఉపాధిని ప్రోత్సహించడానికి ప్రభుత్వం 3 ప్రోత్సాహక పథకాలను ప్రారంభించనుంది. ఇదొక్కటే కాదు, బడా కంపెనీలలో యువత నైపుణ్యాలను మెరుగుపరిచేందుకు, 1 కోటి మంది యువతకు ఇంటర్న్‌షిప్ అవకాశాలు కల్పిస్తామని ప్రభుత్వం తెలిపింది. ఈ ఇంటర్న్‌షిప్ 12 నెలల పాటు ఉంటుంది. ఇంటర్న్‌కు నెలకు రూ. 5,000 లభిస్తుంది. ఆ తర్వాత ఆ యువతకు దేశంలోని టాప్-500 కంపెనీల్లో ఉద్యోగావకాశాలు లభిస్తాయి.

ఉపాధి, నైపుణ్యం కల్పించేందుకు వచ్చే 5 ఏళ్లలో రూ.లక్ష కోట్లు ఖర్చు చేస్తామని ప్రభుత్వం తెలిపింది. ఇది కాకుండా ఉపాధి కల్పించేందుకు మాత్రమే ప్రభుత్వం రూ.2 లక్షల కోట్లు ఖర్చు చేయనుంది. వచ్చే ఐదేళ్లలో 4 కోట్ల ఉద్యోగాలు కల్పించాలని ప్రభుత్వం లక్ష్యంగా పెట్టుకుంది.

ఆవిష్కరణలపై ప్రభుత్వం దృష్టి
ఆర్థిక వ్యవస్థలో పుష్కలమైన అవకాశాలను సృష్టించేందుకు 2024-25 కేంద్ర బడ్జెట్‌లో తొమ్మిది ప్రాధాన్యతలను ఆర్థిక మంత్రి నిర్మలా సీతారామన్ మంగళవారం ప్రకటించారు. ఈ 9 ప్రాధాన్యతలలో ఉత్పాదకత, ఉపాధి, సామాజిక న్యాయం, పట్టణాభివృద్ధి, ఇంధన భద్రత, మౌలిక సదుపాయాలు, ఆవిష్కరణలు .. సంస్కరణలు ఉన్నాయి. సీతారామన్ తన వరుసగా ఏడవ బడ్జెట్‌ను సమర్పిస్తున్నప్పుడు, వాతావరణ అనుకూల విత్తనాలను అభివృద్ధి చేయడానికి ప్రభుత్వం విస్తృత స్థాయి పరిశోధన సమీక్షను నిర్వహిస్తోందని చెప్పారు.

రానున్న రెండేళ్లలో కోటి మంది రైతులు సహజ వ్యవసాయం వైపు మొగ్గు చూపుతారని చెప్పారు. ఉత్పత్తిని పెంచేందుకు కూరగాయల ఉత్పత్తి సముదాయాలను పెద్దఎత్తున ప్రోత్సహిస్తామని మంత్రి తెలిపారు. ప్రభుత్వం 32 వ్యవసాయ, ఉద్యాన పంటలకు 109 కొత్త అధిక దిగుబడినిచ్చే, వాతావరణాన్ని తట్టుకోగల విత్తనాలను విడుదల చేస్తుంది.