ఇప్పట్లో పెంచలేం.. సుప్రీంకోర్టు, హైకోర్టు జడ్జిలకు కేంద్రం బిగ్ షాక్‌!

సుప్రీంకోర్టు, హైకోర్టు న్యాయమూర్తుల జీతం, భత్యాలను పెంచే ప్రతిపాదన ప్రస్తుతం లేదని కేంద్ర ప్రభుత్వం గురువారం రాజ్యసభలో తెలిపింది. ప్రస్తుతం సుప్రీంకోర్టు, హైకోర్టుల న్యాయమూర్తులకు జీతభత్యాలు, పెన్షన్ మొదలైన వాటిని పెంచే ప్రతిపాదన ప్రభుత్వం పరిశీలనలో లేదని న్యాయ మంత్రి అర్జున్ రామ్ మేఘ్వాల్ ఒక లిఖితపూర్వక సమాధానంలో తెలిపారు. కాగా చివరిసారిగా వారి జీతభత్యాలు, పెన్షన్లను 2017లో పెంచారు.  అప్పటి నుండి ఎటువంటి మార్పులు ప్రతిపాదించబడలేదు.

సుప్రీంకోర్టు, హైకోర్టుల న్యాయమూర్తుల వేతనం, భత్యం, పెన్షన్ వరుసగా సుప్రీంకోర్టు న్యాయమూర్తుల చట్టం, 1958, హైకోర్టు న్యాయమూర్తుల చట్టం, 1954 ద్వారా నిర్వహించబడుతున్నాయని ఆయన అన్నారు. ప్రభుత్వం 7వ వేతన సంఘం సిఫార్సులను అమలు చేసిన తర్వాత రెండు చట్టాలలో సవరణ ద్వారా, ఉన్నత న్యాయమూర్తుల జీతం, పెన్షన్, భత్యాలను చివరిగా 2016 జనవరి 1 నుండి సవరించారు.

భారత ప్రధాన న్యాయమూర్తి (CJI) నెలకు రూ.2.80 లక్షలు, సుప్రీంకోర్టు న్యాయమూర్తులు, హైకోర్టు ప్రధాన న్యాయమూర్తులు నెలకు రూ.2.50 లక్షలు జీతం పొందుతారు. హైకోర్టు న్యాయమూర్తులు నెలకు రూ.2.25 లక్షలు జీతం పొందుతారు.  కాగా  8వ వేతన సంఘాన్ని ఏర్పాటు చేస్తామని ప్రభుత్వం ఇటీవల ప్రకటించింది.

కొత్త ఐటీ బిల్లుపై చర్చ, ఆమోదం!.

మరోవైపు 1961 నాటి ఆదాయపు పన్నుచట్టం స్థానంలో కొత్త బిల్లు రూపకల్పన పూర్తయినట్లు కేంద్ర వర్గాలు తెలిపాయి. దీనిపై ఇవాళ క్యాబినెట్‌లో చర్చించి ఆమోదించనున్నారని వెల్లడించాయి.  వారంలో లోక్‌సభలో ప్రవేశపెడతారని చెప్పాయి. బడ్జెట్‌ ప్రసంగం సందర్భంగా కొత్త బిల్లుపై కేంద్ర ఆర్థిక మంత్రి నిర్మలా సీతారామన్  ప్రకటన చేసిన విషయం తెలిసిందే. అందరికీ అర్థమయ్యేలా ఐటీ రేట్లు, శ్లాబులు, టీడీఎస్  నిబంధనలు ఉంటాయని ఆమె  వెల్లడించారు. 

Also Read :   Delhi BJP : ఢిల్లీలో బీజేపీ గెలిస్తే సీఎం అయ్యేది ఎవరు?... లిస్టులో ఉన్నది వీళ్లే!

Also Read :  విద్యార్థులకు గుడ్ న్యూస్.. వాట్సాప్‌లోనే ఇకపై ఇంటర్ హాల్ టికెట్లు