/rtv/media/media_files/2025/03/31/lwK20DrdRENpRtnsOS4j.jpg)
India is burning... Do you know where the 50 hottest cities in the world are?
Follow Us
Top 50 Hottest Cities : భారతదేశంలో భానుడి ఉగ్రరూపానికి జనం అల్లాడిపోతున్నారు. మునుపెన్నడూ లేని విధంగా మే నెలలో సూర్యుడు నిప్పుల వర్షం కురిపిస్తున్నాడు. ఉదయం 9 గంటలకే ఎండల తీవ్రత భరించలేనంతగా మారుతుండటంతో.. ప్రజలు రోడ్ల మీదకు రావాలంటేనే వణికిపోతున్నారు. ప్రపంచవ్యాప్తంగా వాతావరణ పరిస్థితులను గమనించే ప్రముఖ వెదర్ ట్రాకర్ 'AQI.in' తాజాగా విడుదల చేసిన గణాంకాలు అంతర్జాతీయంగా షాక్కు గురిచేస్తున్నాయి. శుక్రవారం ఉదయం నమోదైన ఉష్ణోగ్రతల ప్రకారం.. ప్రపంచంలోనే అత్యంత వేడి ఉన్న టాప్-50 నగరాలు (Top 50 Hottest Cities) వందకు వంద శాతం మన భారతదేశంలోనే ఉండటం ఇక్కడి పరిస్థితుల తీవ్రతకు అద్దం పడుతోంది.
దేశంలోనే హాటెస్ట్ సిటీగా 'బాలన్గిర్'
మధ్యాహ్నం కాకముందే దేశంలోని చాలా ప్రాంతాల్లో ఉష్ణోగ్రతలు 40 డిగ్రీల మార్కును దాటేస్తున్నాయి.ఒడిశాలోని బాలన్గిర్ పట్టణంలో అత్యధికంగా 45 డిగ్రీల సెల్సియస్ ఉష్ణోగ్రత నమోదై దేశంలోనే అత్యంత వేడి ప్రాంతంగా నిలిచింది.మహారాష్ట్రలోని చంద్రాపుర్, ఉత్తర్ప్రదేశ్లోని ప్రయాగ్రాజ్ (అలహాబాద్) నగరాల్లో ఉదయం వేళలకే రికార్డు స్థాయిలో 44 డిగ్రీల ఉష్ణోగ్రతలు నమోదయ్యాయి.: ఈ టాప్-50 హాటెస్ట్ నగరాల జాబితాలో దాదాపు సగం ప్రాంతాలు ఒక్క ఉత్తరప్రదేశ్ రాష్ట్రానికి చెందినవే కావడం గమనార్హం. ఆధ్యాత్మిక నగరాలైన వారణాసి, అయోధ్యతో పాటు బాందా, బరేలీ వంటి నగరాల్లో ఎండలు మండుతున్నాయి.వీటితో పాటు ఛత్తీస్గఢ్, బిహార్, తెలంగాణ, హరియాణా, మధ్యప్రదేశ్లోని పలు ప్రాంతాలు ఈ అత్యంత ప్రమాదకరమైన ఉష్ణోగ్రతల జాబితాలో చేరిపోయాయి.
ఐఎండీ 'రెడ్ అలర్ట్'..
రాబోయే రోజుల్లో వాయువ్య, మధ్య భారతదేశంలో వడగాలుల (Heatwave) తీవ్రత మరింత పెరిగే అవకాశం ఉందని భారత వాతావరణ విభాగం (IMD) తీవ్ర హెచ్చరికలు జారీ చేసింది. అత్యధిక ఉష్ణోగ్రతలు నమోదవుతున్న పలు రాష్ట్రాలకు వాతావరణ శాఖ 'రెడ్', 'ఆరెంజ్' అలర్ట్లను ప్రకటించింది. 2026 మే నెలలో మునుపటి రికార్డులను బద్దలు కొడుతూ వడగాలులు ఇంతలా విరుచుకుపడటం పట్ల పర్యావరణ శాస్త్రవేత్తలు సైతం ఆందోళన వ్యక్తం చేస్తున్నారు.
పెరుగుతున్న వడదెబ్బ కేసులు
తీవ్రమైన ఎండల కారణంగా దేశవ్యాప్తంగా ఆసుపత్రుల్లో డీహైడ్రేషన్ (శరీరంలో నీటిశాతం తగ్గడం), వడదెబ్బ (Heatstroke), తీవ్ర జ్వరం బారిన పడుతున్న వారి సంఖ్య విపరీతంగా పెరుగుతోంది. ముఖ్యంగా చిన్నారులు, వృద్ధులు, ఉపాధి కోసం నిత్యం ఎండలోనే తిరిగే కార్మికులు ఈ వాతావరణానికి ఎక్కువగా ప్రభావితమవుతున్నారని వైద్యాధికారులు ఆందోళన వ్యక్తం చేస్తున్నారు.
ప్రజలకు అత్యవసర సూచనలు
ఉదయం 11 గంటల నుండి సాయంత్రం 4 గంటల వరకు అత్యవసరమైతే తప్ప ఇళ్ల నుండి బయటకు రాకూడదు. మధ్యాహ్నం వేళల్లో ప్రయాణాలు వద్దు. దాహం వేయకపోయినా సరే.. మంచినీరు, ఓఆర్ఎస్ (ORS) ద్రావణం, కొబ్బరి నీళ్లు, మజ్జిగ, నిమ్మరసం వంటి ద్రవాలను నిరంతరం తీసుకుంటూ ఉండాలి.బయటకు వెళ్లాల్సి వస్తే కాటన్ (నూలు) దుస్తులు ధరించాలి, తలకు టోపీ లేదా రుమాలు చుట్టుకోవాలి. శీతల పానీయాలు, జంక్ ఫుడ్కు దూరంగా ఉండాలి.
