Naa Saami Ranga Trailer : కిష్టయ్య వచ్చేశాడు.. ఈ సారి పండక్కి నా సామిరంగ..  

Naa Saami Ranga Trailer : డైరెక్టర్ విజయ్ బిన్నీ(Vijay Binni) దర్శకత్వంలో నాగార్జున(Nagarjuna) నటించిన లేటెస్ట్ చిత్రం నా సామిరంగ(Naa Saami Ranga). సినిమాలో ఆషికా రంగనాథ్(Ashika Ranganath) నాగార్జున సరసన కథానాయికగా నటిస్తున్నారు. అల్లరి నరేష్, రాజ్ తరుణ్ కీలక పాత్రల్లో కనిపించనున్నారు. శ్రీనివాస్ చిట్టూరి శ్రీనివాస సిల్వర్ స్క్రీన్ బ్యానర్ పై ఈ సినిమాను నిర్మిస్తున్నారు. లెజెండ్రీ మ్యూజిక్ డైరెక్టర్ ఎం ఎం కీరవాణి సంగీతం అందించారు. సంక్రాంతి కానుకగా జనవరి 14 న నా సామిరంగ ప్రేక్షకుల ముందుకు రానుంది. ఈ నేపథ్యంలో సినిమా ప్రమోషన్స్ కూడా వేగంగా జరుగుతున్నాయి. ఇప్పటికే సినిమా నుంచి విడుదలైన ఫస్ట్ లుక్, గ్లిమ్స్, టీజర్ సోషల్ మీడియాలో హల్ చల్ చేస్తున్నాయి.

Also Read: Ariyana Glory: కుర్రకారుకు కిక్కెస్తున్న అరియానా అందాలు.. ఈ ఫొటోలు చూస్తే మతిపోవాల్సిందే!

నా సామీరంగ ట్రైలర్

ఇక తాజాగా చిత్ర బృద్రం నా సామీరంగ ట్రైలర్ రిలీజ్ చేసింది. చాలా కాలం తరువాత నాగార్జున పక్కా విలేజ్ గెటప్ లో కనిపించబోతున్నట్లు ట్రైలర్ తో అర్థమవుతుంది. కిష్టయ్యను కొట్టే మగాడెవడైన ఉన్నాడా.. అనే డైలాగ్స్ తో నాగార్జున పాత్రను పవర్ ఫుల్ గా చూపించారు. కిష్టయ్యను వేయాలంటే సావుకు ఎడిరెళ్ళాలి అంటూ నాగార్జున క్యారెక్టర్ ను ఎలివేట్ చేసే డైలాగ్స్ సినిమా పై హైప్ క్రియేట్ చేసేలా ఉన్నాయి. ట్రైలర్ లాస్ట్ లో నాగార్జున సిగరెట్ వెలిగించిన సీన్ నెక్స్ట్ లెవెల్ లో ఉంది.

ట్రైలర్ లో అల్లరి నరేష్, రాజ్ తరుణ్ పాత్రలు ఫుల్ ఎంటర్ టైనింగ్ గా ఉండబోతున్నట్లు కనిపిస్తున్నాయి. ఇప్పటికే "అంజిగాడు వచ్చేసాడు.. చూసేయండి.. చూసేయండి మాటోచ్చేత్తాది" అంటూ విడుదలైన అంజిగాడి గ్లింప్స్ నెట్టింట్లో బాగా వైరాలవుతోంది. సినిమాలో అల్లరి నరేష్ సరసన మిర్నా మీనన్‌ మంగ పాత్రలో కనిపించనుంది.

Also Read: Honey Rose: ఆరంజ్ కలర్ డ్రెస్‌లో బాలయ్య హీరోయిన్ కొత్త లుక్ .. వైరలవుతున్న వీడియో