నేపాల్‌లోని సాగర్‌మాత అని పిలువబడే ఎవరెస్ట్ సముద్ర మట్టానికి 8,848.86 మీటర్ల ఎత్తులో ఉంది. భూమిపై ఎత్తైన పర్వత శిఖరం. నేపాల్‌కు చెందిన కమీ రీటా 29వ సారి ఎవరెస్ట్ శిఖరాన్ని అధిరోహించి తన రికార్డును తానే బద్దలు కొట్టాడు. అతను పోర్టర్‌గా తన వృత్తిని ప్రారంభించాడు. తరువాత ట్రెక్కింగ్ గైడ్‌గా మారాడు. 1994లో తన 24వ ఏట తొలిసారి ఎవరెస్ట్ శిఖరాన్ని అధిరోహించాడు. గిన్నిస్ బుక్ ఆఫ్ రికార్డ్స్ ప్రకారం, 'ఎవరెస్ట్ మ్యాన్' అని కూడా పిలువబడే కమీ రీటా ప్రతి సంవత్సరం ఎవరెస్ట్ శిఖరాన్ని చేరుకున్న రికార్డును కలిగి ఉన్నాడు.

2020లో, కరోనా మహమ్మారి కారణంగా నేపాల్‌లో ఎవరెస్ట్  దక్షిణ భాగం పర్వతారోహకులకు మూసివేశారు. 2021లో తిరిగి ప్రారంభమైంది. మే 2021లో, కమీ రీటా మళ్లీ తన 25వ సంవత్సరం ఎవరెస్ట్‌ను అధిరోహించిన రికార్డును సృష్టించింది. 2023లో, కమీ రీటా 27వ సారి ఎవరెస్ట్ శిఖరాన్ని అధిరోహించి, తోటి గైడ్ పసాంగ్ దావా షెర్పాతో రికార్డును సమం చేశాడు. మరుసటి సంవత్సరం మేలో, కమీ రీటా ఎవరెస్ట్‌ను తన 28వ అధిరోహణను పూర్తి చేయడం ద్వారా ఈ రికార్డును బద్దలు కొట్టాడు.

ఈ సందర్భంలో, ఖాట్మండు నుండి 28 మంది బృందంతో వసంత సీజన్ ఎవరెస్ట్ యాత్రకు బయలుదేరిన కమీ రీటా.. ప్రపంచంలోనే అత్యంత ఎత్తైన ఎవరెస్ట్‌ను అధిరోహించి 71 ఏళ్ల చరిత్రలో 29వ సారి చరిత్ర సృష్టించిన వ్యక్తిగా నిలిచాడు.

సీనియర్ గైడ్ హోదాలో తమ సంస్థకు చెందిన ఔత్సాహిక ట్రెక్కర్ల‌ టీమ్‌ను గైడ్ చేస్తూ మరోసారి ఎవరెస్టుపైకి కమీ రీటా చేరుకున్నాడని 'సెవెన్ సమ్మిట్ ట్రెక్స్' తెలిపింది. ఇందుకుగానూ అతడికి అభినందనలు తెలిపింది. నేపాల్ ప్రభుత్వ పర్యాటక శాఖ అధికారులు కూడా ఈ వివరాలను ధ్రువీకరించారు. గతేడాది సరిగ్గా ఇదే టైంలో కమీ రీటా షెర్పా ఎవరెస్టు శిఖరాన్ని వారం వ్యవధిలో రెండుసార్లు అధిరోహించాడు. ఇప్పుడు మరోసారి ఆ ఫీటును చేసి చూపించాడు.

ఈసారి ఎవరెస్టుపైకి వెళ్లే ముందు మీడియాతో కమీ రీటా మాట్లాడారు. ''ఇన్నిసార్లు అన్నిసార్లు అని కాదు ఎన్నిసార్లు ఎవరెస్టును ఎక్కాలనే దానిపై తాను ఇంకా లెక్కలు వేసుకోలేదు'' అని చెప్పాడు. దీన్నిబట్టి భవిష్యత్తులోనూ మరిన్ని సార్లు ఎవరెస్టును ఎక్కాలనే తన బలమైన సంకల్పాన్ని అతడు బయటపెట్టాడు.
అయితే, పసాంగ్ దావా అనే మరో షెర్పా కూడా గత ఏడాది 27వసారి ఎవరెస్టును అధిరోహించాడు. అయితే మరోసారి ఆయన ఆ ప్రయత్నం చేస్తారా ? లేదా ? అనే దానిపై క్లారిటీ లేదు.