Chiranjeevi : కేరళ బాధితులకు అండగా చిరు.. సీఎంకు స్వయంగా చెక్ అందజేత!

Wayanad : కేరళ (Kerala) రాష్ట్రం వయనాడ్ (Wayanad) లో కొండచరియలు విరిగిపడిన ఘటన దేశవ్యాప్తంగా అందరి మనసులను కలచివేస్తోంది. ఈ ప్రకృతి విపత్తులో వందల మందికి పైగా ప్రజలు ప్రాణాలు కోల్పోయారు. ఈ ఘటన పై పలువురు సినీ తారలు స్పందిస్తున్నారు. ప్రకృతి విపత్తులో నష్టపోయిన బాధిత కుటుంబాలను ఆదుకునేందుకు తమ వంతు ఆర్ధిక సహాయం చేస్తున్నారు. ఇప్పటికే పలువురు సెలెబ్రెటీలు ముఖ్యమంత్రి సహాయ నిధికి విరాళాలు అందించారు.

Also Read : ‘నువ్వే కావాలి’ సినిమాను మిస్ చేసుకున్న టాలీవుడ్ హీరో ఎవరో తెలుసా?

వీరిలో మెగాస్టార్ చిరంజీవి (Megastar Chiranjeevi), రామ్ చరణ్ (Ram Charan) కూడా ఉన్నారు. ఈ తండ్రీ,కొడుకులు కేరళ సీఎం రిలీఫ్ ఫండ్ కు కోటి రూపాయలు విరాళంగా ఇస్తున్నట్లు సోషల్ మీడియా వేదికగా ఇటీవల ప్రకటించిన విషయం తెలిసిందే. ఈ నేపథ్యంలో మెగాస్టార్ చిరంజీవి ఈరోజు సాయంత్రం కేరళకు వెళ్లి స్వయంగా ముఖ్యమంత్రి పినరాయి విజయన్ ను కలిశారు. ఈ సందర్భంగా ఆయనతో కొద్ది సేపు ముచ్చటించారు. అనంతరం కోటి రూపాయల చెక్ ను అందజేశారు.