GOAT : విజయ్ 'గోట్' లో పాట పాడిన కోలీవుడ్ స్టార్ హీరోయిన్.. సాంగ్ రిలీజ్ ఎప్పుడంటే?

Thalapathy Vijay's The GOAT Movie : తమిళ సూపర్ స్టార్ విజయ్ నటిస్తున్న తదుపరి చిత్రం 'ది గోట్'. వెంకట్ ప్రభు దర్శకత్వం వహిస్తున్న ఈ భారీ బడ్జెట్ చిత్రంపై అంచనాలు భారీగా ఉన్నాయి. ఇప్పటికే ఈ చిత్రానికి సంబంధించిన అప్డేట్స్ అభిమానులను ఉత్సాహపరుస్తున్నాయి. ఇప్పటికే రిలీజైన రెండు పాటలు మంచి రెస్పాన్స్ తెచ్చుకున్న నేపథ్యంలో, మూడో సింగిల్ పై భారీ అంచనాలు నెలకొన్నాయి. ఈ క్రమంలోనే థర్డ్ సింగిల్ కు సంబంధించి ఓ అప్డేట్ వచ్చింది. అదేంటంటే.. ఈ థర్డ్ సింగిల్ ను కోలీవుడ్ స్టార్ హీరోయిన్ శ్రుతి హాసన్ పాడబోతున్నట్లు తెలిసింది.

యువన్ శంకర్ రాజా మ్యూజిక్

ఈ సినిమాకు ప్రముఖ సంగీత దర్శకుడు యువన్ శంకర్ రాజా మ్యూజిక్ అందిస్తున్న సంగతి తెలిసిందే. ఇప్పటికే విడుదలైన 'విజిల్ పోడు', 'చిన్న చిన్న కాళ్ళు' పాటలు ఆడియన్స్ నుంచి మంచి రెస్పాన్స్ అందుకున్నాయి.. ఈ నేపథ్యంలో శ్రుతి హాసన్ పాడిన పాట ఎలా ఉంటుందో అనే ఆసక్తి నెలకొంది. ఆగస్టు ఫస్ట్ వీక్ లో ఈ సాంగ్ రిలీజ్ చేయనున్నారట మేకర్స్.

Also Read : ఆ సంస్థ చేతికి ‘మిస్టర్ బచ్చన్’ ఓటీటీ రైట్స్..!

శ్రుతి హాసన్ - విజయ్ కాంబో

శ్రుతి హాసన్, విజయ్ ఇద్దరూ కలిసి 'పులి' సినిమాలో నటించిన సంగతి తెలిసిందే. ఆ సినిమాలో శ్రుతి హాసన్ 'యెండి యెండి' అనే పాటను పాడారు. ఇప్పుడు మళ్లీ ఈ జోడీ కలిసి పాట పాడడం ఫ్యాన్స్‌కు పండగే అని చెప్పొచ్చు. ప్రెజెంట్ షూటింగ్ చివరి దశలో ఉన్న ఈ సినిమా సెప్టెంబర్ 5 న గ్రాండ్ గా రిలీజ్ కానుంది.