'దేవర' లో ఛాన్స్ రావడం నా అదృష్టం.. సినిమాలో నా పాత్ర ఎలా ఉంటుందంటే : జాన్వీ కపూర్

Janhvi Kapoor Comments On Devara : బాలీవుడ్ (Bollywood) బ్యూటీ జాన్వీ కపూర్ (Janhvi Kapoor) 'దేవర' (Devara) మూవీతో సౌత్ ఇండస్ట్రీ (South Industry) లోకి హీరోయిన్ గా ఎంట్రీ ఇస్తున్న విషయం తెలిసిందే. ఫస్ట్ మూవీనే ఎన్టీఆర్ లాంటి టాప్ స్టార్ సరసన ఛాన్స్ అందుకున్న ఈ బ్యూటీ సినిమాలో 'తంగం' అనే పాత్రలో కనిపించనుంది.

కొద్ది నెలల క్రితమే దేవర నుంచి జాన్వీ కపూర్ ఫస్ట్ లుక్ రిలీజ్ చేయగా.. అందులో లంగాఓణిలో మరింత అందంగా కనిపించి ఆకట్టుకుంది. ఇదిలా ఉంటే తాజాగా జాన్వీ కపూర్ మిస్టర్ అండ్ మిసెస్ మాహీ' అనే సినిమాలో నటించింది. ఈ మూవీ ప్రమోషన్స్ లో భాగంగా ఇచ్చిన ఓ ఇంటర్వ్యూలో 'దేవర'లో తన పాత్ర గురించి పలు ఆసక్తికర విషయాలు పంచుకుంది.

Also Read : రన్ వీర్ సింగ్ – ప్రశాంత్ వర్మ ప్రాజెక్ట్ ఆగిపోయిందా? డైరెక్టర్ టీమ్ ఏం చెప్పిందంటే..

'దేవర' లో నా పాత్ర ఎలా ఉంటుందంటే..

" దేవర మూవీలో తంగం అనే రోల్ చేస్తున్నాను. ఈ రోల్ ఫుల్ ఎంటర్టైనింగ్ గా ఉంటుంది. ఇప్పటి వరకు చేసిన షూటింగ్ అంతా చాలా సరదాగా జరిగింది. సెట్స్ లో ఉన్న వాళ్లంతా నాపై ఎంతో ప్రేమ చూపిస్తారు.
మూవీటీమ్ డెడికేషన్ చూసి షాక్ అయ్యాను. ఇది ఓ డిఫరెంట్ స్టోరీ.. చాల అందంగా, ప్రత్యేకంగా ఉంటుంది.

దేవర లో ఛాన్స్ రావడం నా అదృష్టంగా భావిస్తున్నా.. ఇంత మంచి సినిమాలో నటించే ఛాన్స్ ఇచ్చిన దర్శకనిర్మాతలకు కృతజ్ఞతలు" అని చెప్పింది. దీంతో దేవర పై జాన్వీ చేసిన ఈ కామెంట్స్ నెట్టింట వైరల్ అవుతున్నాయి. ప్రస్తుతం షూటింగ్ చివరి దశలో ఉన్న ఈ సినిమా దసరా కానుకగా అక్టోబర్ 10 న పాన్ ఇండియా లెవెల్లో గ్రాండ్ గా రిలీజ్ కానుంది.