Budget 2024: గతేడాది బడ్జెట్ కానుకలు ఇవే.. మరి ఈ ఏడాది ఏముంటాయో?

Budget 2024: గతేడాది బడ్జెట్ ప్రసంగం గుర్తుందా? ఆర్థిక మంత్రి నిర్మలా సీతారామన్ తన బడ్జెట్ ప్రసంగంలో 'అమృతకాల్ మొదటి బడ్జెట్' అని పేర్కొన్నారు. బడ్జెట్‌లో ఆదాయపు పన్ను కోసం సామాన్యులు ఎక్కువగా ఎదురుచూస్తున్నారు..  కాబట్టి గతసారి దానిలో కూడా పెద్ద మార్పు వచ్చింది. అదే సమయంలో, మహిళల కోసం ప్రత్యేక పొదుపు పథకాన్ని కూడా ప్రారంభించారు. మరి ఈసారి రైతుల నుండి కూలీల వరకు చాలా అంచనాలు ఉన్నాయి.  ఈ పరిస్థితిలో ఈసారి నిర్మలా సీతారామన్ బడ్జెట్‌లో(Budget 2024) ప్రత్యేకత ఏమి ఉండవచ్చు. 

ఆర్థిక మంత్రి నిర్మలా సీతారామన్ వరుసగా తన ఆరో బడ్జెట్‌ను(Budget 2024)మరికొద్ది గంటల్లో పార్లమెంట్ లో సమర్పించనున్నారు. ఈసారి మధ్యంతర బడ్జెట్‌ను ప్రవేశపెట్టాల్సి ఉంది. అంటే ఈ బడ్జెట్ పూర్తిస్థాయి బడ్జెట్ కాదు. కానీ, గతంలో మోదీ ప్రభుత్వం ప్రవేశపెట్టిన మధ్యంతర బడ్జెట్‌అనుభవాన్ని దృష్టిలో పెట్టుకుంటే ఈసారి కూడా ఎన్నికలకు ముందు బడ్జెట్‌లో భారీ ప్రకటనలు చేయవచ్చని అంచనాలు వేస్తున్నారు. ఇదిలా ఉంటే గత సంవత్సరం బడ్జెట్ లో ఏమి ఇచ్చారో.. నిర్మలా సీతారామన్ అందించిన బహుమతులు ఏమిటో ఈ సందర్భంగా ఒకసారి చూద్దాం..  

గతేడాది నిర్మలమ్మ ఇచ్చిన కానుకలు ఇవే.. 

• గతేడాది బడ్జెట్‌లో నిర్మలా సీతారామన్ 'న్యూ ఇన్‌కమ్ ట్యాక్స్'లో సామాన్యులకు భారీ ఊరటనిచ్చింది. 7 లక్షల వరకు ఆదాయాన్ని ప్రభుత్వం పన్ను రహితం చేసింది. ఇది కాకుండా, స్టాండర్డ్ డిడక్షన్ ప్రయోజనం రూ.50,000 ఇచ్చారు.  ఈ విధంగా 7.5 లక్షల రూపాయల వరకు ఆదాయం ప్రజలకు పన్ను రహితంగా మారింది. 
• మహిళల కోసం ప్రభుత్వం ప్రత్యేకంగా మహిళా సమ్మాన్ సేవింగ్ సర్టిఫికెట్ పథకాన్ని ప్రారంభించింది. రెండేళ్ల కాలానికి రూ.2 లక్షల వరకు డిపాజిట్ చేసి దానిపై 7.5 శాతం వడ్డీ చెల్లించాలనే నిబంధన దీనికి ఉంది. 
• అదే సమయంలో, దేశంలో మౌలిక సదుపాయాలపై సుమారు రూ. 10 లక్షల కోట్ల పెట్టుబడులు, మినుములను ప్రోత్సహించడానికి 'శ్రీ-ఆన్', సేంద్రీయ వ్యవసాయం వైపు రైతులను ప్రోత్సహించడానికి 'పీఎం-ప్రాణం' పథకాన్ని ప్రారంభించడం, వ్యవసాయ రంగంలో డిజిటల్ ప్రజా మౌలిక సదుపాయాలను సృష్టించడం, 63,000 PACS కంప్యూటరీకరణ, వ్యవసాయ రంగంలో స్టార్టప్‌ల కోసం నిధి మరియు 2516 కోట్ల రూపాయల పెట్టుబడితో నిల్వ సామర్థ్యాన్ని పెంచడంపై దృష్టి సారించడానికి నిబంధనలు రూపొందించారు. 
• అలాగే, వ్యవసాయ రంగంలో రుణాల పంపిణీ లక్ష్యాన్ని రూ.20 లక్షల కోట్లకు పెంచడం, ప్రధానమంత్రి మత్స్య సంపద యోజన కింద రూ.6 వేల కోట్ల పెట్టుబడితో కొత్త పథకాన్ని ప్రారంభించడం వంటి బహుమతుల వెల్లువ ప్రకటించారు. 

Also Read : తగ్గినట్టే తగ్గి షాకిచ్చిన బంగారం.. ఎంత పెరిగిందంటే.. 

మరి ఈసారి(Budget 2024) ప్రభుత్వం ఎలాంటి ప్రకటనలు చేస్తుందో, ప్రజల్లో ఎలాంటి అంచనాలు ఉంటాయో చూడాలి.

ఈ ఏడాది బడ్జెట్‌పై భారీ అంచనాలు..
ఈ ఏడాది బడ్జెట్‌లో(Budget 2024) యువత, పేదలు, మహిళలు, రైతులపై దృష్టి సారించవచ్చని ఆర్థిక మంత్రి నిర్మలా సీతారామన్ ఇటీవల సూచించారు. ఇలాంటి పరిస్థితుల్లో యువతకు ఉపాధి, పేదలకు ద్రవ్యోల్బణం నుంచి ఉపశమనం, పొదుపు పథకం, మహిళలకు పన్ను ప్రయోజనాలు, రైతులకు కిసాన్ సమ్మాన్ నిధిని పెంచేందుకు ప్రభుత్వం బడ్జెట్‌లో కేటాయింపులు చేస్తుందని ఆశించవచ్చు. మధ్యతరగతి దృక్కోణంలో, పాత ఆదాయపు పన్నుతో పాటు కొత్త ఆదాయపు పన్ను, సరసమైన గృహాల కోసం మెరుగైన విధానం అలాగే  ద్రవ్యోల్బణం నుండి ఉపశమనం పొందడంలో ఆర్థిక మంత్రి నుండి ఉపశమనం లభించే వార్తలు వస్తాయని అందరూ ఎదురుచూస్తున్నారు. మరి కొన్నిగంటల్లో అంటే ఫిబ్రవరి 1 ఉదయం 11 గంటలకు ఆర్థిక మంత్రి ఈ అంచనాలన్నిటికీ కేంద్ర ఆర్ధిక మంత్రి ప్రసంగంలో సమాధానం దొరుకుతుంది. 

Watch this Interesting Video :