తొలిసారిగా డిజిటల్ కండోమ్ యాప్.. ప్రైవసీకి ఇక భయమే లేదు!

ప్రస్తుతం మార్కెట్లో డిజిటల్ కండోమ్ బాగా వినిపిస్తోంది. చాలామందికి ఈ డిజిటల్ కండోమ్ అంటే ఏంటో కూడా తెలియదు. ఈ డిజిటల్ కండోమ్ అనేది ప్రైవసీ నుంచి కాపాడేది. అంటే ప్రైవేట్ సమయంలో మీ ప్రైవసీకి భంగం కలగకుండా ఉండేందుకు వాడే యాప్‌ ఇది. ఈ డిజిటల్ కండోమ్ యాప్‌ను జర్మనీకి చెందిన బిల్లీ బాయ్ అనే కంపెనీ లాంచ్ చేసింది. 

ఇది కూడా చూడండి: జగన్‌, షర్మిల ఆస్తుల వివాదం..మధ్యలో పవన్ ఎంట్రీ? వారి ఛాప్టెర్ క్లోజ్!

ప్రైవసీకి భంగం కలగకుండా..

ప్రైవేట్ సమయాల్లో మీ అనుమతి లేకుండా ఏం రికార్డు చేయలేరు. కనీసం వాయిస్‌ను కూడా రికార్డు చేయలేరు. ఈ మధ్య కాలంలో వీడియో కాల్‌ రికార్డింగ్ చేసి బెదిరింపులకు పాల్పడుతున్నారు. ఇలాంటి వారందరికి ఇక విముక్తి కలిగినట్లే. ఈ యాప్ వాడితే ఇలాంటి సమస్యలే ఉండవు. అయితే దీన్ని బ్లూటూత్ టెక్నాలజీ ద్వారా వాడాలి. దీనిని వాడుతున్నప్పుడు స్మార్ట్‌ఫోన్ కెమెరా, మైక్రోఫోన్‌ను ఆపివేస్తుంది.

దీనివల్ల వ్యక్తిగత విషయాలను ఎదుటవారు రికార్డు చేయలేరు. ఒకవేళ ఎవరైనా వీడియోను రికార్డు చేయడానికి ప్రయత్నిస్తే తప్పకుండా హెచ్చరికలు జారీ చేస్తుంది. అలారం మోగినట్లు సౌండ్ వినిపిస్తుంది. ఈ డిజిటల్ కండోమ్ యాప్ ద్వారా ఒకేసారి వేర్వేరు డివైజ్‌లోని కెమెరా, మైక్రోఫోన్‌ను బ్లాక్ చేయవచ్చు. 

ఈ యాప్ వల్ల ప్రజల ప్రైవసీకి భంగం వాటిల్లదు. అయితే ఈ యాప్ ప్రజల వ్యక్తిగత విషయాలకు బాగా ఉపయోగపడుతుందని భావించి కొందరు ప్రశంసిస్తున్నారు. కానీ మరికొందరు మాత్రం వేస్ట్ యాప్ అని అంటున్నారు. ప్రస్తుతం 30కి పైగా దేశాల్లోని ఆండ్రాయిడ్ స్మార్ట్ ఫోన్ యూజర్లకు ఈ యాప్ అందుబాటులో ఉంది. మరికొన్ని రోజుల్లో ఐఓఎస్ యూజర్లకు కూడా అందుబాటులోకి వస్తుందని బిల్లీ బాయ్ కంపెనీ  తెలిపారు. 

ఇది కూడా చూడండి: ట్రామీ తుపాను బీభత్సం.. 130కి చేరిన మృతుల సంఖ్య