Russia: రష్యాలో కుప్పకూలిన యుద్ధ విమానం.. ప్రాణాలతో బయటపడ్డ పైలట్లు

రష్యా దేశానికి చెందిన యుద్ధ విమానం Tu-22M3 ప్రమాదవశాత్తు కుప్పకూలింది. సైబీరియా అనే ప్రాంతంలో పైలట్లకు ట్రైనింగ్ ఇస్తుండగా ప్రమాదం జరిగింది. ఈ ప్రమాదం నుంచి ప్రాణాలతో నలుగురు పైలట్లు బయటపడ్డారు.

author-image
By Kusuma in ఇంటర్నేషనల్ Latest News In Telugu
New Update
FotoJet (5)

రష్యాకు చెందిన యుద్ధ విమానం Tu-22M3 ప్రమాదవశాత్తు కుప్పకూలింది. సైబీరియా అనే ప్రాంతంలో పైలట్లకు ట్రైనింగ్ ఇస్తుండగా ప్రమాదం జరిగింది. ఈ ప్రమాదం నుంచి ప్రాణాలతో నలుగురు పైలట్లు బయటపడ్డారు. ఇది రష్యా సైన్యంలో చాలా పవర్‌ఫుల్ విమానం. శత్రువుల స్థావరాలను నాశనం చేయడానికి రష్యా దీనిని ఎక్కువగా వాడుతుంది. ముఖ్యంగా చాలా వేగంగా దూసుకెళ్లే 'కింజాల్' అనే శక్తివంతమైన క్షిపణులను తీసుకెళ్లడం ఈ విమానం స్పెషాలిటీ. గతంలో సిరియాలో జరిగిన యుద్ధంలోనూ, ఇప్పుడు ఉక్రెయిన్‌తో జరుగుతున్న గొడవల్లోనూ రష్యా ఈ విమానాలను బాగా ఉపయోగించింది.

ప్రమాదం జరిగిన సమయంలో ఈ విమానం కేవలం ట్రైనింగ్ కోసమే ఆకాశంలోకి వెళ్లింది. కామెంకా అనే ఒక చిన్న గ్రామానికి దగ్గరలో కూలినట్లు తెలుస్తోంది. అయితే విమానం ఇంజిన్ పాడైపోవడం వల్లే ఈ ప్రమాదం జరిగిందని అధికారులు ప్రాథమికంగా గుర్తించారు. అదృష్టవశాత్తూ ట్రైనింగ్ సమయం కాబట్టి, ఆ విమానంలో ఎలాంటి బాంబులు గానీ, మిస్సైళ్లు గానీ లేవు. దీనివల్ల పెద్ద నష్టం తప్పింది. ఈ యుద్ధ విమానం మనుషులు ఎవరూ లేని ఒక అడవి ప్రాంతంలో పడిపోయింది. దీంతో ప్రాణ నష్టం తప్పింది. 

#flight #russia #collapse
సంబంధిత కథనాలు
Advertisment
తాజా కథనాలు