Summer Skin Tips: వేసవిలో చర్మంపై అనేక రకాల సమస్యలు వస్తాయి. అయితే ఈ సమయంలో చర్మ సౌందర్యాన్ని కాపాడుకోవడానికి కొన్ని నేచురల్ పద్ధతులను అవలంబిస్తే చర్మం హైడ్రేటెడ్‌గా ఉంటుంది. ఇలా చేయడం వల్ల వేసవిలో కూడా చర్మ సౌందర్యం చెక్కుచెదరకుండా ఉంటుంది. మండుటెండలో తమ చర్మ సౌందర్యాన్ని కాపాడుకోవడానికి మహిళలు అనేక ప్రయత్నాలు చేస్తుంటారు.

చర్మానికి అదనపు సంరక్షణ అవసరం. ఈ సీజన్‌లో చెమట, దుమ్ము, కాలుష్యం కారణంగా అనేక చర్మ సమస్యలు తలెత్తుతాయి. చర్మం తేమను కంట్రోల్‌ చేయడానికి ఫేస్ ప్యాక్‌ని తయారు చేసుకోవచ్చు. దీని కోసం ఒక గిన్నెలో ఒక చెంచా తేనె తీసుకుని దానికి రోజ్ వాటర్ కలపండి. దీన్ని ముఖానికి అప్లై చేసి 15-20 నిమిషాల పాటు అలాగే ఉంచాలి. తర్వాత చల్లటి నీటితో ముఖాన్ని కడుక్కోండి. తర్వాత ఫేస్ సీరమ్ అప్లై చేయండి. చర్మాన్ని తేమగా ఉంచడానికి నీరు అధికంగా ఉండే పండ్లను తినాలి.

ఎక్కువ తియ్యగా ఉన్నవాటిని తినకూడదు. చర్మంపై తేమను కంట్రోల్‌ చేయడానికి జెల్ రాయండి. ఇంట్లో ఈ జెల్ సిద్ధం చేయవచ్చు. దీని కోసం ఒక గిన్నెలో ఒకటి లేదా రెండు చెంచాల విటమిన్ ఇ క్యాప్సూల్, అలోవెరా జెల్ కలపండి. ఇప్పుడు ఈ మిశ్రమాన్ని ముఖానికి పట్టించాలి. మరీ జిగటగా అనిపిస్తే కొంత సమయం తర్వాత నీళ్లతో ముఖం కడుక్కోవాలి. అంతేకాకుండా వేసవిలో చర్మాన్ని హైడ్రేట్ చేయడానికి తగినంత నీరు తాగడం చాలా ముఖ్యం. రోజుకు 2 లీటర్ల నీరు తాగితే ముఖం చికాకు, దద్దుర్లు, మొటిమలను నివారించవచ్చు.

ఇది కూడా చదవండి: సమ్మర్‌లో పెళ్లి కూతురికి మేకప్‌ విషయంలో ఈ పొరపాట్లు చేయొద్దు

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడంలేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.