శ్రీలంకలో ఎలోన్ మస్క్ స్టార్‌లింక్ ఇంటర్నెట్ సర్వీస్‌కు గ్రీన్ సిగ్నల్!

“శ్రీలంక టెలికమ్యూనికేషన్ రెగ్యులేటరీ అథారిటీ శాటిలైట్ ద్వారా ఇంటర్నెట్ సేవలను అందించేందుకు స్టార్‌లింక్‌కు అనుమతిని శ్రీలంక ప్రభుత్వం మంజూరు చేసింది. ఇది దేశంలోని ఇంటర్నెట్‌లో విప్లవాత్మక మార్పులు తీసుకురావటమే కాకుండా యువతకు ఉపయోగపడనుంది. దాని హై-స్పీడ్ ఇంటర్నెట్ సేవ ద్వారా, వారు నేటి డిజిటల్ యుగంలో విద్యాపరమైన పురోగతిని సాధించనున్నారు.

స్టార్‌లింక్ శ్రీలంక ప్రజలకు సహాయ పడనుంది. ఈ సేవలు విపత్తు సమయంలో కూడా ఉపయోగించుకోవచ్చని దూర ప్రాంతాల్లో ఇంటర్నెట్ కనెక్షన్ లేని వారికి కూడా ప్రయోజనం చేకూరుతుందని అధ్యక్షుడు రణిల్ తెలిపారు.ఆయన ట్వీట్‌పై దేశంలోని కొందరు నెటిజన్లు స్పందించారు. స్టార్‌లింక్ సర్వీస్ ఛార్జీలను వారు ప్రశ్నించినట్లు గుర్తించారు. దేశ ఆర్థిక వాతావరణాన్ని, ప్రజల జీవనోపాధిని కూడా వారు ఎత్తిచూపారు.