Trains: ప్రయాణికులకు బిగ్ అలర్ట్.. జూన్ 30 వరకూ ఆ రైళ్లు అన్నీ రద్దు!

South Central Railway: రైలు ప్రయాణికులకు సౌత్ సెంట్రల్ రైల్వే కీలక సూచన చేసింది. మూడో లైను పనుల కారణంగా మే 27నుంచి 30 వరకూ పలు రైళ్లను రద్దు చేస్తున్నట్లు అధికారిక ప్రకటన విడుదల చేసింది. ఈ మేరకు 07462/63 వరంగల్-సికింద్రాబాద్ పుష్ పుల్ రైలు, 17035/36 కాజీపేట-బల్లార్షా, 07766/65 కరీంనగర్- సిర్పూర్ టౌన్, 07894 కరీంగనర్ -బోధన్ రైలు వచ్చే నెల 30 వరకూ క్యాన్సిల్ చేస్తున్నట్లు స్పష్టం చేసింది.

Cancellation / Partial Cancellation / Elimination of Stoppages due Non-Interlocking Works pic.twitter.com/cccbzadncm

— South Central Railway (@SCRailwayIndia) May 22, 2024

అలాగే ఏపీలో ప‌లు రైళ్లను ర‌ద్దుచేస్తున్నట్లు రైల్వే అధికారులు తెలిపారు. విజయవాడ రైల్వే డివిజన్‌ పరిధిలో గ‌ల నిర్వహణ పనుల కార‌ణంగా పలు రైళ్లను రద్దు చేస్తున్నట్లు, మరికొన్నింటిని దారి మళ్లిస్తున్నట్లు ప్రకటించారు. 07977/07978 నెంబ‌ర్‌గల విజయవాడ-బిట్రగుంట మధ్య నడిచే ట్రైన్స్ మే 27 నుంచి జూన్ 23 వరకు రద్దు చేశారు. వీటితోపాటు మే 27 నుంచి 31 వరకు, జూన్ 3 నుంచి 7 వరకు, జూన్ 10 నుంచి 14 వరకు.. జూన్ 17 నుంచి జూన్ 21 వరకు 17237/17238 అనే నెంబ‌ర్‌గ‌ల బిట్రగుంట-చెన్నై సెంట్రల్ ట్రైన్స్ ర‌ద్దయిన‌ట్లు తెలిపారు. గుంటూరు-రాయగడ 17243/17244 ట్రైన్స్ కూడా మే 27 నుంచి జూన్ 24 వరకు రద్దయ్యాయి. కాకినాడ పోర్ట్- విశాఖపట్నం మధ్య నడిచే 17267/17268 ట్రైన్స్ కూడా రద్దు చేశారు.