EPFO Interest Rate: ఎంప్లాయీస్ ప్రావిడెంట్ ఫండ్ ఆర్గనైజేషన్ (EPFO)మెంబర్స్ కోసం గుడ్ న్యూస్ వస్తుందా? ఎందుకంటే, ఈపీఎఫ్‌ఓతో అనుబంధం ఉన్న 6 కోట్ల మందికి పైగా ఉద్యోగులకు చెల్లించాల్సిన వడ్డీపై ఫిబ్రవరి 10న నిర్ణయం తీసుకోవచ్చు. సెంట్రల్ ట్రస్టీ బోర్డు (CBT) రాబోయే 235వ సమావేశంలో వడ్డీ రేట్లు పెంచే అవకాశం ఉందని భావిస్తున్నారు. ఈ సమావేశంలో 2023-24 ఆర్థిక సంవత్సరంలో సభ్యులకు చెల్లించే వడ్డీపై నిర్ణయం తీసుకోనున్నారు. సెంట్రల్ ట్రస్టీ బోర్డు సమావేశానికి హాజరు కావాలని సోషల్ సెక్యూరిటీ ఆర్గనైజేషన్ బోర్డు సభ్యులందరికీ లేఖ పంపింది.

EPF సభ్యులు ఉపసంహరించుకున్న మొత్తం, EPF ఖాతాల నుండి స్వీకరించిన విరాళాలు అలాగే, సంవత్సరంలో వచ్చిన ఆదాయం ఆధారంగా వడ్డీ(EPFO Interest Rate) నిర్ణయిస్తారు.  ఫిబ్రవరి 10న జరిగే సమావేశాల్లో వడ్డీ రేట్లు పెరిగే అవకాశం ఉందని అంచనా వేస్తున్నారు. పెరిగిన ద్రవ్యోల్బణం అలాగే,  వడ్డీ రేట్లు దీనికి కారణంగా చెబుతున్నారు.  గత సంవత్సరం EPFO ​​గణనీయమైన మిగులును కలిగి ఉంది.

Also Read: పాన్ ఆధార్ లింక్ చేయనివారి నుంచి ప్రభుత్వానికి కోట్లాది రూపాయలు 

2022-23 ఆర్థిక సంవత్సరానికి ఎంప్లాయీస్ ప్రావిడెంట్ ఫండ్ (ఈపీఎఫ్) ఖాతాలపై 8.15 శాతం వడ్డీ(EPFO Interest Rate0 చెల్లించాలని గత ఏడాది మార్చి 28న ఈపీఎఫ్‌వో ప్రకటించింది. 2022-23 ఆర్థిక సంవత్సరంలో పంపిణీకి రూ. 90,497.57 కోట్ల నికర ఆదాయం అందుబాటులో ఉంది. సభ్యుల ఖాతాలకు వడ్డీని బదిలీ చేసిన తర్వాత మిగులు రూ.663.91 కోట్లుగా అంచనా వేశారు. ఇప్పటి వరకు సమావేశాలు ముగిసిన తర్వాత వడ్డీరేట్లను వెంటనే ప్రకటించడం జరిగేది. అయితే, ఈసారి వడ్డీ రేట్ల పెంపును ఇలా వెంటనే ప్రకటిస్తారా లేక కొత్త మార్గదర్శకాల ప్రకారం ఆర్థిక శాఖ నుంచి అనుమతి పొందిన తర్వాత ప్రకటిస్తారా అనే దానిపై స్పష్టత లేదు.

గత ఏడాది జూలైలో, ఆర్థిక మంత్రిత్వ శాఖ ముందస్తు అనుమతి లేకుండా ఆర్థిక వడ్డీ రేట్ల(EPFO Interest Rate)ను బహిరంగంగా ప్రకటించకుండా CBTని కార్మిక మంత్రిత్వ శాఖ నిషేధించింది. ఇది కాకుండా, అధిక పెన్షన్, EPFO ​​లో ఖాళీగా ఉన్న పోస్టులపై నియామకం, EPFO ​​ఉద్యోగుల బదిలీకి సంబంధించి సుప్రీం కోర్ట్ ఆదేశాలను అమలు చేయడంపై కూడా CBTలో చర్చ జరుగుతుంది.

Watch this Interesting Video :