Electricity Crisis: వచ్చే నెలలో కరెంట్ కష్టాలు తప్పవా? 

Electricity Crisis: వేసవి కాలం సమీపిస్తున్న కొద్దీ విద్యుత్తు వినియోగం పెరుగుతుండడంతో విద్యుత్ కోతల సమస్య పెరుగుతోంది. కానీ ఈసారి మనం జూన్‌లో మండే వేడిలో మరింత ఇబ్బందులను ఎదుర్కోవలసి రావచ్చు. నిజానికి 14 ఏళ్ల తర్వాత ఈ ఏడాది జూన్‌లో అతిపెద్ద విద్యుత్ సంక్షోభం ఏర్పడే అవకాశాలున్నాయి. ఈ ఏడాది అత్యధికంగా విద్యుత్ కొరత ఏర్పడుతుందని ప్రభుత్వ వర్గాలు అంచనా వేస్తున్నాయని జాతీయ మీడియాలో కథనాలు వెలువడ్డాయి. దీనికి కారణం జలవిద్యుత్ ఉత్పత్తి క్షీణించడం అలాగే,  కొత్త బొగ్గు ఆధారిత ప్లాంట్లు ప్రారంభించడంలో జాప్యం అని ఆ వర్గాలు అంటున్నాయి. ఇది సంక్షోభాన్ని మరింత తీవ్రతరం చేసే అవకాశం ఉందని ఆ వర్గాల అభిప్రాయంగా చెబుతున్నారు. 

Electricity Crisis: జూన్‌లో జలవిద్యుత్ ఉత్పత్తి క్షీణించడంతో భారతదేశం 14 ఏళ్లలో అతిపెద్ద విద్యుత్ కొరతను ఎదుర్కొంటుందని ప్రభుత్వం అంచనా వేస్తోంది. అయితే, ఈ సమస్యను అధిగమించడానికి, ప్రణాళికాబద్ధమైన ప్లాంట్ నిర్వహణను వాయిదా వేయడం అలాగే, మూతపడిన యూనిట్లను పునఃప్రారంభించడం ద్వారా విద్యుత్ కోతలను నివారించడానికి ప్రయత్నాలు జరుగుతున్నాయి. 3.6 గిగావాట్ల (జిడబ్ల్యు) కొత్త బొగ్గు ఆధారిత ప్లాంట్ల ప్రారంభానికి ఆలస్యం కూడా సమస్యను పెంచుతుందని ప్రభుత్వ వర్గాలు చెబుతున్నాయి. దీనికోసం నెలాఖరులోగా  కార్యాచరణ రూపొందించాలని లక్ష్యంగా పెట్టుకున్నారు. సెంట్రల్ ఎలక్ట్రిసిటీ అథారిటీ ప్రకారం, జూన్‌లో రాత్రి సమయంలో సౌర సామర్థ్యం అందుబాటులో లేనందున 14 GW వరకు భారీ కొరత ఏర్పడవచ్చు.

Also Read:  కొత్త వ్యాపారం..ఊబర్..ఓలా కు దబిడి దిబిడేనా?

జలవిద్యుత్ ఉత్పత్తిలో తగ్గుదల

Electricity Crisis: ప్రభుత్వ గణాంకాల ప్రకారం, మార్చి 31తో ముగిసిన సంవత్సరంలో భారతదేశ జలవిద్యుత్ ఉత్పత్తి నాలుగు దశాబ్దాలలో ఎన్నడూ లేనంత వేగంగా పడిపోయింది.  అయితే పునరుత్పాదక ఇంధన ఉత్పత్తి స్తబ్దుగా ఉంది. ఈ వ్యత్యాసం 2009-10 తర్వాత అతిపెద్దది. అధికార వర్గాల సమాచారం  ప్రకారం, జూన్‌లో విద్యుత్ డిమాండ్ అధికంగా ఉండే అవకాశం ఉన్నందున ప్రణాళికాబద్ధమైన నిర్వహణ కోసం పవర్ ప్లాంట్‌లను నిలపకుండా పనిచేయించాలని,  5 GW నిష్క్రియ బొగ్గు కర్మాగార సామర్థ్యాన్ని పునఃప్రారంభించాలని గత వారం ఈ విషయంలో నిర్వహించిన అత్యవసర సమావేశంలో నిర్ణయించారు. 

ప్రస్తుత పరిస్థితి ఏమిటి?

Electricity Crisis: ఉత్పత్తిని పెంచడంపై దృష్టి కేంద్రీకరించారు.  కాబట్టి, జూన్ 2024తో సహా రాబోయే నెలల్లో విద్యుత్ డిమాండ్ తగినంతగా నెరవేరుతుందని భావిస్తున్నారు. గ్రిడ్-ఇండియా జూన్‌లో గరిష్టంగా రాత్రి సమయంలో 235 GW డిమాండ్‌ను అంచనా వేసింది. ప్రభుత్వ వర్గాల ప్రకారం, సుమారు 187 GW థర్మల్ సామర్థ్యం సరఫరా వైపు అందుబాటులో ఉంది.  34 GW పునరుత్పాదక వనరుల నుండి అందుబాటులో ఉంది.