Singer Kalpana: సింగర్ కల్పన సూసైడ్ అటెంప్ట్ కి కారణం అదే.. కూతురు చేసిన పనికి

Singer Kalpana: ప్రముఖ గాయని కల్పన సూసైడ్ అటెంప్ట్ చేయడం ఆమె అభిమానులను ఒక్కసారిగా షాక్ కి గురిచేసింది. మంగళవారం ఆమె నివాసంలో  నిద్రమాత్రలు ఆత్మహత్యయత్నం చేశారు. స్థానికుల సమాచారంతో అక్కడి చేరుకున్న పోలీసులు ఆమెను వెంటనే ఆస్పత్రికి తరలించారు. ప్రస్తుతం ఆమె ఆరోగ్యం నిలకడగా ఉన్నట్లు వైద్యులు తెలిపారు. వెంటిలేటర్ పై చికిత్స పొందుతున్నారు. కల్పన సూసైడ్ అటెంప్ట్ కి గల కారణాల గురించి ఆరా తీస్తున్నారు. 

అందుకే చనిపోవాలనుకున్నాను.. 

ఇందులో భాగంగా ఈరోజు పోలీసులు కల్పన స్టేట్మెంట్ ను రికార్డు చేశారు. అయితే కేరళలో ఉంటున్న పెద్ద కూతురిని హైదరాబాద్ వచ్చి చదువుకోవాలని కల్పన కోరారట. కానీ ఆమె అక్కడే ఉంటానని చెప్పింది. దీంతో ఆవేదన చెందిన కల్పన నిద్ర మాత్రలు మింగి చనిపోవాలనుకున్నట్లు పోలీసుల స్టేట్మెంట్ లో తెలిపారు. మరోవైపు పోలీసులు భర్త ప్రసాద్ ను కూడా విచారిస్తున్నారు. కల్పన, భర్త ప్రసాద్ ఫోన్లను హ్యాండ్ ఓవర్ చేసుకున్నారు. మొదటి భర్తతో విడాకుల తర్వాత కల్పన  ప్రసాద్‌ను రెండో వివాహం చేసుకున్నారు. 

అయితే కల్పన రోజూ వేసుకునే నిద్రమాత్రలను ఆరోజు ఎక్కువ మోతాదులో వేసుకున్నారట. సాయంత్రం 4 గంటల సమయంలో భర్త ప్రసాద్ కల్పనకు ఫోన్ చేయగా.. ఎంతకీ లిఫ్ట్ చేయలేదట. దీంతో ప్రసాద్ విల్లా సెక్రటరీకి కాల్ చేసి విషయం చెప్పడంతో ఆయన పోలీసులుకు సమాచారం ఇచ్చారు. ఆ తర్వాత అక్కడికి చేరుకున్న పోలీసులు కల్పనను రక్షించి ఆస్పత్రిలో చేర్పించారని సమాచారం. ఇది ఇలా ఉంటే.. ఇంటి పక్కనవారు  కల్పన బయటకు రావడం లేదని చెప్పడానికి భర్తకు ఫోన్ చేయగా.. అతడు లిఫ్ట్ చేయలేదనే వాదనలు కూడా వినిపిస్తున్నాయి. దీంతో పోలీసులు అతడిపై కూడా పలు అనుమానాలు వ్యక్తం చేస్తున్నారు.