చిరంజీవి పరమ దుర్మార్గుడు.. జేడీ చక్రవర్తి వీడియో వైరల్

'గులాబి', 'సత్య', 'బొంబాయి ప్రియుడు', 'ఎగిరే పావురమా', 'అనగనగా ఒక రోజు', 'మనీ' వంటి సినిమాలతో తెలుగు ఇండస్ట్రీలో అగ్ర హీరోగా మంచి గుర్తింపు తెచ్చుకున్న జెడి చక్రవర్తి.. అప్పట్లో వచ్చిన 'జోష్' సినిమాలో ప్రతి నాయకుడిగా ఆకట్టుకున్నాడు. ఆ తర్వాత  కొన్నాళ్ళు నటనకు దూరంగా ఉన్నాడు. ఈ మధ్యే మళ్ళీ నటుడిగా రీ లాంచ్ అయ్యాడు. ఓ వైపు సినిమాలతో పాటూ ఓటీటీ లోనూ వెబ్ సిరీస్ లు చేస్తున్నాడు. 

ఇటీవల ఆయన లీడ్ రోల్ లో నటించిన 'దయ' అనే సిరీస్ కు మంచి రెస్పాన్స్ వచ్చింది. ఇదిలా ఉంటే ఓ ఇంటర్వ్యూలో జెడి చక్రవర్తి.. చిరంజీవి గురించి ఆసక్తికర కామెంట్స్ చేశాడు. అందుకు సంబంధించిన ఓల్డ్ వీడియో ఒకటి సోషల్ మీడియాలో వైరల్ అవుతోంది. ఆ ఇంటర్వ్యూలో జేడీ చక్రవర్తి.. చిరంజీవి పరమ దుర్మార్గుడని అన్నాడు. ఆ కామెంట్ నెగిటివ్ గా కాకుండా పాజిటివ్ గానే చెప్పాడు. 

Also Read : జానీ మాస్టర్ కు బిగ్ షాక్.. అప్పటిదాకా జైల్లోనే!

చిరు పని రాక్షసుడని, ఆయన సినిమా పట్ల ఎంతో డెడికేషన్ గా ఉంటారని చెబుతూ.. ఓ సినిమా షూటింగ్ లో జరిగిన ఇన్సిడెంట్ ను గుర్తు చేసుకున్నాడు.' నేను 'అంతం' సినిమాకి అసిస్టెంట్ డైరెక్టర్ గా పని చేస్తున్న రోజులవి. 'ఘరానా మొగుడు' సినిమా క్లైమాక్స్ చేస్తున్నారు. ఎనిమిది రోజులుగా షూట్ చేస్తున్నారు. యూనిట్ మారింది, ఫైటర్స్ మారుతున్నారు. హీరో మారడం లేదు. 

"పరమ దుర్మార్గుడు చిరంజీవి ane vyakthi"

~#JDChakravarthy 🫡💗#Chiranjeevi pic.twitter.com/6OlSqlw2h8

— Karthikkk_7 (@Karthikuuu7) October 8, 2024

అన్ని రోజులు కారులోనే..

8 రోజులు ఆయన అంబాసిడర్ కారులో బయట పడుకున్నారు. అది చూసి నేను ఒక అభిమానిగా ఆగలేక.. లోపల మేకప్ రూమ్ ఉంది. అందులో పడుకోవచ్చు కదా! మీరిలా కారులో పడుకోవడం నాకు నచ్చట్లేదని చెప్పా. దానికి ఆయన..' లోపల పడుకుంటే డైరెక్టర్ నన్ను లేపడు. అదే బయటే పడుకుంటే, షాట్ రెడీ, చిరంజీవిని పిలవండి అనగానే లేచి వెళ్లిపోతున్నా.. ఆ గ్యాప్ కూడా ఇవ్వకూడదని' అని అన్నారు. నిజంగా ఆయన పని రాక్షసుడు అంటూ చిరుపై ప్రశంసలు కురిపించాడు.