KCR movie ott streaming
Follow Us
KCR Ott Streaming : జబర్దస్త్ కమెడియన్ రాకింగ్ రాకేష్ సొంత నిర్మాణంలో రూపొందిన లేటెస్ట్ మూవీ 'కేశవ చంద్ర రామావత్' (కేసీఆర్). ఈ చిత్రాన్ని 'గ‌రుడ‌వేగ' ఫేమ్ అంజి తెరకెక్కించారు. తెలంగాణ రాష్ట్ర తొలి ముఖ్య‌మంత్రి కేసీఆర్‌కు వీరాభిమాని అయిన ఓ లంబాడీ యువకుడి జీవిత కథ నేపథ్యంలో ఈ సినిమాను రూపొందించారు. గత నెల నవంబర్ 22న థియేటర్స్ లో విడుదలైన ఈ సినిమా ఊహించన స్థాయిలో విజయం సాధించలేకపోయింది. బాక్స్ ఆఫీస్ వద్ద యావరేజ్ మిశ్రమ స్పందన సొంతం చేసుకుంది.
ఓటీటీలోకి కేసీఆర్..
థియేట్రికల్ రన్ తర్వాత ఇప్పుడు ఈ చిత్రం ఓటీటీ ప్రియులను అలరించేందుకు వచ్చేసింది. నేటి నుంచి ప్రముఖ ఓటీటీ ప్లాట్ 'ఆహా ' స్ట్రీమింగ్ అవుతోంది. ఈ విషయాన్ని తెలియజేస్తూ సదరు సంస్థ పోస్టర్ రిలీజ్ చేసింది. సీనియర్ నటి సత్య కృష్ణన్ కూతురు అన‌న్య కృష్ణన్ ఈ సినిమాతో హీరోయిన్‌గా అరంగేట్రం చేసింది. జోర్దార్ సుజాత, మైమ్‌మ‌ధు, తాగుబోతు ర‌మేష్, త‌నికెళ్ల భ‌ర‌ణి తదితరులు కీల‌క పాత్ర‌లు పోషించారు.
Also Read: 2024లో ప్రపంచాన్ని వణికించిన భయంకరమైన వ్యాధులివే.. ఇందులో మీకు ఏదైనా సోకిందా?
మూవీ స్టోరీ
వరంగల్ జిల్లాలో రంగాబాయి తండాకు చెందిన కేశవ చంద్ర రామావత్ (హీరో) అనే యువకుడు కేసీఆర్ కి పెద్ద అభిమానిగా ఉంటాడు. ఆ గ్రామా ప్రజలు కూడా అతడిని షార్ట్ కట్ గా కేసీఆర్ అని పిలుస్తారు. అయితే ఇతడికి ప్రాణంగా ప్రేమించి ఒక మరదలు ఉంటుంది. కానీ హీరో మాత్రం ఆ ప్రేమను అర్థం చేసుకోకుండా డబ్బున్న అమ్మాయిని పెళ్లి చేసుకోవాలి అనుకుంటాడు. అంతేకాదు తన పెళ్లి కేసీఆర్ చేతుల మీదుగా జరగాలని ఫిక్స్ అవుతాడు. మరో వైపు ఆ తండాలో రోడ్ల సమస్య ఉంటుంది. ఈ నేపథ్యంలో హీరో కేసీఆర్ ను కలవడానికి హైదరాబాద్ వస్తాడు. ఇక హైదరాబాద్ వచ్చిన తర్వాత హీరోకి ఎదురైన ఇబ్బందులు ఏంటి? కేసీఆర్ ని కలిశాడా? ఊరి రోడ్డు సమస్యను పరిష్కరించాడా అనేది సినిమా కథ.
Also Read: OTT: ఈ సినిమాలు చూస్తే వాష్‌రూమ్‌కు ఒంటరిగా వెళ్లలేరు.. ఓటీటీలో బెస్ట్ సైకో-థ్రిల్లర్ చిత్రాలు ఇవే!
