సమంత, ఆలియా భట్ కాంబోలో మల్టీస్టారర్.. డైరెక్టర్ ఎవరంటే?

సౌత్ సినీ ఇండస్ట్రీలో ప్రెజెంట్ మల్టీస్టారర్ ట్రెండ్ నడుస్తున్న విషయం తెలిసిందే. స్టార్ హీరోలు సైతం ఈ ట్రెండ్ పట్ల ఆసక్తి చూపుతున్నారు. ఇప్పటికే కొన్ని మల్టీస్టారర్ సినిమాలు ఆడియన్స్ ను ఆకట్టుకుకున్నాయి. అయితే తాజాగా ఓ బాలీవుడ్ బ్యూటీ తన తోటి హీరోయిన్ తో కలిసి సినిమా చేయాలని ఉందని, అందుకు స్టార్ డైరెక్టర్ కు స్పెషల్ రిక్వెస్ట్ చేసింది. ఇంతకీ ఆ హీరోయిన్ ఎవరు? వివరాల్లోకి వెళ్తే.. 

బాలీవుడ్ స్టార్ హీరోయిన్ ఆలియా భట్ ప్రధాన పాత్రలో 'జిగ్రా' అనే సినిమా తెరకెక్కింది. హిందీతో పాటూ తెలుగులోనూ ఈ చిత్రాన్ని విడుదల చేస్తున్నారు. దసరా కానుకగా ఈ సినిమా పేక్షకుల ముందుకు రానుంది. ఈ సందర్భంగా మూవీ టీమ్ హైదరాబాద్ లో ప్రీరిలీజ్‌ ఈవెంట్‌ను నిర్వహించారు. ఈ కార్యక్రమానికి ప్రముఖ దర్శకుడు త్రివిక్రమ్‌, రానా, సమంత ముఖ్య అతిథులుగా హాజరయ్యారు. 

తెలుగు ఆడియన్స్ బెస్ట్..

ఈ ఈవెంట్ లో ఆలియా భట్ మాట్లాడుతూ.." 'RRR' ద్వారా నాకు తెలుగు భాషతో ఒక ప్రత్యేకమైన అనుబంధం ఏర్పడింది. మా పాప రాహా ఇంట్లో రోజూ 'నాటు నాటు' పాటకు డ్యాన్స్‌ చేస్తుంటుంది. తనకు ఆ పాటంటే చాలా ఇష్టం. మంచి సినిమాల్ని ఆదరించడంలో తెలుగు ప్రేక్షకుల్ని మించిన వారు లేరు. అందుకే నా గత చిత్రాలు గంగూబాయి, బ్రహ్మాస్త్ర తెలుగులోనూ విడుదల చేశా. 

Also Read : కండోమ్ కంపెనీ పై కేసు వేసిన సుహాస్.! 'జనక అయితే గనక' ట్రైలర్

ఇప్పుడు ఈ 'జిగ్రా' తో మీ ముందుకొస్తున్నా. యాక్షన్, ఎమోషన్, డ్రామా.. అన్నీ ఉన్న మంచి కుటుంబ కథా చిత్రమిది. కచ్చితంగా అందరికీ నచ్చుతుంది..." అని చెప్పుకొచ్చింది. అంతేకాకుండా సమంతకు, తనకు సరిపోయే మంచి కథను త్రివిక్రమ్‌ తయారుచేస్తే బాగుంటుందనిపిస్తుందని తన కోరికను బయటపెట్టింది. దీనికి గురూజీ కూడా గ్రీన్ సిగ్నల్ ఇచ్చాడు. దాంతో ఫ్యాన్స్ సైతం సమంత, ఆలియా కాంబోలో మంచి లేడి ఓరియెంటెడ్ మూవీ తీస్తే బాగుంటుందని కామెంట్స్ చేస్తున్నారు.