AP News: చంద్రబాబు ప్రమాణస్వీకారం సమయంలో మార్పు.. ఏపీ సీఎంవో ప్రకటన!

Chandrababu Naidu Oath Ceremony: ఏపీ ముఖ్యమంత్రిగా టీడీపీ అధినేత చంద్రబాబు ప్రమాణ స్వీకారం చేయబోయే సమయంలో మార్పులు చేశారు. ఈ నెల 12న ఉదయం 11.27 గంటలకు ప్రమాణస్వీకారం చేయనున్నట్లు మొదట ప్రకటించారు. కానీ వర్షాలు పడుతుండటంతో అమరావతిలో నేల చిత్తడిగా మారిందని, ఈ నేపధ్యంలో చంద్రబాబు ప్రమాణ స్వీకార ప్రాంతం మార్చినట్లు సీఎంవో (AP CMO) తెలిపింది. చంద్రబాబు ప్రమాణ స్వీకార కార్యక్రమం అమరావతి నుంచి గన్నవరంకు ఛేంజ్ చేశాం. ప్రధాని, ఇతర రాష్ట్రాల సీఎంలు వచ్చే అవకాశం ఉండటంతో వారికి ఇబ్బంది లేకుండా ఉండేందుకు ఈ మార్పులు చేస్తున్నాం. ఈ నెల 12న ఉదయం 9.27 గంటలకు చంద్రబాబు ప్రమాణం చేస్తారని ఏపీ సీఎంవో ట్వీట్ చేసింది.

Also Read: కేంద్రంలో చట్ట విరుద్ధంగా ప్రభుత్వం కొలువుదీరుతోంది..మమతా బెనర్జీ