AP Elections Betting : ఏపీ ఎన్నికల ఫలితాలపై (Exit Polls) ఉత్కంఠ పెరుగుతుంది. వైసీపీ (YCP), టీడీపీ కూటమిలు (TDP Alliance) రెండూ గెలుపు మీద విశ్వాసంతోనే ఉన్నాయి. వైసీపీ మరోక అడుగు ముందుకేసి జగన్ రెండోసారి ముఖ్యమంత్రి కాబోతున్నారంటూ తొమ్మిదో తారీఖున ప్రమాణస్వీకారానికి కావాల్సిన ఏర్పాట్లు కూడా చేస్తున్నారు. ఈ క్రమంలోనే రాష్ట్రంలో ఎవరూ గెలవబోతున్నారనే అంశంపై జోరుగా బెట్టింగ్‌ దందా నడుస్తోంది. అభ్యర్థుల గెలుపుతో పాటు కీలక నేతల మెజార్టీలపైనా పందెం కాస్తున్నారు. వైసీపీకి 69-72 ఎమ్మెల్యే, 7-8 ఎంపీ స్థానాలు పక్కా, కూటమి 104 నుంచి 107 అసెంబ్లీ, 16-18 ఎంపీ స్థానాలు కూటమి గెలుచుకుంటుందని పందెం కాస్తున్నారు బెట్టింగ్ రాయుళ్లు.

ఒకటికి నాలుగు రెట్లు..
ఇక కీలక నేతలు జగన్‌, చంద్రబాబు (Chandrababu), పవన్‌కల్యాణ్ (Pawan Kalyan), లోకేష్‌ (Nara Lokesh) కు వచ్చే మెజార్టీలపైనా భారీగా బెట్టింగ్ పెడుతున్నారు. పులివెందులలో జగన్‌కు 60 వేల నుంచి 67 వేల మధ్య మెజార్టీ వస్తుందని ఒకటికి ఒకటిన్నర, కుప్పంలో చంద్రబాబుకు 32 వేల 37 వేల మధ్య మెజార్టీ వస్తుందని ఒకటికి రెండు రెట్లు పందెం కాస్తున్నారు. పిఠాపురంలో పవన్‌కల్యాణ్‌కు 40 వేల నుంచి 47 వేల మధ్య మెజార్టీ వస్తుందంటూ ఒకటికి రెండు రెట్లు, మంగళగిరిలో లోకేష్‌కు 36 వేల 42 వేల మధ్య మెజార్టీ వస్తుందని ఒకటికి ఒకటిన్నర, గన్నవరంలో వంశీ గెలుపు మీద ఒకటికి రెండున్నర, గుడివాడలో నాని గెలుపు మీద ఒకటికి రెండున్నర బెట్టింగ్ పెడుతున్నారు.

ఇది కూడా చదవండి: Jawaharlal Nehru: ప్రధాని నెహ్రూకు పూలమాల.. 15 ఏళ్ల బాలికను ఆ ఊరు ఏం చేసిందంటే!

భీమవరంలో వైసీపీ గెలుపు మీద ఒకటికి 4 రెట్లు, ఉండిలో వైసీపీ గెలుపు మీద ఒకటికి రెండు, చీపురుపల్లిలో బొత్స గెలుపు మీద ఒకటికి రెండు రెట్లు, శ్రీకాకుళంలో ధర్మాన ప్రసాద రావు విజయంపై ఒకటికి నాలుగు రెట్లు బెట్టింగా కాస్తున్నారు. పలాసలో గౌతు శిరీష గెలుపు మీద ఒకటికి 3 రెట్లు, భీమిలిలో గంటా శ్రీనివాస రావు గెలుపు మీద ఒకటికి రెండు రెట్లు, తునిలో దాడిశెట్టి రాజా గెలుపు మీద ఒకటికి రెండు రెట్లు, రాజానగరంలో జనసేన గెలుపు మీద ఒకటికి ఒకటిన్నర బెట్టింగ్, తణుకులో వైసీపీ అభ్యర్థి గెలుపు మీద ఒకటికి మూడు రెట్లు, సత్తెనపల్లిలో అంబటి రాంబాబు గెలుపు మీద ఒకటికి ఒకటిన్నర పందెం పెడుతున్నారు. మాచర్లలో టీడీపీ అభ్యర్థి జూలకంటి గెలుపు మీద ఒకటికి ఒకటికి రెండు, మార్కాపురంలో అన్నా రాంబాబు గెలుపు మీద ఒకటికి రెండున్నర, ఒంగోలులో దామచర్ల గెలుపు మీద ఒకటికి రెండు, నగరిలో రోజా గెలుపు మీద ఒకటికి రెండున్నర, నెల్లూరు రూరల్‌లో కోటంరెడ్డి గెలుపు మీద ఒకటికి ఒకటిన్నర బెట్టింగ్‌ కాస్తున్నారు పందెం రాయుళ్లు.