Traffic Rules: జాగ్రత్త.. సిగ్నల్‌ జంప్‌ చేస్తే బాస్ కు చెప్తారట!

Traffic Rules: బెంగళూరు టెకీలకు ట్రాఫిక్ పోలీసులు షాకిచ్చారు. విపరీతంగా ట్రాఫిక్ రూల్స్ ఉల్లంఘనలు జరుగుతున్న నేపథ్యంలో వారు ఈ నిర్ణయానికొచ్చారు. టెకీలెవరైనా రూల్స్ ఉల్లంఘిస్తే చలాన్ వేసి వదిలేయకుండా వారు పనిచేస్తున్న కంపెనీకి కంప్లైంట్ ఇస్తారట. సిగ్నల్‌ జంప్‌, అతివేగంతో దూసుకుపోవడాన్ని అస్సలు ఉపేక్షించేది లేదంటున్నారు బెంగళూరు పోలీసులు.

రోడ్డు భద్రతపై అవగాహన కల్పించేందుకు బెంగళూరు ఈస్ట్ డివిజన్‌ ట్రాఫిక్‌ పోలీసులు ఈ సరికొత్త వినూత్న కార్యక్రమానికి రూపకల్పన చేశారు. మరీ ముఖ్యంగా ఐటీ కారిడార్‌, ఔటర్‌ రింగ్‌ రోడ్డు, వైట్ ఫీల్డ్‌లో ఈ కార్యక్రమాన్ని పైలట్‌ ప్రాజెక్ట్‌గా మొదలుపెట్టబోతున్నారు. అది సక్సెస్ అయితే నగరమంతటా విస్తరించాలని ప్రణాళికలు రూపొందిస్తున్నారు.

As of now, the drive is limited to the east division of traffic police, but if there is a significant reduction in violations along the route, then it will also be extended to other major parts of Bengaluru, police said.#bengaluru #traffic #bangaloretraffic #News pic.twitter.com/auo9RvJpkS

— Bangalore News Today (@TodayBangalore) December 16, 2023

ఇది కూడా చదవండి: IPL: ముంబై ఇండియన్స్ కు షాకిచ్చిన హిట్ మ్యాన్ ఫ్యాన్స్.. అంత కోపం ఎందుకంటే!

టెకీలు ఎక్కువగా ఉండే, ఎక్కువగా ట్రాఫిక్ రూల్స్ ఉల్లంఘనలు జరిగే ఈస్ట్ డివిజన్ ప్రాంతాన్ని ట్రాఫిక్ పోలీసులు పైలట్ ప్రాజెక్టు కోసం ఎంపిక చేశారు. ఏ టెకీ అయినా ఇకపై రూల్స్ ఉల్లంఘిస్తే ఐడీ కార్డు ఆధారంగా ఆ సమాచారాన్ని కంపెనీకి ఇ-మెయిల్‌, వాట్సప్‌ ద్వారా చేరవేస్తామని పోలీసు ఉన్నతాధికారులు చెప్తున్నారు. కంపెనీలు కూడా ట్రాఫిక్ రూల్స్ పై ఉద్యోగులకు అవగాహన కార్యక్రమాలు నిర్వహించాలని వారు సూచించారు.