ఏపీలో కుమ్మక్కు రాజకీయాలు నడుస్తున్నాయని ఏపీసీసీ చీఫ్ వైఎస్ షర్మిలా మండిపడ్డారు. టీడీపీ, వైసీపీలు బీజేపీతో కుమ్మక్కు అయ్యాయి. ఉత్తరాంధ్రను రెండు పార్టీలు మోసం చేశాయి. బీజేపీకి తొత్తులుగా ఉన్న రెండు పార్టీలను వచ్చే ఎన్నికల్లో ఒడగొట్టాలని ఆమె పిలుపునిచ్చారు.
తెలుగుదేశం ఎమ్మెల్యే గంటా శ్రీనివాసరావు రాజీనామాను అసెంబ్లీ స్పీకర్ తమ్మినేని సీతారం ఆమోదించారు. స్టీల్ ప్లాంట్ ప్రైవేటీకరణను వ్యతిరేకిస్తూ గతంలో గంటా రాజీనామా చేసిన సంగతి తెలిసిందే. ఈ నెల 22న రాజీనామాను ఆమోదించినట్లు అసెంబ్లీ సెక్రటరీ ప్రకటించారు.
గాజువాక వైసీపీ కార్పొరేటర్లు, కీలక కార్యకర్తల రహస్యం సమావేశం ఏర్పాటు చేశారు. గాజువాక సిట్టింగ్ ఎమ్మెల్యే తిప్పల నాగిరెడ్డి ఫ్యామిలీకే టికెట్ ఇవ్వాలని వైసీపీ అధిష్టానాన్ని డిమాండ్ చేస్తున్నారు. ఒకవేళ టికెట్ ఇవ్వకపోతే మూకుమ్మడిగా రాజీనామా చేసే ఆలోచనలో ఉన్నట్లు తెలుస్తోంది
తాడికొండ నియోజకవర్గ టీడీపీ నాయకులు పులి చిన్న లోకేష్ కు వినూత్నంగా బర్త్ డే విషెస్ తెలిపారు. విజయవాడ నడిబొడున కృష్ణ నదిలోకి వెళ్లి లోకేష్ 100 అడుగుల భారీ కటౌట్ ను ఏర్పాటు చేశారు. ఆయన నిండు నూరేళ్లు ఆయురారోగ్యాలతో వర్ధిల్లాలని కోరుకుంటూ అభిమానం చాటుకున్నారు.
అంగన్వాడీల ఆందోళనకు మద్దతుగా ఈనెల 24వ తేదీన ఏపీ బంద్కు విపక్షాలు పిలుపునిచ్చాయి. అంగన్వాడీలపై ప్రభుత్వ తీరుకు నిరసనగా ఈ నిర్ణయం తీసుకున్నట్లు తెలుస్తోంది. వారిని అరెస్ట్ చేయడంతో పాటు ప్రభుత్వం అల్టిమేటంపై విపక్షాలు తీవ్ర స్థాయిలో ఆగ్రహం వ్యక్తం చేస్తున్నాయి.
నటుడు చిరంజీవి జీవిత చరిత్ర పుస్తక రూపంలో రానుంది. యండమూరి వీరేంద్రనాథ్ ఈ బాధ్యత తీసుకోబోతున్నట్లు స్వయంగా చిరంజీవి ప్రకటించారు. 'నా బయోగ్రఫీ యండమూరి వంటి గొప్ప రచయిత రాస్తానని మాటివ్వడం చాలా సంతోషంగా ఉంది. త్వరలోనే ఈ పని మొదలవుతుంది' అని చిరు చెప్పారు.
2024 ఏపీ ఎన్నికల్లో తమ సభల నిర్వహణ సజావుగా సాగేందుకు జనసేన పార్టీ ప్రత్యేకంగా కమిటీలు ఏర్పాటు చేసింది. ఉత్తరాంధ్ర, గోదావరి, సెంట్రల్ ఆంధ్ర, రాయలసీమ 1, 2 జోన్లుగా ఈ కమిటీలు ఉండనుండగా.. కన్వీనర్లు, కో కన్వీనర్ల లిస్ట్ తాజాగా విడుదల చేసింది.
విశాఖ నుంచి అరకు సభకు వెళ్తున్న చంద్రబాబు హెలికాప్టర్లో సమన్వయ లోపం తలెత్తింది. ఏటీసీతో పైలట్కు సమన్వయ లోపం ఏర్పడడంతో నిర్దేశించిన మార్గంలో కాకుండా వేరొక మార్గంలో హెలికాప్టర్ ప్రయాణించింది. కొంత సమయం తరువాత మళ్లీ సరైన మార్గంలో వెళ్లేందుకు ఏటీసీ అనుమతి లభించింది.
జనసేన అధినేత పవన్తో ఎంపీ బాలశౌరి భేటీ అయ్యారు. ఇటీవలే వైసీపీకి రాజీనామా చేసిన ఎంపీ బాలశౌరి త్వరలో జనసేన కండువా కప్పుకోనున్నారు. బందరు లేదా గుంటూరు ఎంపీ సీటు బాలశౌరి ఆశిస్తున్నట్లు తెలుస్తోంది. పవన్ కూడా కచ్చితంగా సీటు ఇస్తామని హామీ ఇచ్చినట్లు ప్రచారం జరుగుతుంది.
/rtv/media/post_attachments/wp-content/uploads/2024/01/sharmila-8-jpg.webp)
/rtv/media/post_attachments/wp-content/uploads/2024/01/yssss-jpg.webp)
/rtv/media/post_attachments/wp-content/uploads/2024/01/ganta-jpg.webp)
/rtv/media/post_attachments/wp-content/uploads/2024/01/cm-jagan-1-jpg.webp)
/rtv/media/post_attachments/wp-content/uploads/2024/01/lokess-jpg.webp)
/rtv/media/post_attachments/wp-content/uploads/2024/01/ap-4-jpg.webp)
/rtv/media/post_attachments/wp-content/uploads/2024/01/PadmaVibhushan-for-Chiranjeevi-jpg.webp)
/rtv/media/post_attachments/wp-content/uploads/2024/01/jnsn-jpg.webp)
/rtv/media/post_attachments/wp-content/uploads/2024/01/chandrababu-jpg.webp)
/rtv/media/post_attachments/wp-content/uploads/2024/01/pawan-7-jpg.webp)
