సీఎం చంద్రబాబు మరోసారి తెలంగాణకు వెళ్లనున్నారు. ఈరోజు సాయంత్రం 4 గంటలకు హైదరాబాద్కు చేరుకోనున్నారు. తెలంగాణ టీడీపీ నేతలతో సమావేశం కానున్నారు. కాగా ఈ పర్యటనలో తెలంగాణ టీడీపీ నూతన రాష్ట్ర అధ్యక్షుడిని చంద్రబాబు ఫైనల్ చేయనున్నట్లు సమాచారం.
తిరుపతిలో రూ. 36 లక్షల విలువచేసే అక్రమ మద్యంను పోలీసులు సీజ్ చేశారు. కోర్టు ఆదేశాల మేరకు 5వేలకుపైగా లీటర్ల మద్యంను రోడ్ రోలర్ తో తొక్కించి ధ్వంసం చేసినట్లు ఎస్పీ సుబ్బరాయుడు తెలిపారు. జిల్లావ్యాప్తంగా 3వేలకు పైగా కేసులు నమోదు చేసినట్లు వెల్లడించారు.
గంగ జాతర పురస్కరించుకొని తిరుపతి జిల్లా కొట్టాలలో నిర్వహించిన ఎద్దుల పోటీలో అపశృతి చోటుచేసుకుంది. తమిళనాడు నుంచి వచ్చిన బాహుబలి ఎద్దు జనంపైకి తిరగబడి దిలీప్ కుమార్ అనే వ్యక్తిని పొడిచి చంపింది. స్థానిక ఎస్సై రామాంజనేయులు ఎద్దుల పోటీని తాత్కాలికంగా నిలిపేశారు.
గంజాయి అమ్మే, తాగే గ్యాంగ్ లను పట్టిస్తే ప్రభుత్వంతో సంబంధం లేకుండా రూ.5వేలు ఇస్తానని ఏపీ కార్మిక శాఖ మంత్రి వాసంశెట్టి సుభాష్ ప్రకటించారు. అలాగే తనకు గంజాయి బ్యాచ్తో సంబంధాలున్నాయనే ఆరోపణలను నిరూపిస్తే మంత్రి, ఎమ్మెల్యే పదవికి రాజీనామా చేస్తానన్నారు.
తిరుపతి జనసేన ఎమ్మెల్యే ఆరణి శ్రీనివాసులు ఈ రోజు సీఎం చంద్రబాబును మర్యాదపూర్వకంగా కలిశారు. తిరుమల తిరుపతి అభివృద్ధి, కీలక సమస్యలపై చర్చించారు. ఇందుకు స్పందించిన సీఎం సానుకూలంగా స్పందించి అన్ని విధాలా సహకరిస్తామని హామీ ఇచ్చారని శ్రీనివాసులు తెలిపారు.
AP: ఈ నెల 15వ తేదీన అన్న క్యాంటీన్ల ప్రారంభానికి సన్నాహాలు చేస్తోంది చంద్రబాబు సర్కార్. రాష్ట్రవ్యాప్తంగా తొలివిడతలో 100 అన్న క్యాంటీన్లు ప్రారంభించనుంది. రెండో విడతలో 83 అన్న క్యాంటీన్లు, మరో విడతలో 20 అన్న క్యాంటీన్లు ప్రారంభించేందుకు సిద్ధమైంది.
AP: తనకు రక్షణ కావాలని జగన్ అడుగుతున్నారని అన్నారు మంత్రి కొల్లు రవీంద్ర. వాస్తవానికి జగన్ నుంచి భద్రత కావాలని ప్రజలు ప్రభుత్వాన్ని కోరుకుంటున్నారని చెప్పారు. సీఎం హోదాలో ఇచ్చే సెక్యూరిటీ ఒక ఎమ్మెల్యేకు ఇవ్వరని.. జగన్ ఇది తెలుసుకోవాలని అన్నారు.
AP: వైసీపీ ఎమ్మెల్సీ భారత్పై కేసు నమోదైంది. తిరుమలలో తోమాల సేవ పేరిట సిఫారసు లేఖ విక్రయించినట్లు గుంటూరులోని అరండల్పేట పోలీసులకు టీడీపీ నేత చిట్టిబాబు ఫిర్యాదు చేశారు. దీంతో భరత్తో పాటు ఆయన పీఆర్వో మల్లికార్జునపైనా కేసు చేశారు పోలీసులు.
హైదరాబాద్లో మిస్సయిన బాలుడు తిరుపతిలో ప్రత్యక్ష్యం అయ్యాడు. రంగారెడ్డి జిల్లా జిల్లెలగూడకు చెందిన టిల్లు అనే బాలుడు ఈ నెల 4న ట్యూషన్కు వెళ్లి తిరిగిరాలేదు. అర్ధరాత్రి తిరుపతి రైల్వేస్టేషన్లో బాలుడు కనిపించగా పోలీసులు విచారించి అదుపులోకి తీసుకున్నారు.
/rtv/media/post_attachments/wp-content/uploads/2024/07/AP-CM-Chandrababu-1.jpg)
/rtv/media/post_attachments/wp-content/uploads/2024/07/38_3b3acee04c.jpg)
/rtv/media/post_attachments/wp-content/uploads/2024/08/FotoJet-7-6.jpg)
/rtv/media/post_attachments/wp-content/uploads/2024/08/FotoJet-4-7.jpg)
/rtv/media/post_attachments/wp-content/uploads/2024/08/FotoJet-2-6.jpg)
/rtv/media/post_attachments/wp-content/uploads/2024/08/Tirupathi-Janasena-MLA.jpg)
/rtv/media/post_attachments/wp-content/uploads/2024/07/Anna-Canteens.jpg)
/rtv/media/post_attachments/wp-content/uploads/2023/11/kollu-ravindra-1-jpg.webp)
/rtv/media/post_attachments/wp-content/uploads/2024/08/MLC-BHARAT.jpg)
/rtv/media/post_attachments/wp-content/uploads/2024/08/hyd-1.jpg)
