చంద్రబాబు బిర్యానీ పెడతా అన్నాడని ప్రజలు ఆశపడ్డారని మాజీ సీఎం జగన్ అన్నారు. కానీ ఇప్పుడు పస్తులు ఉంటున్నారన్నారు. తానే సీఎంగా ఉండి ఉంటే.. రైతు భరోసా, అమ్మ ఒడి తదితర పథకాల డబ్బులు విడుదల అయ్యి ఉండేదన్నారు. విశాఖ నేతలతో జగన్ ఈ రోజు సమావేశమయ్యారు
విజయవాడలో అంబేద్కర్ విగ్రహంపై దాడికి నిరసనగా కడపలో వైసీపీ నాయకులు నిరసన చేపట్టారు. అంబేద్కర్ విగ్రహంపై జరిగిన దాడి హేయమైన చర్య అని కొవ్వొత్తులతో నిరసన చేశారు. దాడి చేసిన వారిపై కఠిన చర్యలు తీసుకోవాలని వారు డిమాండ్ చేశారు.
ఏపీలో రైతులకు విత్తన కొరత లేదని గుండె మీద చెయ్యి వేసుకొని చెప్పగలరా? అంటూ కూటమి ప్రభుత్వాన్ని వైఎస్ షర్మిల ప్రశ్నించారు. విత్తనాల కొరతపై వ్యవసాయ శాఖ మంత్రి కింజారపు అచ్చెన్నాయుడు ఇచ్చిన వివరణ తలా తోక లేనిదంటూ ఆగ్రహం వ్యక్తం చేశారు.
మాజీ సీఎం జగన్ భద్రతపై హైకోర్టు కీలక ఆదేశాలు ఇచ్చింది. జగన్ కు మరో బుల్లెట్ ప్రూఫ్ వాహనాన్ని కేటాయించాలని ప్రభుత్వానికి సూచించింది. జామర్ వెహికల్ కూడా కేటాయిస్తామని కోర్టుకు ప్రభుత్వం తెలిపింది. తదుపరి విచారణను మూడు వారాలకు వాయిదా వేసింది.
అన్నమయ్య జిల్లా పెద్దతిప్ప సముద్రం MPDO కార్యాలయం వద్ద ఉద్రిక్తత నెలకొంది. వైసీపీ ఎంపీటీసీ సభ్యులు రాజీనామా చేయాలని టీడీపీ శ్రేణులు ఆందోళన చేపట్టారు. గత ప్రభుత్వం ఎన్నికలు జరపకుండా ఎంపీటీసీలను ఎన్నిక చేసిందని మండిపడ్డారు. గో బ్యాక్ ఎంపీటీసీ అంటూ నినాదాలు చేశారు.
ఏపీ హోంమంత్రి అనితను వైఎస్ వివేకానందరెడ్డి కూతురు సునీత ఈ రోజు అమరావతిలోని సచివాలయంలో కలిశారు. వివేకా హత్య కేసు విషయంపై వీరి మధ్య చర్చ జరిగినట్లు తెలుస్తోంది. తనకు న్యాయం దక్కేలా సహకరించాలని హోంమంత్రిని సునీత కోరినట్లు సమాచారం.
కడపలో మోహినూద్దిన్ అనే వ్యక్తి మూగ జీవాలపై అపారమైన ప్రేమను చూపిస్తూ వస్తున్నారు. 2012 నుంచి ప్రతి ఆదివారం క్రమం తప్పకుండా మూగ జీవాలకు పండ్లు, వాటర్ ట్యాంక్ నీళ్లు అందిస్తూ వస్తున్నారు. మూగ జీవాలపై మోహినూద్దిన్ చూపిస్తున్న ప్రేమకు నెటిజన్లు ప్రశంసలు కురిపిస్తున్నారు.
కడప జిల్లాలో మేఘా సంస్థ మట్టి దోపిడీపై రైతులు ఆందోళన వ్యక్తం చేస్తున్నారు. విజయవాడ టు బెంగళూరు గ్రీన్ ఫీల్డ్ హైవే రోడ్డు పనులు దక్కించుకున్న మేఘా సంస్థ.. మల్లెపల్లె, తోట్లపల్లి చెరువుల్లో నిబంధనలకు విరుద్దంగా మట్టి తోడేస్తుందని స్థానిక రైతులు ఆరోపిస్తున్నారు.
/rtv/media/post_attachments/wp-content/uploads/2024/08/FotoJet-1-10.jpg)
/rtv/media/post_attachments/wp-content/uploads/2024/08/YS-Jagan-1-1.jpg)
/rtv/media/post_attachments/wp-content/uploads/2024/08/ycp-2.jpg)
/rtv/media/post_attachments/wp-content/uploads/2024/04/YS-SHARMILA--jpg.webp)
/rtv/media/post_attachments/wp-content/uploads/2024/06/AP-CM-Jagan.jpg)
/rtv/media/post_attachments/wp-content/uploads/2024/08/mptc.jpg)
/rtv/media/post_attachments/wp-content/uploads/2024/08/YS-SUNITA.jpg)
/rtv/media/post_attachments/wp-content/uploads/2024/08/man-7.jpg)
/rtv/media/post_attachments/wp-content/uploads/2024/08/farmers-1-1.jpg)
/rtv/media/post_attachments/wp-content/uploads/2024/06/YS-Jagan-Chandrababu.jpg)
