AP jobs 2026: ఏపీలో కొలువుల పండుగ: ఏ నెలకు ఏ నోటిఫికేషన్? పూర్తి షెడ్యూల్ ఇదే!

ఏపీ ప్రభుత్వం నిరుద్యోగ యువతకు తీపి కబురు అందించింది. 2026 మార్చి 18న ఉగాది పర్వదినం సందర్భంగా 10,060 ఖాళీలతో కూడిన అధికారిక జాబ్ క్యాలెండర్‌ను APPSC విడుదల చేసింది. సుమారు 25 విభాగాల్లో ఈ నియామకాలు జరగనున్నాయి. నోటిఫికేషన్ల కోసం ఎదురుచూస్తున్న అభ్యర్థులు తమ ప్రిపరేషన్‌ను ప్లాన్ చేసుకోవడానికి ప్రభుత్వం తాత్కాలిక తేదీలను ప్రకటించింది:

మే 15, 2026: ఉన్నత విద్యాశాఖలో 1500 పోస్టులకు నోటిఫికేషన్ వస్తుంది.

ఆగస్టు 15, 2026: గ్రూప్-1, హోమ్ డిపార్ట్‌మెంట్ నోటిఫికేషన్లు విడుదలవుతాయి.

సెప్టెంబర్ 15, 2026: గ్రూప్-2, ఇంజనీరింగ్ సర్వీసెస్ నోటిఫికేషన్లు వస్తాయి.

అక్టోబర్ 15, 2026: పాఠశాల విద్యాశాఖలో అత్యధికంగా 3004 పోస్టులకు నోటిఫికేషన్ వెలువడుతుంది.

ఎంపిక విధానం: ఉద్యోగాన్ని బట్టి ప్రిలిమ్స్, మెయిన్స్, ఇంటర్వ్యూ లేదా స్కిల్ టెస్ట్ ఉంటాయి. పోలీస్ ఉద్యోగాలకు అదనంగా ఫిజికల్ టెస్ట్ నిర్వహిస్తారు.

పరీక్షా విధానం: పరీక్షలు ఆన్‌లైన్ లేదా ఆఫ్‌లైన్ (OMR) పద్ధతిలో ఉండవచ్చు. దీనిపై స్పష్టత నోటిఫికేషన్ సమయంలో వస్తుంది.

హాల్ టికెట్లు: ప్రతి పరీక్షకు వారం లేదా 10 రోజుల ముందు వెబ్‌సైట్‌లో అందుబాటులో ఉంటాయి.

అభ్యర్థులు APPSC అధికారిక వెబ్‌సైట్ psc.ap.gov.in లోని "Notifications" విభాగంలోకి వెళ్లి పూర్తి జాబ్ క్యాలెండర్ PDF ని డౌన్‌లోడ్ చేసుకోవచ్చు.