AP: వైసీపీ అధినేత జగన్కు టీడీపీ ఎమ్మెల్యే బాలకృష్ణ షాక్ ఇచ్చారు. హిందూపురంలో మున్సిపల్ చైర్పర్సన్తో సహా 8 మంది వైసీపీ కార్పొరేటర్లు టీడీపీలో చేరారు. వారికి టీడీపీ కండువా కప్పి పార్టీలోకి ఆహ్వానించారు బాలకృష్ణ. త్వరలో మరికొంత మంది కార్పొరేటర్లు టీడీపీలో చేరనున్నట్లు తెలుస్తోంది.
ప్రభుత్వం నుంచి రావాల్సిన రూ.1750 కోట్ల బకాయిలు అందేవరకూ ఆరోగ్యశ్రీ సేవలు నిలిపేస్తున్నట్లు ఏపీ సూపర్ స్పెషాలిటీ ఆస్పత్రులు ప్రకటించాయి. తమ దగ్గర సూదికి, దూదికి కూడా పైసల్లేవని, నిస్సహాయ స్థితిలో ఉన్నట్లు ఎన్టీఆర్ నెట్వర్క్ ఆసుపత్రులు ఆందోళన వ్యక్తం చేశాయి.
సీఐడీ అటాచ్ చేసిన అగ్రిగోల్డ్ సంస్థ భూములను కబ్జా చేశారన్న ఆరోపణలతో వైసీపీ నేత జోగి రమేష్ కుమారుడిని ఏసీబీ ఈ రోజు అరెస్ట్ చేసింది. దీంతో 2014లో బయటపడ్డ అగ్రిగోల్డ్ స్కామ్ వ్యవహారం ఏపీలో మళ్లీ హాట్ టాపిక్ గా మారింది.
అనంతపురం జిల్లా గొల్లల దొడ్డి గ్రామంలోని చతుర్ముఖ ఆలయంలో దుండగులు విధ్వంసం సృష్టించారు. పడమర నంది విగ్రహాన్ని ధ్వంసం చేశారు. ఘటనపై పూజారి పోలీసులకు ఫిర్యాదు చేశారు. నేపాల్ తర్వాత చెప్పుకోదగ్గ పశుపతినాథ ఆలయంలో ఇలా జరగడంతో భక్తులు ఆందోళన చెందుతున్నారు.
మానవ తప్పిదంతోనే తుంగభద్ర డ్యామ్ గేటు ధ్వంసమైందని ఎమ్మెల్యే కాల్వ శ్రీనివాసులు అన్నారు. ప్రమాదం పొంచి ఉంది కాబట్టి ప్రత్యామ్నాయ గేటు ఏర్పాటు చేసుకోవాలని సాగునీటి రంగ నిపుణులు హెచ్చరించినప్పటికీ తుంగభద్ర బోర్డు అధికారులు పట్టించుకోలేదని ఆరోపించారు.
అనంతపురం జిల్లా బొంతలపల్లి గ్రామస్తులు సెల్ఫోన్ సిగ్నల్ సమస్యతో అనేక ఇబ్బందులు పడుతున్నారు. అత్యవసర పరిస్థితుల్లో 108కు ఫోన్ చేయాలన్నా ఇబ్బందిగా మారిందని ఆవేదన వ్యక్తం చేస్తున్నారు. అధికారులు స్పందించి సమస్యను పరిష్కరించాలని గ్రామస్తులు కోరుతున్నారు.
అనంతపురం జిల్లా పోలీసులు మరోసారి భారీగా సెల్ ఫోన్లను రికవరీ చేశారు. రూ. 53 లక్షల విలువ చేసే 266 సెల్ ఫోన్లను తాజాగా రికవరీ చేశారు. ఇప్పటివరకు చాట్ బాట్ సేవల ద్వారా 15. 04 కోట్లు విలువచేసే 8886 ఫోన్లను రికవరీ చేసినట్టు ఎస్పీ మురళీకృష్ణ వెల్లడించారు.
AP: మాజీ మంత్రి పెద్దిరెడ్డికి మరో షాక్ తగిలింది. ఫైల్స్ దగ్ధం కేసును సీఐడీకి అప్పగించింది రాష్ట్ర సర్కార్. రెండు రోజుల్లో కేసుకు సంబంధించిన వివరాలను సీఐడీకి అప్పగించనున్నారు మదనపల్లె పోలీసులు. ఈ కేసులో పెద్దిరెడ్డి పీఏ, ఆయన అనుచరులు, మాజీ ఎమ్మెల్యే ఉన్న సంగతి తెలిసిందే.
/rtv/media/post_attachments/wp-content/uploads/2024/08/police-8.jpg)
/rtv/media/post_attachments/wp-content/uploads/2024/08/BALAKRISHNA-JAGAN.jpg)
/rtv/media/post_attachments/wp-content/uploads/2024/08/FotoJet-1-10.jpg)
/rtv/media/post_attachments/wp-content/uploads/2024/08/Agrigold-Scam-1.jpg)
/rtv/media/post_attachments/wp-content/uploads/2024/08/temple-2.jpg)
/rtv/media/post_attachments/wp-content/uploads/2024/08/mla-9.jpg)
/rtv/media/post_attachments/wp-content/uploads/2024/08/atp-4.jpg)
/rtv/media/post_attachments/wp-content/uploads/2024/08/phones.jpg)
/rtv/media/post_attachments/wp-content/uploads/2023/08/peddireddy-jpg.webp)
/rtv/media/post_attachments/wp-content/uploads/2024/08/FotoJet-91.jpg)
