Murder: ఏపీలోని బాపట్ల జిల్లాలో దారుణ మర్డర్ జరిగింది. చీరాల మండలం ఆదినారాయణపురం వద్ద సైకిల్ పై వెళ్తున్న ఓ యువకుడు కారుకు దారి ఇవ్వలేదని కత్తితో పొడిచి చంపిన ఘటన రాష్ట్రవ్యాప్తంగా సంచలనం రేపుతోంది. ఈ మేరకు సయ్యద్ అరీఫ్ (18) అనే యువకుడు బైక్ మీద వస్తున్న తన స్నేహితుడు మనోజ్ తో మాట్లాడుకూంటూ సైకిల్ మీద వేళ్తున్నాడు. ఈ క్రమంలోనే వెనకాల కారులో వచ్చిన దుండగులు.. తమ కారుకు సైడ్ ఇవ్వలేదనే కోపంతో అరీఫ్ ను కత్తితో పొడిచి పరారయ్యారు. ఆసుపత్రిలో చికిత్స పొందుతూ అరీఫ్ మృతి చెందారు. కేసు నమోదు చేసి దర్యాప్తు చేపట్టినట్లు పోలీసులు తెలిపారు.