YS Sharmila: ఇది మీకు మంచిది కాదు.. కూటమి ప్రభుత్వానికి షర్మిల హెచ్చరిక

YS Sharmila: వినుకొండ హత్య ఘటనపై ఏపీ రాష్ట్ర కాంగ్రెస్ అధ్యక్షురాలు వైఎస్ షర్మిల స్పందించారు. నిన్నటి వినుకొండ హత్య ఘటన అత్యంత దారుణం అని అన్నారు. ప్రతి ఒక్కరూ గొంతెత్తి ఖండించాల్సిన చర్య అని పేర్కొన్నారు. ఇంకెంత క్షీణించాలి శాంతిభద్రతలు రాష్ట్రంలో! అని ప్రశ్నించారు. నడిరోడ్డు మీద ఆటవికంగా నరుక్కుంటుంటే పోలీసులు ఏమి చేస్తున్నట్టు అని మండిపడ్డారు. ఇది వ్యక్తిగత కక్షల వల్ల అయితే నేరస్తుడిని వెంటనే అరెస్టు చేసి కఠినంగా శిక్షించాలని డిమాండ్ చేశారు.

ఒకవేళ ఇది రాజకీయ హత్య అయితే, కూటమి సర్కారుకు ఇదే హెచ్చరిక అని వ్యాఖ్యానించారు. ఇటువంటి ఘటనలు ఆదిలోనే ఆపకపోతే ఇది మీకు, రాష్ట్రానికి మంచిది కాదని అన్నారు. నాగరిక సమాజంలో ఇలాంటి దుశ్చర్యలకు తావు లేదని చెప్పారు. అటు చంద్రబాబుకు, ఇటు పవన్ కళ్యాణ్ కు మా డిమాండ్ ఇదే అని అన్నారు. వీటికి అడ్డుకట్ట వేస్తారా లేదా? రాష్ట్రం రావణకాష్టం అవుతుంటే మాత్రం చూస్తూ ఊరుకోము అని వార్నింగ్ ఇచ్చారు.

నిన్నటి వినుకొండ హత్య ఘటన అత్యంత దారుణం. ప్రతి ఒక్కరూ గొంతెత్తి ఖండించాల్సిన చర్య. ఇంకెంత క్షీణించాలి శాంతిభద్రతలు రాష్ట్రంలో! నడిరోడ్డు మీద ఆటవికంగా నరుక్కుంటుంటే పోలీసులు ఏమి చేస్తున్నట్టు. ఇది వ్యక్తిగత కక్షల వల్ల అయితే నేరస్తుడిని వెంటనే అరెస్టు చేసి కఠినంగా శిక్షించాలి.…

— YS Sharmila (@realyssharmila) July 18, 2024